凍鏈茶專欄｜富豪捐碎銀賑災 係惡意定忍住唔出手？
廣告
近期，河北、黑龍江、吉林等受水災所困，相關經濟損失超過958億人民幣。華置宣布捐200萬人仔震災，第一眼睇完仲心諗係唔係睇錯，淨係200萬？人仔喎，唔係美金！
甘比早前拎住個白色Hermès有「小房子」之稱既Faubourg Sellier Birkin手袋，拍賣成交價都252萬元。再之前，大劉拍賣12枝標準裝1990年DRC Romanee Conti，羅曼尼康帝，連佣金為375萬元成交。佢仲同大家講咁多年花喺飲紅酒身上，起碼用咗10億元以上。富豪界當中，要數出手濶綽，大劉都一定榜上有名。200萬人仔對大劉嚟講，碎銀啦。
自從大劉俾澳門法院栽定貪污罪成之後，佢都一直好低調。不過近一兩年好似突然事過境遷咁款。佢換完腎，就捐咗七億俾中山起醫院，而疫情初期，大劉甘比都捐咗3000萬俾內地買物資，所以今次大陸水災，華置點解會揀淨係捐200萬？
撰文：凍鏈茶
