24歲少女想30歲前月入3萬 眼前有2個機會苦惱點揀好

想創業但老闆話5年後月入3萬

日前，有24歲年輕女網民上Dcard討論區發文，指希望自己30歲前可以達到月入3萬的目標，而眼前有兩個選擇，詢問網民該如何揀：

1. 由0創業試1年再算
2. 繼續打工儲年資，老闆話5年後包月入3萬

貼文共獲2002個網民投票，當中28%支持創業，31%支持信老闆，另外41%表示只是想看結果食花生。

樓主其後在留言中補充，創業主要是想賣女仔衫，並指早兩年已經有開創副業做代購，但全職工作後便停了該項生意，不過最近突然有朋友說想一起重新該項生意，因此在思考是否值得一搏，因為根據以往經驗要全職才可以做得起，否則要30歲前月入10萬應該不能夠成功。

打工派：跳槽蓄經驗就跳得好高

支持打工的網民主要認為這個時期創業要賺錢很難，而且3萬並不算是很難的目標，考政府工的話輕鬆可以做到：

• 「如果目標只係月入3萬，建議打工又唔使煩，創業頭幾年有賺都偷笑。」
• 「建議繼續打工儲下錢先，未來一年都唔會係創業好時機。」
• 「文科就快啲去考政府工啦，一係轉護士fg 30K，做admin/hr到40歲都唔會有30K。」
• 「香港創業bad bad，仲要經濟咁差，你頭幾年蝕嘅錢要負擔到先得啵。除非你果行勁窄，如果唔係就跳槽啦。跳下跳下，一直蓄經驗，你就跳得好高㗎啦。」

亦有網民表示不應該相信老闆的說話，反而跳多幾次槽可以輕易達到月入3萬的目標：

• 「打工就睇做邊行，唔係行行都可以做幾年就有30k一個月，同埋老闆講既野，唔好信咁多 當聽下就好。」
• 「打同一份工5年先比3萬，轉公司3-5次都一早就過3萬，除非你真係好鍾呢間公司，同埋30歲前目標月入3萬呢個係你自己想要，定係社會要求你想要。」

「我建議唔好信老闆，包月入三萬？無嘢係寫包單，人（尤其職場上）係信唔過嘅，五年後你仲留得到喺間公司再講，加上五年唔轉工，其他公司會覺得你點解咁耐都唔轉工，係咪冇能力轉/份人冇目標/冇其他好offer。」

創業派：上哂軌道再辭職

即使是支持創業的網民，亦認為應該先邊打工保底，在兼職創業：

• 「可以邊番工邊準備創業或者試業嘅嘢，一嚟就直接創業會對個經濟好大壓力，到上哂軌道再辭職都未遲。」
• 「why not both，大把人創業都係兼職咁做，你想開咩公司一定要FT做。」
• 「創業，你有錢一路打工一路創業都得架，大把人係咁，無人話創業一定要quit本身份工，你handle到咪得囉。」

「建議開個副業搞搞佢先，因為一開始創業，要預左蝕，無收入你肯定頂唔住，打工耐左你會思考，到底我係到搞緊咩，人生係咪就咁算，要做到退休，既然有心創業，不如一早/睇下有無人識做生意，去學返兩手。」

延伸閱讀：娘家家用難題｜老公埋怨畀多咗 港媽自覺好傻：係咪要留多啲畀小朋友

延伸閱讀：黃埔私樓「如有神助」跌得少 中原睇好全區今年反彈10%：樓價有保證！