港男怨父母理財失敗、無公屋無積蓄「一個養三代」：老咗要我埋單好大獲！

近日有港男在連登討論區以「有冇人屋企人冇物業又冇公屋」為題發文，表示家人一直以來租樓住，由於超過入息限額，未能申請公屋。

樓主續指，追求生活質素的父母儲蓄不足100萬，指他們「唔買樓之餘又大使」，例如花錢去旅行、買頂尖型號的電視和手機、買手袋和化妝品、食和牛。樓主直言「佢地嘆好嘢，老咗我要埋單果下大獲」。

樓主不解為何父母不在機會處處的1980至90年代買樓，認為「租咗幾廿年樓夠full pay層樓有凸啦，幾十年前啲樓仲咁平」。

由於現時冇物業、冇公屋，樓主對未來感到焦慮：「退休之後唔係諗住我一個養3個啩？諗起自己要為理財失敗嘅父母負責佢哋嘅退休人生就慘。」

樓主透露自己並非高收入人士，將來亦難以成家立室。樓主指，女朋友不願婚後與他的家人同住，他亦無能力租住兩個單位。即使樓主儲到首期，每月供樓再為父母租樓，亦無法儲錢、投資，最終只會「下一代辛苦，又要我個仔養我？」

樓主希望將來能夠和伴侶開花結果，若然一間公屋在手將會壓力大減，但又擔心「叫佢哋排公屋好似好不孝咁……」

網民︰拎去享受好過賭到輸哂

貼文引來網民熱討，有網民認為父母及時行樂並無不妥，他們有權利掌控自己的人生：

• 「及時行樂又唔可以話佢地錯，你去到50,60歲咪又係儲錢打工返工loop，然後一世人無嘆過好嘢」
• 「咁起碼都叫洗落自己度，享受咗，好過拎去賭到輸哂，或者俾人呃哂」
• 「租樓有咩唔好，又唔使承擔樓價跌風險」
• 「因為佢哋投資晒落你身上」
• 「無咪唔好結婚或繼續租樓，又唔係要有層樓先結到婚」
• 「你老豆老母點用自己啲錢關你鬼事，衰啲講句佢退休用啲錢完成夢想都無可厚非，佢唔問你攞額外錢，淨係要正常一份家用咪由佢」
• 「退休年齡仲大把野可以做，儲唔到錢都絕對生活到」

亦有網民認同當年沒有買樓是不智：

• 「無錢學咩人退休」
• 「就係因為租樓，咪儲唔到錢囉」
• 「大把人追求生活質素都買得起樓」
• 「呢個係你老豆老母幾十年做左錯誤選擇嘅代價」

延伸閱讀：梁洛施2萬呎石澳「超級木屋」內櫳曝光 5億豪宅內置巨型旋轉樓梯

延伸閱讀：散戶「地圖炮」苦覓劈價盤迎樓價反彈：邊有咁多業主肯賤賣吖！｜1% Anthony