月入2萬儲1萬 想賺多啲可以點
撰文：龔成
月入2萬儲 1萬 想賺多啲可以點
問 1：
龔老師 本人月入大概2萬左右 每月儲蓄1萬左右 現階段手持3隻股票作長遠收息合共50萬左右吧
10手匯豐 10手煤氣 5手aeon 現手持大約10多萬現金想再作投資建倉收息 唔知有咩建議呢？
我自己有考慮405越秀 1270朗廷 6823香港電訊 2638港燈 定係54的合和實業呢 當然都仲有諗過增持900aeon
雖然都有諗過入823領展 但派息好似唔多高 價錢又高 係咪唔應該考慮呢 仲有939依家可以考慮嗎？
龔成老師答：
上述的大多是不差的收息股，都可以考慮，收息股都有好多類，有些風險較高，息率較高。有些有股價與股息同樣增長的能力，例如領展（0823），有些則增長力不足，但好處是股價與股息穩定，例如港燈（2638）。
所以，要睇你自己想建立一個怎樣的收息股組合，如果你想有不錯的股息，可考慮：港燈（2638）、香港電訊（6823）、工行（1398）、建行（0939）、合和公路（0737）、置富（0778）、陽光（0435）等，都是適合你的。（對照龔成信箱Q4196）
盈富和粵海你點睇
問 2：
2800 vs 270 長期投資 那種較穩定?270 是東江水 日常必用 好像 中電 煤氣 咁? 2800 是以恆指為首 當大市跌時 會急速浮動?
龔成老師答：
其實兩隻都穩定，但本質不同，盈富（2800）是一個50隻股票中組合，當中有不同類型，穩定的不穩定的都有，但由於有多隻股，風險得以有效分散。
至於粵海（0270）本質上有幾個業務，其中水務佔了過半，由於水務穩定，因此這股可理解為較盈富穩定的。（對照龔成信箱Q4194）
華潤電力股票一問
問 3：
龔成老師你好！最近我都有睇你專欄，我係90後，想問一下836現在是不是好的買入時機? 這間公司算不算是值得投資的收息股?
龔成老師答：
華潤電力（0836）不錯的，佢主要係中國較一線城市，營運發電及相關項目，包括火力發電廠、風電、水電等。雖然行業增長有限，但以穩健的角度來說是不錯的，加上有穩中求勝的效果，絕對有投資價值。
佢派息有6%，是不錯的收息股，但以電力股來說，佢的股價有少少波動，最好用分注買入作策略，現時已可開始買入。（對照龔成信箱Q4195）
呢三隻股票點睇
問 4：
想龔老師幫手睇下想作收息為主
依幾隻入唔入得過
258湯臣集團
255龍記集團
281川河集團
龔成老師答：
湯臣集團（0258）息率的確好高，這是受惠於業務有理想的增長，帶動盈利上升，因此派理想的股息。這股可以作收息股，但不要以「低風險的收息股」去理解這股，因為業務都會有上落，股價亦有波動，所以略有風險，這點要注意。
至於龍記集團（0255），佢主要從事製造及銷售模架、金屬及配件，雖然業務增長不明顯，但派息吸引，高息的，是可以投資的收息股。
川河集團（0281）是可以投資的收息股，但企業規模細，加上股價近年升了不少，股息雖然吸引，但卻有潛在的不確定性，要注意風險。湯臣集團持有川河約一成股權的。
上述幾隻股，息率都好高，但卻存有風險，投資可以，但注碼上要控制。（對照龔成信箱Q4197）
藍鼎國際點睇
問 5：
你好 想問582
佢依家今年起好左濟洲渡假村 行高級路線 仲有娛樂場在內
長遠係咪應該睇好?
今年低位升左2 3倍上黎 依家落返邊d位罝可以再吸納?
下年我都會去參觀一下 thanks
龔成老師答：
抱歉，藍鼎國際（0582）我無研究過，但過往這股經常做供股合股等財技，對小股東不利，你睇下佢過往的盈利情況，差不多年年虧損，我有少少擔心。
可能佢已經轉營，或許我不知道，因為我其實不太了解這股，只能說，你要控制好注碼。（對照龔成信箱Q4198）
令我本錢越滾越大
問 6：
龔Sir，本人已投身社會一年多，恰巧最近看過你的投資書本，大受啟發，呢年已儲蓄十二萬多，而家想定目標大d，五年內賺第一個一百萬！
想問下應該點樣分配以上既金錢去創造我既投資組合，點樣起收息股同潛力股平衡好個風險，令我本錢越滾越大？
另外，我人工大約可以月儲一萬，我之後既每一個月應該點用呢筆錢作投資？係咪先張上面講既十二萬多全部投身股票市場？再起每個月儲到既一萬元作月供股票？
龔成老師答：
如果由而家起計5年，你現時本金已有$12萬，之後每月有$1萬，即一年$12萬，單計本金總和都有$72萬，只要合理增值，其實已可滾大至$100萬。
平穩增值類的股票是最適合你，另外再加小小注力股就可以。平穩增值類如盈富（2800）、金沙（1928）、長建（1038）、中銀（2388）、港鐵（0066）、領展（0823）等，你可了解下先。
但以現時的市況，已過了最好的買入區，因此，你的$12萬我反而建議你持有現金（或大部分持有現金），這部分的錢，作「等待機會」，大市出現較大回落時才動用。
至於每月能儲$1萬，去銀行參與月供股票計劃最好，就算現時市況不算平，但以月供模式能長期將價格平均，是適合現時市況，以及適合你的策略。（對照龔成信箱Q4199）
銀行股一問
問 7：
我想問下，息差
對銀行股，會有咩影響？
龔成老師答：
銀行最基本的收差，就是息差，利用借來的錢（即是大家的存款），再借出去，由於存與貸的利息不一，這就是息差。
當息差愈闊，銀行的得益就愈多，因此對銀行股的影響是正面的。（對照龔成信箱Q4200）
多謝各位提問，若然你有問題想向本人發問，可在龔成的fb專頁中（facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要3天以上才能回覆，若然是較複雜的提問，起碼要7天才能回覆，希望各位能諒解。
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：facebook.com/80shing
個人網站：80shing.skx.io/
