父母退休連50萬積蓄都無！不孝子獨白：得間爛鬼公屋，咁窮學咩人生仔？！

退休無積蓄靠人供養？

有網民日前於Facebook平台「奴工處」發文，指出「有冇人老豆老母到就退休連50萬都無」，引起軒然大波，同時為「養兒防老」之說進行辯護。

樓主表示，自己父母將近退休年齡，奈何兩老「明明出嚟做嘢30幾40年，退休連50萬都無」，坦言對父母儲蓄奇低，原因是玩股票輸多過贏、平時亦無儲蓄習慣，甚至仲欠幾萬元卡數未還。

樓主擔心，父母還有兩年便會退休，除了儲蓄不足，「淨係有間爛鬼公屋」，害怕日後旨意自己供養父母，「有時都唔知佢哋退休係咪依賴哂我養」，反問一句：「窮人生仔為咩呢？」

帖文發內後隨即引起一眾網民熱議，主流意見大概分成兩派，有的認為樓主父母期望「養兒防老」，待年老時有子女幫助照料和負責日常開支；亦有人認為，樓主一家公屋出身，理應容易儲錢，所以儲蓄不足一定是本身理財有問題所致。

網民：好仔不論爺田地

• 「其實樓主為咩生存？ 如果窮人唔應該生仔，你出現本身就係錯誤，本身就唔應該。咁你係唔係應該糾正返？」
• 「慘！首先要有我父母連公屋都無….」
• 「供書教學養到你大大份有冇講。出到嚟社會做嘢有能力就照顧番父母，珍惜眼前人！」
• 「咁你係咪無用過佢地一分一毫？」
• 「好仔不論爺田地，好女不問嫁妝衣。」
• 「住公屋又唔儲錢，老咗又可以咬老綜，簡直係人生大贏家。」
• 「為攞綜援作好準備？」
• 「有冇諗過就係成日輸錢先保到間公屋？」

網民：租樓死得仲慘！

• 「有間爛鬼公屋已是人生贏家，若孭住幾百萬住二百呎咪仲慘。」
• 「住公屋，間屋有咩問題，叫房署嚟處理，又不用擔心咩大維修，都不知幾安樂。」
• 「儲蓄唔多，可以攞高額生果金，月月有二三千，兩老夾埋四五千。若無咩敗家仔要倒貼，慳慳地不用愁。」
• 「玩股票真係搞唔掂，佢淨係會睇到贏果陣贏幾多錢 而唔會話你知自己收埋幾多蟹貨。」
• 「如果你唔離家出走，唔好怨！」
• 「有公屋已經好好，租樓你死得仲慘！」
• 「儘管佢哋人生冇咩成就，但係起碼養大咗你！」

香港人「儲蓄安全感」指標調查

較早前，香港存款保障委員會（存保會）連續第五年進行香港人「儲蓄安全感」指標調查，結果反映在疫情持續近三年，加上環球經濟下滑及國際政局不穩的陰影下，香港人更加意識到，透過儲蓄應付不時之需的重要性，儲蓄習慣亦變得更有規律及積極。

今年調查顯示，香港人的儲蓄習慣及能力均較去年回升，其中包括近七成(68%)受訪者表示有儲蓄習慣，較去年上升5個百分點。

在多個因素影響下，包括政府發放消費券、港人減少外遊和外出娛樂消費等，有儲蓄習慣的受訪者每月平均儲蓄金額較去年上升一成七至7,700港元。

此外近六成 (59%) 認為儲蓄的首要目的在於「應付不時之需」，比率較去年大幅上升廿個百分點，為五年調查以來最高，數字反映在疫情持續及經濟前景仍未明朗下，香港人較以往更重視儲蓄，並積極透過儲蓄為未來轉變作好準備。

調查結果重點如下：

儲蓄方式

調查數字顯示，82%受訪者主要透過銀行活期或定期存款進行儲蓄，比率較去年大幅上升10個百分點，透過投資股票、債券及基金 (28%) 及購買儲蓄保險 (21%) 進行儲蓄的受訪者比率則較少，反映香港人在經濟不明朗的環境下傾向選擇更穩健的方法進行儲蓄。

儲蓄原因

• 約六成有儲蓄習慣的受訪者表示儲蓄是為了「應付不時之需」(59%)，其次為「準備退休」(24%) 及「照顧家人」 (18%)。
• 18至29歲有儲蓄習慣的受訪者平均認為擁有約36萬港元的儲蓄就能獲得足夠的「安全感」，數字是所有組別中最低。就每月開支分配而言，18至29歲人士最主的三項支出為個人生活必要開支 (84%)；消費娛樂、購物、旅行 (71%) 及進修或個人增值開支 (21%)。
• 30至39歲有儲蓄習慣的受訪者比率接近八成，為所有族群中最高的比例，較整體數字多出超過12個百分點。
• 50至59歲有儲蓄習慣的受訪者比率為78%，他們每人每月的平均儲蓄金額為各組別中最高，約11,000港元。同時，他們認為擁有76萬港元的儲蓄才能獲得足夠的「安全感」，數字亦是所有組別之冠。

延伸閱讀：灣仔福臨門被財仔要求交舖冚債｜第三代向大劉借錢 劉鑾雄回應竟預言成真

延伸閱讀：任志剛母校小學部校長鼓起勇氣 「告急信」搵舊生籌款！校董會最新聲明