連登貼倉鬥慘大會2022｜中TQQQ騙局輸8成開Po圍爐 有人輸過百萬未跳樓
廣告
近日股票市場哀鴻片野，有網民指自己買美股正股，倉位輸80%，因此上網圍爐求安慰，豈料貼文一出除了惹來極大回響之外，原來樓主輸80%已是「濕濕碎」，大量網民貼倉力證自己輸9成以上甚至輸凸，當中有人輸過百萬仍面不改容！
「只係安安份份買正股」
日前，有網民以「輸80%既人入黎圍爐」為題在連登討論區發文，指自己「60萬倉輸緊8成，有冇手足都係輸到企左係到咩都做唔到」。
樓主其後補充，自己「只係安安份份買正股」，當中主力是TQQQ，當見到很多人回應都說自己是買TQQQ而輸時，更概嘆「發現真係好多人all in tqqq…咩騙局黎..」但他似乎仍未吸取教訓，更指「如果我空倉，依家我一定all in」。
要贏返五倍先平手
大家一齊來欣賞其他網民的留言及貼圖鬥慘：
- 「17萬，輸淨7萬，有無計，幫幫忙。」
- 「唔使圖我都信你，連登仔，贏錢同人講成人聽，輸錢好少聽人講。」
- 「剷APP，五年後再開返睇，包你開心。」
- 「由2020年玩到而家，個倉賺賺蝕蝕上上落落，而家蝕緊1000鎂。」
- 「輸八成，要贏返五倍先平手。」
- 「80%算好啦，利申輸突，差銀行錢，加加埋埋輸兩球。」
- 「一百萬倉輸哂，仲未接受到。」
- 「剩返果啲拎去買阿仙奴。」
- 「輸緊28萬，月入2萬5普通文職，都要年幾2年先儲得返。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：Unsplash@nampoh
