通脹輸家｜網民斥「儲錢多餘」 舉3大誇張加價實例：有無試過畀茶餐廳搶錢？

該名網民表示，感覺近兩年通脹的速度，相比學生時代升得越來越急，回憶當年一餐飯「就算中一食到中六」也只不過是加價1、2元，擔憂如果通脹持續下去，5年後可能要「成嚿水先食到飯」。

網民亦紛紛表示同意，直言「我呢兩年感受係10%，10%咁上」，紛紛列出近年令他們覺得加價最誇張的事物。

茶餐廳通脹：常餐加到60蚊

樓主慨嘆，茶餐廳食物價格已不再平民，表示在屋邨隨便吃個午餐也差不多60元，但自己仍然停留在覺得一餐應該大約45元左右，財政上和心理上仍未適應。

• 「過多兩年咪$70食餐lunch，5年後就成舊水。人工都無升得咁快，以前啲野都無升得咁誇。」
• 「仲記得啲野食由中一食到中六都係貴左2、3蚊左右，係呢兩年痴曬線。」
• 「由35蚊加到42蚊已經覺得好貴，因為食個飯都係45至48蚊左右。依家飯要55蚊，常餐都加到50蚊。」

薯片通脹：大包裝賣25蚊

亦有網民發現，近年薯片加價幅度亦不容小覷。

以超市常見的以大包薯片為例，「上年前年大概仲係$20上下，平則$19、貴少少就$21。」但去到今年，大多數價位維持25元，直言好像「覺得俾佢搶錢咁。」

網民表示，寧願選擇價格更高的外國薯片，感覺加價幅度較少，貴都貴得心甘情願，亦有網民表示寧願自製薯片「我自己切薯仔，入焗爐自己整薯片就算」。

單剪通脹：速剪店加到80蚊

不少網民亦發現，除了飲食指出大增外，近年髮型屋、速剪店收費亦不知不覺加價。

• 「從前50元就能落樓的單剪，不少已加價至80元，少數怕長計，男生一個月前一次頭髮，長遠也是一筆開支。」
• 「一開始好似係30、40蚊？都係幾年嘅事。」
• 「除咗快剪，全部過100」

有網民感嘆，其實加價並不可怕，只是「與此同時，最低工資仲係$37.5先不合理。」

延伸閱讀：不敵內地同行做爛市 吉野家旗下花丸烏龍麵敗走中國

延伸閱讀：壽司郎誠徵分店選址！四大舖位要求獲網民創意留言冀「地區私有化」