Investlahk X 經濟一週專欄 – 港美大市分析
廣告
1.尋晚美國初請失業金人數公佈，比預期好，低於前值約1萬7千人，如看7月至今的數字，佢係梅花間竹地有時差於預期，有時好於預期，而整體上就無咩趨勢性，但由於市場依家正在交易經濟衰退/驚經濟衰退，所以只要數字一靚，安撫到投資者憂慮情緒，個市就會彈，甚至升美股整體上如同週二分享，個人都係比較願意睇升，甚至破頂，呢個係大前提；不過總體都係預期個走勢會有反覆，甚至出現二次探底，升完又跌的情況，始終經歷大跌後，指數上方蟹貨都需要時間消化。
2.咁指數依家係咪完全解除憂慮？關於標普500 & 納指的走勢，劇本，可以回顧尋晚公開live；https://www.youtube.com/live/SVZ5nrAz_f4?si=QVdWRu8FkiA4Ivxb
3.大環境方面，個人認為經濟衰退與否，主要都係睇聯儲局是否減息，因為討論任何數據/任何法則，其實都係各有各說法，只有還原基本步，睇聯儲局點判斷即可，要是聯儲局繼續保持高息，甚至加返息，就代表美國經濟仍強，增長仍能保持；但如果調轉行，開始減息，就係聯儲局仍為經濟開始轉差，要救，而過去30年的，每次進入減息週期，都會有經濟衰退同大熊市跟尾，所以我點都會履行我的義務同責任，前瞻性地同大家講定呢個plan。
撰文：Investlahk圖片來源：作者提供
