長和股東BlackRock兩手準備 誠哥騎虎難下︳凍鏈茶專欄
廣告
長和（0001.HK）早前向由貝萊德（BlackRock）牽頭嘅財團出售巴拿馬運河港口在內嘅海外港口資產，有關交易引來中國官方不滿。據《華爾街日報》引述消息報道，中國國家主席習近平對此感到震怒，部份原因係長和做決定時無徵得中央同意，此舉被指違背國家利益。長實見風頭火勢，甚至取消上星期嘅業績記者會，仲決定今年度公布業績時不設分析員會議。
照理以誠哥嘅智慧，決定賣運河予外國財團之前，無理由唔做晒風險評估。好多分析都認為，呢單交易最終都會搞得掂，事關如果正常買賣都唔得，真係邊個仲敢喺香港做生意？不過，相信最終賣得成，長和都難以再取得中央信任。咁唔賣又得唔得呢？
事實上，美國勢力貝萊德（BlackRock）從國際地緣政冶中揾食早有部署。一直持有長和股份約5%，屬長和第二大股東，本對此千億交易有“Say”。但於一月份突減持至4.99%(低於5%)，變成日後無須向交易所申報持股量，此舉變成BlackRock日後可隨時把手頭股份賣予有興趣長和旗下海外港口之關鍵財團。所以長和一早已被外國勢力落咗口釘。
BlackRock CEO Larry Fink 非省油的燈，借住中、美角力從中揾錢途，今年1月Tiktok場大龍鳳，話除非字節跳動撤資Tiktok，如果唔係國會就推動法案將Tiktok app喺美國下架，最後又極速達成協議復活。再睇真啲，Blackrock亦係Tiktok母公司字節跳動股東，可以講睇哂其全相亦配合特朗普政府政策。Tiktok命運同長和好相似。如果今次千億大刁唔成事，BlackRock把手頭4.99%的股份如出售予其他財團，都會是長和（0001.HK)的隱患，所以誠哥今次真是騎虎難下！
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
