【經一專欄】年輕投資者月供$5,000 可揀盈富恒基及長建｜龔成信箱
撰文：龔成｜圖片：新傳媒資料庫、unsplash
1.盈富
成哥。我妹睇完你書有興趣做月供，佢會用五千做月供，不過佢唔知應該同我一樣，供哂2800好，定供12定供1038定其他好…佢只打算供一隻
我地都認同呢個年紀先增值後現金流，請問有無咩意見可以俾佢呀？謝謝
龔成老師：
要睇佢自己的選股能力，對於大多數人而言，月供盈富（2800）是最好的策略，因為本身有平穩增長的能力，同時基金分散左係50隻股票中，所以有風險分散能力。
如果供恆基（0012）同長建（1038），分散風險的能力就會少左，但這股股本身有質素，難以投資是無問題，如果長遠這兩股比大市長現好，當然有較好的回報，但如果差就會相反。
所以，要睇佢係咪對這兩股有認識，我認為是無問題的，但就比盈富的風險高少少。
（對照龔成信箱：Q8334）
2.招商局港口（0144）
龔成老師，不好意思，又一次想打搞你
半年前你有解答過我問題，非常感謝
我對近期股市有d擔心
我無分散投資只買左一隻144招商局港口，佢價位有跌無升，仲出左out恆指
我買佢目的係想長期收息，黎緊會分散返去港鐵、香港電訊
問題係我應唔應該有一部分再入144呢？
明白龔成老師你比較忙，如果能夠解答問題，真係萬分感激
龔成老師：
主要從兩方面分析，第一是該企業的質素，第二是你本身的配置。
招商局港口（0144）其實本質唔算差，擁有一定的資產及規模，但如果O你睇翻佢的股本回報率，見到多年都不足10%，反映企業的賺錢能力不強，質素不算高級別。
加上貿易戰的風險，令佢中短期的股價將會更弱。
從本質來說，這股可以持有，但未必值個持有太多，你原本的貨可持有。
貿易戰因素令佢股價受壓，現時股價處於合理偏平區，但你已有貨，唔建議你再增持，投資其他類別的股票更好。
（對照龔成信箱：Q8325）
3.中美貿易戰
hello，近排中美貿易戰，本來想月供盈富基金，但而家咁樣好似風險唔細，而盈富基金大部分都係中資股，宜家仲值唔值得買呢？
龔成老師：
中資股中短期仍會較弱，同埋貿易戰將會對中國經濟有少許影響，不過，這都是中短期的因素。中國長遠仍是有增長力的，投資中資金，只要是長線投資，就無問題。
盈富就算不少是中資股，都不用擔心，關鍵位是長線投資就可以了。加上股市從貴的價位，已回落至現時合理價位，已反映中短期不利因素，現時已經有投資價值，只要分注就可以了。
（對照龔成信箱：Q8326）
4.平穩增值股
呀sir，金沙是屬於收息股還是平穩增值股？可以將佢理解成處於水桶2和3之間嗎
為何金沙多次派息比率超過100%，表示公司現金太多了嗎？
龔成老師：
金沙（1928）本身有質素，現金流強勁。
當我地分析佢屬於那個水桶時，會以業務及派息政策等因素去分析，佢過往十多年，不斷建酒店，但到近年，發展已減慢，只守住原有的業務，但不是完全無增長，佢都會透過翻身，加上澳門旅客長期仍會向上，因此佢仍會有增長力，所以是水桶2。
佢能派出100%現金，首先是佢現金好充足，另外是現金流強，加上拆舊等因素，都令佢可以派超過100%的派息比率。
（對照龔成信箱：Q8327）
5.分注
老師你好，我想問你一般建議分注既意思係點分法？例如分多少注及幾耐？謝謝。
龔成老師：
呢個要解釋都有排講，因為不同的股票，不同的人，不同的大市平貴情況，有不同的分注方法。所以就算在我的股票班，都要花小小時間去講解。
簡單來說，分注的目的就是將一注資金，分成多注去買入，以減低買入時的風險。如果該股的業務及股價較為波動，分注的次數會較多，同時相隔的時間或百份比亦會較多。
有時分注亦會以不同的模進行，例如我在2016年買入金沙（1928），其中一個原因是見到澳門博彩業的收入不斷下跌，相關股處平水平，於是我分多次買入，只要見到澳門博彩業的收入下跌，我就入，直至收入回升，我就停止買入。
這模式令我在平宜價買入到這股。
（對照龔成信箱：Q8328）
6.潛力股
老師，如果你來澳門開班，我一定報名！
另外，請問1337是不是潛力股？
你認為黃金(實金)算不算是投資？
龔成老師：
預期會在2019年第一季在澳門開班，你到時要留意我fb專頁的公佈。
雷蛇（1337）業務的確有增長能力，但這企業現時仍處於燒銀紙的狀態，幾時先至有合理的盈利，無人知。
所以市場對佢的估值，只能基於一些「概念價值」，而這價值根本可以變得好快，無人知值幾多錢，所以，股價根本就好唔實在，上落亦會好大。
另外，黃金是終極貨幣，有投資的價值，但無現金流，所以持有少少已足夠。
（對照龔成信箱：Q8329）
7.月供股票
你好老師! 麻煩你comment我而家組合! 謝謝!
我今年25,可以月儲14k
現有:
1手[email protected]
1手2183 @14.16
1.5手[email protected]
1手1211 @54.55
1手[email protected]
另外月供緊823/2800/66/388/3/1211 各1000
我想再加持1211,1177,0027,1928好唔好
同係咪應該月供咁增持,因為我覺得自己仲未好掌扼到點搵合理價…
thanks!
龔成老師：
你持有的都是有質素的股票，長期持有就得。
至於你打算買入及月供的，都是有質素，可長線投資的，比起一次過買入，你以月供模式進行會較好。
所以，你應該在上述股票中，選想投資的股票，然後長期進行月供，同時最好月供金額多翻少少，如果唔係要儲較長時間先至有一定的貨。
（對照龔成信箱：Q8330）
8.海通證券（6837）
龔成老師。我之前10.2購入6837，跌左唔少
我想問現在呢個情況應唔應該繼續持有？
龔成老師：
海通證券（6837）並不是無質素，但就好受投資市場影響，業務與股價都是。之前股市較旺，估值一般都會較高，現時可以話處於較合理的水平。
你要預佢仍然會較波動。如果你持貨不算多，就可以持有，若果太多，就要減持部分。
可能要耐心一點，等股市再去到較旺時期，先有較大的升幅。
（對照龔成信箱：Q8331）
9.舜宇光學科技（2382）
老師，我2382係高位14x買左加月供，你覺得應不應該將這個倉直接換700去追返，一樣是長遠投資的。
現在老師說700開始合理，自己覺得700比2382可能更易彈返上去(我意思係2-3年)時間，你覺得應該作出這部署嗎？
跌到而家很怕，但又想分注溝返2382，又想換700/1211/285長線追返，好混亂呀老師，求指點
龔成老師：
其實舜宇光學科技（2382），本身有一定的質素，但比較大的問題，是估值方面，你見佢現時股價跌了不少，但市盈率仍唔算平。所以要上翻去高位不易
但這股有質素，持有都無問題。
至於轉其他，有時唔一定有更好回報，因為700雖然開始合理，但仍不算平，以值博率計，其實同2382差唔多。
如果你有點亂，就要從「財富組合」去分析，不要理會買入價，分析現時如何建立組合最好，會唔會集中在某股或某行業，點分配最好，長遠對財富最有增長力。
（對照龔成信箱：Q8332）
10.優質股
龔成老師你好呀我而家持有兩手既1928 雖然係好少既金額我個陣買入43 而家差三十幾了
想問而家1928還算係優質股?跌既原因係中美關係？定係佢既質素差左？我應該放定係照hold住唔理
龔成老師：
一隻股票的質素，最重要是睇佢的業務層面，以及前景，金沙（1928）的業務一直都好好，完全無問題，仍然是一隻十分優質的股票。
至於中短期股價波動，這是經常會出現的，你平常心面對就得。你買的價位都唔算貴，不用擔心，長線持有就得。
（對照龔成信箱：Q8333）
