愛情同股票一樣 做好風險管理 祝君好運︳林伯專欄

上週二（9月24日）中央開始出組合拳，東一拳，西一拳，「打」到中港股市飛天。外資有無買貨，從美日近期股市表現或有玄機。始終，錢，總是向「有錢賺的地方」流動。
再問，又有多少散戶入場，又有多少大戶入場。前者，已入貨者，要不是堅守炒港股者，就是靈活轉身之投機客；後者，不怕輸錢，最怕「跑輸大市」，即全場人贏這個數，你就贏唔夠，自然比下去，所以見到大水到，自然要被逼入場。
所以，1元加1元可以做到的救市力量，隨時又可以等如3、4、5甚至10元。「炒熱隻鑊，自然有餸落鑊」，記得一位前輩經常這樣講。

IFC有兩餸飯又如何

君不見IFC有兩餸飯仍大排長龍？不見滿街地舖招租？不是經濟數據差到爆？不是歐洲佬「玩嘢」，今個星期要收你內地高逾四成關稅？不是地球某國家於隨時射核彈？不是內房核爆？

但是，重中之重，又怎會是如上問題與分析，因為「水到渠成」；相反，「水不到做鬼都唔靈」。
所以，這刻，不是去深研基本因素之時。
有時，思考比行動重要；但有時，行動（按緊急掣）又比思考重要得多多多聲！一切，盡在時機兩字（反轉思考：火燒後欄你仲諗唔諗？）！
當全球核爆，甚麼也不用去想，用最少錢買平時貴的貨。因為，「只要一日你唔死，你都要生存哎！」

執行力比思考重要

重申：機會來了，買或不買，是個人選擇。
然後，近期與朋友對話，最多聽到的是：「買貨定轉倉未？」
對一直以來沒買，又或已轉投美日股市之人，執行力又比思考重要。

因為，有思考而沒有執行力，其實比沒有思考及沒有執行力更差。所以，閣下有執行力嗎？
猶記得筆者早前兩、三年前已寫了一篇「股樓逃生門」，然後，難道現在「龜縮」，說自己當時甚麼甚麼。一個字——廢話！
現在，說甚麼也是廢話，學「子華神」歌詞：「愛，講是沒有用的！做啦！」如果你愛錢，講是沒有用的，做啦！
「喂喂喂，恒生指數升到上XXX點。我大miss，現有唔追啦！」有人話。
「低你又唔買；高你又驚唔去追。無波幅你話無波幅難炒，大波幅你話高風險。大單邊炒上你話唔會升咁耐；橫行你話無力賺唔到大錢；長跌市你話未跌完」。救命，救你唔到！

正如一個學生不做功課，有一千個理由；但一個學生要做功課，只需要一個理由。
炒股、買樓，道理一樣。正如在港樓未大跌前，個個未買過樓賺大鑊的人，現在當然可以大聲講「好在我無樓！」

阻人搵食猶如殺人父母

過去一星期，恒指升到「無朋友」，因為個個朋友都掛住炒，唔得閒。
所以，如果你個朋友近期唔應你機唔同你食飯，可能是「近期好忙」。所以，唔好怪佢，因為「阻人搵食，猶如殺人父母！」
重點來了，如果閣下未入場？現在可有機會？這，又要去思考，甚麼是值博率？
值博率就是「投資者可以評估市賬率或市盈率」，講笑！
簡單而言，就是用較科學或量化數字，去看看機會率與合理賠率的相關數字。

以擲銀仔作例，擲出「公」：或「字」機會率長遠而言是一半一半（唔計銀仔企直的話）。所以如果有擲銀投注，擲出「公」或「字」的現理賠率，應該是兩倍（因為合理賠率是1/0.5=2…都係講笑！
轉個頭，其實贏錢還是輸錢，都是「整定」。不過，既然不知這是不是500年一遇的「東風」，有心出海的人，就要把握乘風破浪機會。因為，機會唔等人。

信者得救時代來臨

科斯托蘭尼在《一個投機者的告白》中講過一句：「有錢的人，可以投機；錢少的人，不可以投機；根本沒錢的人，必須投機。」
筆者不知道是甚麼，只知道，無論現在是投機還是投資，也許是一個正確的時機。為甚麼？因為今轉是「信者得救」的時代，信則有，不信則無。

炒作方面， 各施各法！有人炒成交飛天必買的證券股；有人買跌到無人信的內房股；又有人好怕忙直接去炒期指。講到尾，贏到錢就得啦，理得佢點。所以，點炒？你話呢？
不要去問「恒指會升到幾點？」，或問「今轉會升到幾時？」因為，如果有人識答，那麽我恭喜你，因為你見到神仙！
最後，這些「大時大節」最愛聽歌，繼續聽多段古巨基與「子華神」的歌詞。

「愛情同股票一樣

未入之前會不停咁升

一旦到手就會掉頭咁走

你仲夠膽擺酒

唔怕嘥咗條魚嘥咗隻雞嘥埋隻狗

你愛嘅你得唔到

你唔愛嘅你甩唔到

男人對愛情最緊要係新鮮

但係女人最緊張嘅就係保鮮

你從來都無愛過我

你對我已經唔係好似以前咁

唉 夜半訴心聲 何需太高清

一句到尾一句到尾

一句到尾

愛 講是沒有用的

做啦」

做好風險管理！祝君好運！早日上岸！