90後股票初哥月儲2萬 想分散投資滾大財富 可以咁做｜龔成信箱
【投資】今日龔成信箱，不少讀者想為未來作打算，應如何實行投資計劃，亦提及熱門的股票以及投資心態等問題，當中包括財務自由、收息股、月供股票、分散投資、銀娛（0027），以及金沙（1928）的提問。
撰文：龔成 ｜圖片：新傳媒資料庫
1.分散投資
我現在有大概10萬儲蓄（Age23)
每月收入大概3-4萬（做銷售不穩定）
洗費戶口有3萬左右 （用黎行街食飯）
一般一個月會用1-2萬買野食飯咁
想知如果我想開始買股票，我應得點分散投資呢？
因為睇左你啲文章 你一般都會建議小本的就供股，
咁我應該供邊隻好？
供幾多個好？
另外，儲蓄果邊我都想用黎買股票，你認為用晒黎買好？還是一部份好？
本身諗住報陪你既投資課程，但我怕我乜都唔識 會聽唔明你講乜，希望有經驗後未來會有機會可以上到你既投資課程啦。
龔成老師：
你現時的$10萬，可將一部分，例如$5萬，同做投資，你可以投資平穩增值股，例如盈富（2800）等，分注買入就得，餘下的留有現金，暫時不要動用。
至於你現時的收支情況，其實每月可以儲到$2萬，你仍後生，應該盡力把握機會，儲蓄、穩健投資，將財富滾大，因為我地愈後生，複息財富效應愈強，這機會你應盡力把握。因為以你的情況，憑儲蓄及投資，要在5年內累積過百萬，是合理的。
每月$2萬，你可以將其中$1萬去做月供股票，平穩增值股為主，加上小小潛力股，長期進行就得。
至於股票班，其實初階者都適合，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。
每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
另外，你上課之前，多睇理財、股票類的書，留意一下財經新聞，到時就較易跟到。（對照龔成信箱：Q6135）
2.銀娛（0027）
我21歲，係咪應該投資銀娛，多過金沙，因為前者仲有三，四期，橫琴島，日本同菲律賓項目。
龔成老師：
銀娛（0027）同金沙（1928）都是很優質的股票，從穩健程度，金沙會略高少少，但金沙已過了最高增長期，往後只會平穩增長，佢發展的速度都減慢。
相反銀娛仍有不錯的發展潛力，因此對你來說，投資銀娛的確是較好的，上述你講的銀娛發展項目，都是未來的增長點，但由於現時股價不平，以分注或月供模式較好。（對照龔成信箱：Q6128）
3.銀行股
成兄 睇左你對匯豐的評論 你話銀行股最好只佔3成 即係不宜持有太多？
但我記得未貿易戰前 香港開始跟美國加息 匯豐都開始升 而且整個加息過程需時3 5 7年 咁睇銀行股唔係都好有潛力咩？
龔成老師：
銀行股不宜太多，這是風險管理的問題，不是睇淡銀行股，無論銀行股好景的不景，我都會建議不要持有超過3成。
銀行是甚麼？就是問你借錢，然後借比另一人的機構，這是一個高度負債的構機，本質就有一定的風險，當然，我認為銀行的監管穩健，但如果有一些金融危機出現，而你手上大部分都是銀行股，就會對你的組合，造成一次過的打擊，因此，銀行股可投資，但不要太集中。
加息週期，的確會令銀行股的息差拉闊，有利佢地的盈利，因此是正面的，但之後加息的力度有幾強，當中都有好多未知數。（對照龔成信箱：Q6129）
4.月供股票
龔成老師，您好！最近買左您本新書，而家睇緊，俾左好多投資概念俾我，謝謝！
我最近想開始月供股票，有問題想請教您。
我目標係5年想儲至少100萬，當中預計每年人工佔儲蓄12-14萬，咁我應該仲差35-40萬先達到目標。
1.考慮到供款5年，期間大市可能會過熱，如果先供小供款額，到跌市再增加供款額，可行嗎？
2.以下月供組合，有可能達到目標嗎？
盈富基金（2800）- $2000
比亞迪（1211）- $1000
領展（823）- $1000
再次多謝龔成老師解答！
龔成老師：
多謝支持！《股票勝經》好多有用知識在其中，你要好好學習。
1）如果你每年能儲$14萬，再加上投資上的回報，要5年累積到$100萬，是可能的。
「先供小供款額，到跌市再增加供款額」可行的，但你最好都有一些貨打底，因為無人知之後股市的升跌，我地只能分析現時平貴、冷熱，從而決定而家供多供少。
以現時的市況，你可以「一邊月供，一邊儲現金」進行，如果大市進一步上升，並到了過熱，就減少供款。反之則增加。
2）以現時的市況，如你本身無貨，供多啲都可以，你可以每月供$6000-$7000，等你有翻d貨先。如果唔係，你一直等個市跌，而最後唔跌，你會損失資金機會成本。（對照龔成信箱：Q6130）
5.申洲國際（2313）
老師你好
想請教下2313申洲國際是否值得長期投資？
龔成老師：
申洲國際（2313）本質不錯的，近年的生意與盈利都有不錯的增長，加上佢股本回報率（ROE）處於高水平，反映佢雖然做代工方式為客戶製造針織品，但由於利用全縱向模式營運，令佢都有一定的優勢，有一定的賺錢能力。
這股長期有投資價值，不過現時市盈率已接近30倍水平，的確唔平，如投資可以分注，慢慢入，先小注。（對照龔成信箱：Q6131）
6.溝貨
老師請問：以月供股票（2800）或其他股票，平均買入模式。{和我一手手幾手咁買（溝貨），分別係邊？
主要拎平均價及減低風險？我有看你fb講解月供但我還有些問題（如上）令我胡亂。。請指導，龔成先生
另外，請問你有沒有其他VCD及片來賣？
龔成老師：
月供股票，同分注買入，目的都是想分開不同的買入價，以減少一次過在高位買入的風險。
分注買入：例如你有$10萬，分開3次，每次33000買入某股。
月供股票：你每月供$5000在某隻股，由於每月股價不同，買入的股數不同，這是一個長期進行的累積股過程。例如第一個月$10，你能買入500股，第2個月$20，你買入250，不斷儲貨。
月供股票能更有效將買入價平均，所以風險較少。
我暫時只有實體班，未有VCD，但都會研究不用的教學方式。（對照龔成信箱：Q6132）
7.熊市
老師1211我我慢慢吸納 耐心等候 現價一手 $45左右一手 $40左右一手 $35左右一手 呢個分注方法可行嘛？
成哥你認為而家似唔似熊市?熊一呀…個市好似每日都大上大落咁 心理壓力好大…
手上有371 1371 2342 8238值得持有嘛？
龔成老師：
這方法當然可以啦，可以有效令你減少風險，不過，如果股價唔跌，可能會令你入少貨，所以有利有弊。比較之下，我較建議做月供股，效果更好。
而家唔係熊市，真正的熊市，比而家可怕得多。
你要學會心理質素，股價上落，對企業價值無影響，股價只是一些表面的因素。你要多學習投資知識，你就會知識，股價上落根本唔洗驚，學會企業面的分析。
北控水務集團（0371）有質素，值得持有。京信通信（2342）不過不失，都算可持有。
華彩控股（1371）無質素，不應持有。惠陶集團（8238）無質素，不應持有。（對照龔成信箱：Q6133）
8.潛力組合
老師，我24歲，開始月供股票 想建立一個潛力組合
2500 銀娛
2500 石藥
1500 安踏
1000 中海油
500 長健
月供8000 這樣好嗎？
龔成老師：
可以，這是一個不錯的組合，當中都是有質素的股票，同時不少都是有潛力，相信很適合24歲的你。
雖然上述股票，部分現時的股價，處於不平宜水平，但你用月供的模式，能有效將買入價平均，因此問題不大，只要你長期月供，最好3年以上，就有不錯的效果。
這月供計算，已經可以進行。（對照龔成信箱：Q6134）
9.收租物業
成老師，您好！以現在經濟情況，投資收租物業 與 房托 兩者比較，哪個較穩陣 及 回報高呢？
還有，怎樣可以提升財商？
可以指教下我嗎？謝
龔成老師：
房託會較好，你比較下收租與收息，房託的回報率較高，同時買賣房託的流動性較大，比起持有物業較好。現時的香港物業，已經無太大的投資價值，但就仍有自住的價值。
當然，房託的股價可以較為波動，可以比物業市場更波動，所以買入時，最好用分注買入模式，同埋買入後，不理股價，集中在收息就得。
提升財商，主要有幾個方法，第一是睇書，我自18歲開始，每星期起碼睇一本有用書。第二是上課，你不斷上堂可提高知識，第三是多吸收資訊，多留意國際的新聞、經濟大市，多睇企業年報。
第四是實戰，經驗要累積的，你用模式投資，用你用真正白銀投資，根本是兩回事，你用真錢，先可以感受到當中的恐慌、興奮，這都要你自己經歷，做中學習的。（對照龔成信箱：Q6136）
10.增加收入
成哥，你好，小弟不才，有個問題想問你，投資股票需要錢，而衹有打工先可以有錢，成哥你經常強調增加收入，但小弟沒學歷，應該如何增加收入
龔成老師：
我過往打工10年，都只是月入萬零蚊，但我一邊打工，一邊找「其他收入」。
我有做過不同的兼職，例如補習、教興趣班、做小生意，這些都是一邊打工一邊進行。你可以想想自己有那些興趣、強項，可唔可以將呢d野，化成小生意，例如做網上買賣，由小開始，然後慢慢做大。呢個唔單止可以幫你增加收入，更有機會幫到你突破。
總之，方法一定有，但你要自己仔細想下。（對照龔成信箱：Q6137）
體驗1分鐘貸款批核，隨時提款話咁易！
申請DBS Black Card簽賬滿$5,000，即換取台灣來回機票!
延伸閱讀
港股只是反彈 未言熊市過去牛市歸來
