觀塘19蚊阿婆三餸飯 店主薄利益街坊「學生再減3蚊」：係30年前讀書情懷
觀塘三餸飯僅售19蚊
兩餸飯一直被視為「糧尾救星」，飯盒以都平價、抵食、選擇多作招徠。若然打工仔略嫌兩餸飯配搭有限，不如試試位於觀塘的三餸飯小店。
有觀塘街坊在網上討論區報料，指自己在觀塘街舖發現一間「可能係世界上最平的三餸飯」。雖然店內的價錢牌未有列明當日可選飯餸，不過一眾街坊和網民已被價錢深深吸引。
從網上圖片所見，該三餸飯堂食售價為26元，連一碗例湯，如配搭紙包飲品則為28元；如果食客選擇外賣，價錢更加吸引，單買一盒三餸飯只需19元，如選擇配例湯或紙包飲品則為21元及22元，適合月尾想食得飽的打工仔。
樓主發文表示，這間小店其實已經營一段長時間，一直由店主婆婆擔旗，主力做學生、街坊和的士司機生意。而且更提供粥品、腸粉和炒麵等中式食品，價錢同樣便宜。
網民：好似返咗屋企食飯
雖然小店，環境比較一般，但賣點是價錢親民，而且菜式充滿「有返屋企食飯感覺」，更留下食評：「好似返到屋企阿媽煮咗乜就食乜，味道可以。」
樓主分享，有次到訪問店主婆婆有甚麼菜單時，婆婆都會逐一介紹當日菜式，樓主再觀察現場其他食客選擇，大部份都點了三款餸，婆婆更不時會加餸，最終依然明碼實價收取19元。
樓主在帖文上載相片補充，那次點了豬手、雞翼和蕃茄蛋，認為是「一個平常、便宜、唔重味嘅三餸飯」、「分量同味道都可以，價錢無得頂」，而且小店的學生餐會再便宜一點，直言「有益過漢堡包、薯條啦」。
20年前開始做學生生意
以上食評發表後，隨即吸引一眾識飲識食網民幫三餸飯小店「起底」，發現該店位於觀塘瑞寧街一帶，名為「安發小食店 」。
店舖位於比較遠離市中心，距離裕民坊為8至10分鐘步程，而且YouTuber煮食頻道「職人吹水星星師傅」亦曾經介紹過該小店，相信知名度只會愈來愈高。
觀塘街坊：「當年常常食，3個幾一碟飯，印象中，味道幾淡吓，仲有，以前啲學生哥冇乜錢，所以排長龍。」
- 「婆婆派福利，益街坊！」
- 「19蚊，真係好薄利！」
- 「真係好抵食，出面要兩餸飯都唔止$19蚊！」
- 「學生優惠16蚊，等於20幾，30年前我學校飯堂嘅價錢！」
- 「咁嘅價賺份人工都好微薄。」
- 「我特登坐車去支持佢，上次星期日仲摸門釘。」
- 「價錢真係無語，可惜唔近我。」
- 「我就喜歡食紅燒魚，歡迎每人一款喜愛食物報上來，等睇到嘅老闆更新下啦。」
一間充滿人情小店，難能可貴的人情味可能遠勝味道和價錢，而樓主希望婆婆繼續經營下去，讓街坊食到又平又靚飯餸。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
