26歲月入$15,000 長線投資咩股票好
撰文：龔成
問 1：
龔sir 你好，想問下你本人現在26, 月入$15,000
想長線投資進取型股票，請問有咩建議?
龔成老師答：
你可選擇投資潛力股，例如比亞迪（1211），但這類股的投資技巧較高，你要有一定的投資實力才可投資，否則，佔你組合比例不能太多。
如果你懂得計算估值，可以較有系統地捕捉買賣時機，利潤將更高，否則，月供這些股，令買入價平均，相信是較穩健的策略。（對照龔成信箱Q4242）
短炒忍唔住手
問 2：
成哥，多謝你一直提醒我唔好短炒，但我仍成日忍唔住睇股價。
龔成老師答：
你開始明白投資的概念，但仍有進步空間。
我建議你花多點時間睇巴菲特的書，對於短期消息及資訊，不用太著緊，不用太理會大市的短期走勢，同時學習控制自己的心理質素，不要被大市、股價上落影響。
我地投資，就是將現金轉成企業，擁有企業，慢慢等佢發展，眼光不是當刻，而是多年後，企業發展就會令投資者有收成。（對照龔成信箱Q4240）
九倉潛力一問
問 3：
龔sir 想問下九倉分拆左，仲是不是潛力股？
以及想問下你的睇法。因九倉現在屬於便宜區
龔成老師答：
九龍倉集團（0004）分柝在九龍倉置業（1997），較優質的資產在1997。0004仍然有質素，但以投資價值來計，1997會較大。
由於1997上市不久，而新股上市一般不平，所以仍未算平宜，最好等下先，或只小注買入先。（對照龔成信箱Q4241）
丘鈦科技點睇
問 4：
點睇1478？
連跌左好多
龔成老師答：
丘鈦科技（1478）本質不錯的，但估值上過高，之前相關股炒得好勁，雖然這股有增長力，但估值上不平宜。
就算現時股價回了不少，市盈率仍約50倍。相信中短期股價仍會波動，如持貨太多，可能要減持少少。如持貨水平無問題，那就守住先，始終這股有質素，不用擔心。（對照龔成信箱Q4243）
舜宇光學科技質素如何?
問 5：
龔成老師點睇 2382 舜宇光學？我不相信什麼入藍籌魔咒，亦不在意大戶獲利沽貨資金換馬。
但見股價連日暴跌，賬面虧損漸大，想請教老師對呢間公司的睇法。
應否繼續持有？
未來還有破頂的希望嗎
龔成老師答：
舜宇光學科技（2382）有質素的，長遠有增長能力，不過最大的問題是估值過高，就算佢股價在$100，市盈率仍高達70倍，所以之前炒得太勁。
要有心理準備，中短期股價仍波動，但長遠不會太差，會慢慢上，所以持有都無所謂，始終這股有價值，但可能要時間守，要有耐性。（對照龔成信箱Q4244）
儲蓄計劃一問
問 6：
您好啊！最近有朋友推介我一個XX儲錢計劃，話保證派息5厘，你覺得我將錢放係月供優質股好，定XX個儲錢計劃好呢？謝謝
龔成老師答：
這類儲蓄計劃，好處是風險低，回報較為穩定，所以適合低風險的人。但缺點是增長力一般。
至於月供股票，就算簡單地月供盈富（2800），每年複息回報也會超過5%，會比上述的儲蓄計劃好，只要長期供，不理短期波動就可以了。但股票有價格波動，所以必然比上述計劃的風險高。
因此，要睇下你的風險承受能力，如果你年輕，可承受風險，其實月供股會較好。但都可以將每月小部分資金，買上述的計劃，建立平衡財富組合，都可以的。（對照龔成信箱Q4245）
比亞迪電子一問
問 7：
成哥又要麻煩你了。
我之前分散小注入左
金沙@37.4
比亞迪電子@20.0
我見比亞迪電子都回左唔少 係咩可以再等13蚊左右再入？
另外希慎同太古我見你本書提過股息有3.5%可以入
希慎都接近但太古3.5%大概要20蚊，而宜家牛二左右的市況係咪無可能去到呢個價位？
龔成老師答：
比亞迪電子（0285）在$15較為合理，由於你買入價略貴，所以第二轉再入，應該有一定的距離，盡力拉到約$15的價位，如果去到$13，都可以考慮入。
至於希慎（0014）同太古地產（1972），其實兩隻都有少少貴，不過無辦法，始終市場覺得佢優質，後者的息率比較低，所以買入前者先會較好。要落到較合理的價唔易，可以先小注買入先。（對照龔成信箱Q4246）
中國電力一問
問 8：
龔老師你好，請問2380現價約$2.00息律有8%是否適合長線投資？
剛配完股對長線持有此公司的增長會否有改善呢？謝謝！
龔成老師答：
中國電力（2380）之前完成供股，資金上不差，加上本質不錯，會慢慢向好的。因為這公司不是劣質小公司（這些公司供股後，會用資金做不當行為），但中國電力這類公司，供股後會發展業務。不過，發展要時間的，不會好快見到回報。
但由於供股後會令股數增多，下年的每股股息，將會減少，我相信無8%，或許只有5%。
現時股價合理，但這股中期業務仍未向好，相信中短期股價仍會波動，因此不要大注，同埋最好分注入。（對照龔成信箱Q4247）
利福你點睇
問 9：
龔sir 你所有書我都買哂了
最新果本書提到1212 利福國際
其實佢算不算高風險
因為投資左啟德地
龔成老師答：
利福（1212）投啟德的目的，主要想係果度開多間SOGO，同埋持有物業收租，我相信是正面的。這股過往的作風都穩健，加上派息不錯，有投資價值的。
投地發展雖然會提高風險，但整體的風險不算太高，當然，以收息股來計，佢不及港燈（2638）、合和公路（0737）等穩健，但都可以作為收息股一員，只要注碼不太多就可以了。（對照龔成信箱Q4248）
月供股票部署
問 10：
成哥 我想請問一下月供股票 我現在每個月6000
2000 66
2000 823
2000 3
你認為供多2000收息股或一手手買收息股比較好 你認為6823或1270比較好,另外我打算供多2000 去潛力股,你覺我1211底1928? 謝謝
龔成老師答：
由於市況近一年升了不少，所以最好用平均入市法，例如長期進行月供，風險最有效平衡，如果你想供多隻收息股，就加上香港電訊（6823）。
另外，投資潛力股，要睇你自己的風險承受能力，如果你本身好怕風險，那就投資金沙（1928）（其實金沙偏向穩定多於潛力〕，如果可接受少少風險，比亞迪（1211）都可以，這股略有風險，但月供已無問題。（對照龔成信箱Q4249）
比亞迪雲軌項目
問 11：
你點睇比亞迪雲軌項目?
龔成老師答：
比亞迪（1211）雲軌有發展力的，因為佢做左呢個業務唔係好耐，但已經有好多訂單，我相信這部分是比亞迪除電動車外，另一個增長點，所以長遠正面的。（對照龔成信箱Q4250）
多謝各位提問，若然你有問題想向本人發問，可在龔成的fb專頁中（facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要3天以上才能回覆，若然是較複雜的提問，起碼要7天才能回覆，希望各位能諒解。
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：facebook.com/80shing
個人網站：80shing.skx.io/
