23歲月儲 $6,000 想29歲買樓有希望嗎
問1：
你好老師，請問如果我23歲，29歲想買樓，而家一個月儲到$6,000左右，係咪無咩可能，除非真係好進取？
龔成老師答：
只要你用正確方法，保持儲蓄，合理增值，了解樓市，就能做到的。
每月儲$6000，一年儲$72000，6年就儲到$43萬的本金，只要合理增值，要滾存到$50萬-$60萬是合理的事，這絕對不誇張。若果你有選股及把握投資時機的技巧，要滾存到$70萬-$100萬都是可能的，但當然要配合市況等因素。
就算只有$60萬，也可以置業，現時只要低過$400萬的樓，仍可以做9成按揭，首期絕對足夠。加上無人知6年後樓市會係咩環境，你可先以「$60萬」為目標。到時若樓市下跌，你可以買到更大的物業，甚至，在這數年間，把握樓市下跌的時機入市。
總之，以你的儲蓄情況及目標，要在29樓買樓，是一件做得到的事。(對照龔成信箱Q2726)
問2：
你好，龔老師，有幾個問題希望你可以幫我解答下：
1. 由於之前本人係比較高位買入中國鐵建(01186)同北亞資源(00061),亦蝕了不少，所以想請教下你意思如何，你見解如何？我應該放嗎？
2. 我有留意你經常講盈富基金(2800)係優質股,我都想買尼長線投資，咁呢排都跌左少少，應該呢個時候入手嗎？還是可以再等跌多少少先買？
3. 短炒方面你可以推介少少嗎？
4. 你認為美圖公司(01357)未來有機會似今日的騰訊控股(00700)般優勢嗎？雖然或者美圖冇騰訊做得咁大，但我見Facebook 都話同佢合作的,相信都會係一個好的開始吧？
最後，好多謝你抽空去睇我的提問，我都係學習階段，希望你唔好見怪，期待你的回復，非常感激！
龔成老師答：
1）中國鐵建（1186）質素其實不差，你只是投資時間不對，在高估值時買入，近年這股不斷下斷，只是由「昂貴區」，回歸至「合理區」。這股可持有，但要上到之前高位，要有耐性才等到。
至於北亞資源（0061），業務雜，公司不大，過往多年虧損，生意愈做愈細，沒有投資價值，這股比較麻煩，相信止蝕是較理性的決定。
2）盈富（2800）是恆指的代表，當恆指在27000時，市盈率約14倍，過往歷史市盈率為8倍至24倍，現時算是中位數，可投資。
3）我過往做了10年銀行及證券行，見證了不同人投資的模式，所以短炒的，有95%以上都輸錢收場，賺錢的，是長期投資的一群，所以我不短炒，抱歉無意見。有好多野，坊間「專家」不會同你講。
4）美圖公司（1357）是風險與潛力並存的公司，股價會好波動，但我無法評估佢的投資價值，只能說，佢業務可以發展得好勁，但行業結構有本質性的不穩，佢被其他公司取代，這同樣是可能的事。(對照龔成信箱Q2721)
問3：
龔Sir如何看比特幣投資？
龔成老師答：
我自己不會投資，因為我只投資自己熟識的項目。
這是一個虛疑貨幣，不能稱為資產，真正的內在價值成疑，長期價格可以好低。不過，在近期不斷的熱炒下，價格可以大上大落，可能令你賺倍計回報，也可能令你蝕好多。
我只能說，我不懂，所以我不投資。(對照龔成信箱Q2723)
問 4：
龔成，其實港交所策略其實係唔係應該每逢大趺市就更加要月供多D / +大金額,, 因為港交所係周期股,永遠都係跌完過一排等等又升,每次跌市即買多D可以嗎
龔成老師答：
港交所（0388）是好優質的股票，其本上，只要股價不太貴，都可保持入貨。若然你有點投資技巧，略有評估企業平貴，以及了解股市週期的概念，當然可用你講的方法，這會更有效提升回報。
即是一般時候，只要不貴，都可慢慢收貨，但當大跌市，就可「掃貨」，這是週期股，慢慢會上翻的，若你有技巧，更可在股市狂熱期賣出，以週期模式投資。(對照龔成信箱Q2715)
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：https://www.facebook.com/80shing
個人網站：https://80shing.skx.io/
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
