剛畢業開始學投資 70%資金買騰訊碧桂園舜宇 會否太冒險｜龔成信箱
撰文：龔成 ｜圖片：新傳媒資料庫
1.騰訊
龔成老師你好，剛畢業開始投資，朋友介紹我看你文章，受到你很多啟發，謝謝你!
最近想買50個穩定收息股和財務自由行看，無奈還未找到有貨。自己希望一面睇你嘅書籍，一面嘗試好似你選優質股，想請問一下你會推介用咩股票分析軟件？
我應該睇邊本財經雜誌？我宜家睇資訊大多係睇XX財經網，感覺上好似唔係太足夠。
還有在現時經濟環境下，把七成資金都放在700 405 2007 2382這種不算穩定的公司會否太冒險？因為現在股市好像有點過熱
龔成老師：
我的書部分已斷了貨，你主動問職員就得，有時這店沒有，佢會同你講邊間店有。如真的無，你同佢話面訂貨就得，留個電話就可以。
就一般的財經資訊，你睇經濟通、AASTOCKS、中銀香港的網，都有足夠的資訊。但我平時分析股票，資訊只佔了分析的10分1，而最多時間，則是研究企業。
我會上港交所的網站，下載年報去睇，亦會到說企業的網站，去研究這企業，同時會睇埋佢競爭對手的網站。
我股票班會有選股程式介紹及示範，到時會詳細講述。
騰訊（0700）有潛力，但的確有點波動，太多資金未必是好，我相信現時是你的上限。越秀房產信託（0405）穩健的，無問題。
碧桂園（2007）則有一定的風險，資金不要太多。舜宇光學科技（2382）正面，但股價比較波動，未必合太大注。（對照龔成信箱：Q5505）
2.數碼通電訊（0315）
你好，閣下著作曾提到315，現時已在三年低位，同時間大市較波動，應該繼續觀望還是可以趁機吸納？
龔成老師：
數碼通電訊（0315）本質不錯的，但受電訊業的價格戰影響，加上大市較弱，令佢的股價都較弱，這股長遠正面，雖然不是高速增長類別，但都有一定的質素。
這股可投資，但由於大市波動，投資時要分注，同時要留有現金。（對照龔成信箱：Q5698）
3.恒基地產（0012）
龔老師你好，半年無問你野了，現在我已儲了130萬，想問一問12恒地而家買得過嗎？
見他是四叔的又是煤氣嘅母公司又是會有10送1，另外都知佢收左好多農地等批轉換用途，另外一點想等四叔分配身家比2個仔時分拆番業務(好似李超人既公司分拆比二個仔個時咁)睇下股東有無得益
最後我想買入後長期放係度等佢雪球滾大佢，到真係無咩錢用/ 需要時先放一手二手出黎用，咁既策略可以嗎？
唔該龔Sir
龔成老師：
策略是可以的，但不要只集中在一隻股票裡。
恒基地產（0012）正面的，佢持有的農地是發展商中最多，而家香港供求失衡，佢的地一定有相當的價值，地只會愈來愈貴。
佢手中的地，根本唔同政府急，佢會慢慢完，長遠這股正面。
所以，你可以利用這股，將資產不斷滾大，不用賣出，真的到有需要先賣少少。但都是這句，不要只集中在一隻股。（對照龔成信箱：Q5699）
4.置業方法
龔兄，今日剛剛完成閱讀你的著作！
888/666的置業方法令我深思，真係令我眼界大開眼界！我會加油的！
龔成老師：
《財務自由行》所講的方法，是一個大方向，是一個股樓平衡滾大的方法，你可以將這定為人生的長期策略，但不一定要硬性規定。
因為樓市股市總有起跌，中期會出現好多機會，你可以把握到這些機會，將資金更快滾大。這刻就集中儲錢、投資、強化知識。加油！（對照龔成信箱：Q5700）
5.新城發展控股（1030）
我是股票班學生，想問一問，1030新城發展控股
先符合你三步曲第一步指標 分析到現金流量表有不明白
另外，唔知點解佢市盈係編低
計左大約位都係超出而家合理價值
龔成老師：
新城發展控股（1030）整體的質素不差，各方的指標都合符我地的選股原則，現金流量表方面，在經營的部分，有正有負，但大致都是正數，這已經可以了。
因為理解這報表，比你想象中困難，當中有好多會計上的知識，因此大概ok，就已經表示合格了。
佢由於盈利急升，令這年的市盈率變得好低，但未必能完全作準。因此，你要象課堂所學般，計算出有代表性的EPS，以這個推算市盈率等，然後在估值上會更好。
因為單靠一年數據，而這年的盈利又出現急升，你好易會出現錯誤計算。（對照龔成信箱：Q5502）
6.唐宮中國（1181）
老師，你點睇唐宮?
算係潛力股同優質股??
龔成老師：
唐宮中國（1181）係中國經營連鎖飲食業務，提供多元化餐飲選擇及餐桌服務，以及婚宴服務。佢以多個自家品牌經營的餐廳提供各種中式及日式食品，該等品牌包括唐宮海鮮舫、唐宮壹號、盛世唐宮等。
雖然佢業務保持增長，生意同盈利都有理想的上升，但這股不是一隻潛力股。
佢本身都有一定的質素，但管理層沒有太大的野心，沒有太大的保留盈餘，反而將盈利不少都用作派息，因此，這企業都會有資金作發展，但就不是潛力型。只會是增長型。這股都有投資價值的。（對照龔成信箱：Q5503）
7.深圳國際（0152）
老師，你覺得0152點？
佢業務好多元，亦好成功，配合上前海同大灣區發展睇黎前景唔錯！
龔成老師：
深圳國際（0152）正面的，佢主要從事物流基礎設施的投資、建設與經營，以中國珠三角、長三角和環渤海地區為主要戰略區域。
佢通過投資併購、重組與整合，重點介入城市綜合物流港及收費公路等物流基礎設施的規劃、建設與經營，及向客戶提供高端物流增值服務。
深國際的控股股東，為深圳市人民政府國有資產監督管理委員會的全資附屬企業。
政府要發展大灣區，當然會對佢有利，前景正面，現時估值合理，可投資。（對照龔成信箱：Q5504）
8.投資知識
龔成先生你好，我出黎社會正式工作了3年
最近終於草到人生第一個$10萬，但最近因為要半工讀 要交好貴學費 加上自己人工唔高 而我唔想因為要交學費而草唔到錢，所以有投資呢個念頭
不過，我從來都唔識投資 更加唔明股票市場用語，而我有留意你推薦盈富基金，你認為我係咪應該先學習左基本知識 先買呢隻基金？
龔成老師：
投資知識當然重要，你可以從睇書、上課程等各方面去學習，無知識就不會有好回報，你一定要花多點時間去學習。
我地投資，是長期進行，絕不是炒炒賣賣，原理是將現金，轉換成企業的股票，長線等企業成長，我地的財富就自然會增值。
盈富基金（2800）包括了50隻股票，是一個組合，這50隻是恆指成份股，即是有一定的質素，較大型，代表性較好的公司。
簡單地買入盈富，已經是一個優質股的組合，同時有分散風險的能力。對於不懂或不想選股的人來說，是最簡單的投資。
月供股票有價格分散的作用，因此，月供盈富適合大部分投資者，我相信亦適合你。就算你是初階者，就算你未有知識，都適合，只要長期進行就得。（對照龔成信箱：Q5506）
9.公司派息
老師，問一間公司派息嘅錢係咪直接去左銀行？
戶口入邊
龔成老師：
會直接入到你的結算戶口。例如你在銀行開股票戶口，一定要連結一個儲蓄戶，這就是一個結算戶口，當你買股票時，就會在這戶口扣錢，如果你收息時，股息就會入落去。（對照龔成信箱：Q5507）
10.福壽園（1448）
龔成老師，請問你點睇1448福壽園？
而家買入一至兩手會否太高？定係可以照買一手先，後市再分注買入？謝謝你！
龔成老師：
福壽園（1448）現價真的不平呀。
這股有質素，有潛力，佢業務出來不錯，合理的價值亦有所上升，但股價的確不平，如果去翻$6左右的水平，才算較合理。
不過，我怕佢見唔翻這個價，所以，如果你想買入，不如現價回少少，入一兩手小注先，到股價真正下跌時，才正式買入，到時都要分注。（對照龔成信箱：Q5508）
體驗1分鐘貸款批核隨時提款話咁易
平遊東京不是夢！最平住宿喺曬呢到
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
延伸閱讀：
史上最貴新股歌禮製藥每手16161元抽揸沽全攻略
