36歲養全家 月儲15K 靠人民幣定期存款收息好唔好｜龔成信箱
1．人民幣定期存款
龔sir 你好，以下是我的組合：
人民幣定存0.7m
港元定存+ibond+儲蓄保險 0.4m
現金1.6m
股票組合0.7m
問1）人民幣是否不看好？應否繼續持有收息？或是應轉為股票？
問2）我36歲，有一家大細，收入穩定但每月儲蓄只有10-15k, 以上組合是否仍太保守？
問3）股票部份，我仍在分注增持中，希望去到1m左右(3.4m資金中的三成)，現持有823佔40%，3311 6823 1928 1800 1038 66各佔8-12%
問4）想買1113 778 270 405 11 2388以上六隻應該都算是優質，但現價是否合理？
龔成老師：
1）人民幣始終是貨幣，長遠沒有實質增長的能力，往往與其他貨幣以週期模式運行，雖鰳都可持有，但比例不用太多，你可以慢慢減少人民幣，轉變成真正資產項（如優質股），但不用急，因為現時資產不算平。
2）組合偏向保守，當中的真正資產不多（能實質幫你財富增值的項目），只有股票$70萬。
當然，要睇你地將來是否要用現金等，以及負擔、風險承受能力，這都是優先考慮的因素，慢慢等股票比例提升。
3）這是一個好方法，當中投資的都是優質股，同時以分注模式進行，以現時市況是較好的。
4）這6隻股票都優質，大約處於合理範圍的較上部，所以，分注入最好。（對照龔成信箱：Q5091）
2．放30萬投資債券
成哥你好，
問題1)00823領展有公司回購記錄，可否解讀一下是否對投資有利的因素？
問題2)小弟現有大約1百萬現金想所投資，想問如放30萬投資債券，現在是否好時機呢？
龔成老師：
1）一般都是利好因素，但要視乎回購的數量是否夠多，先可以對股價有影響。當企業回購，最終令總發行股數減少，每一股的價值就會提升，所以對股東有利。
2）債券只是「產品」，投資價值一定不及「資產」（例如物業、車位、優質股）。加上加息週期，債券價格可能下跌，這是否適當的投資時機，我略有保留。如你想穩健收息，投資穩健收息股，例如股息率有6%的港燈（2638），會更好。當然，我建議你建立一個平衡分配的收息股組合。（對照龔成信箱：Q5075）
3．每月$5000投資
HI 成哥 , 我係一個好大洗嘅人,有幾多就洗幾多, 所以我想的起心肝學下投資，保障返老左搵唔到錢嘅時候
雖然我離財務自由有啲遠, 但我都想努力下, 我每個月可以有$5000嘅投資 , 咁我應該如何起步好啊 ?? 唔該成哥指點
另外我見有80後百萬富翁有兩本, 咁應該係先睇第一本 , 再睇第二本嗎 ?
龔成老師：
有心唔怕遲。你的想法正確，我地將來的工作能力會減少，在年輕時儲起就好重要，到時就有一定的財富作保障。
如果你是一位年輕人，其實可以多少少放在增值類別，因為我地進行人生財富配置，會用「先增值，後現金流」的方法。年輕時令財富滾大，年老時轉到較低風險項目，著重現金流。
你可以將$5000的其中$4000，用作月供股票，盈富（2800）、金沙（1928）、長建（1038）、比亞迪（1211）都是可以考慮之選。你只要選平穩增值股就可以，重點是長線投資，只要時間夠長，你的財富就可以慢慢累積。
《80後2》已斷市，短期不加印了，你睇《80後1》啦。（對照龔成信箱：Q5076）
4．租金回報率
老師，我有些問題想再問下你：
1、租金回報率係點計﹖
你有冇咩書可以介紹﹖讓我學下點計。
2、點解你覺得中國樓有少少泡沫﹖
而唔係好熱﹖
3、點解你特別睇好珠海會受惠於港珠澳大橋，會為帶來更多經濟效益﹖
龔成老師：
1）你將每月租金乘以12，再除以這刻的樓價，這只是一個初步數字，因為如仔細計，可以再扣除雜費稅項去計。如果未知該樓的租金，就以同區的物業租金去推算。
你睇《財務自由行》，當中都有講的。
2）當一個地區的人，好想買該項目，同時只睇到好的一面，無視壞的一面，往往就有泡沫。中國樓開始有，但由於大城市又有實質需求，所以點都有價值，因此，除非價格遠遠超過價值，否則又好難叫十分熱的水平。
3）中國政府近年有心發展珠三角的地區，構琴亦是重點發展的地區，好多基建都顯示，想將香港澳門等地的成個區融合，因此珠海長遠發展不會差。（對照龔成信箱：Q5077）
5．金利通（8256）
老師點睇8256
呢隻可唔可以長線投資？
龔成老師：
金利通（8256）年年虧損，見唔到有投資價值，這類股好難玩。除非有特別的消息，又或企業大轉變，否則股價唔會有起色。（對照龔成信箱：Q5078）
6．中行（3988）
你好，我4.15 買左3988 3手
0285 買17·400 一手
想等0285回上去轉晒0737
可以嗎？謝謝你
龔成老師：
中行（3988）可以長線持有作收息。
至於比亞迪電子（0285），這是潛力型的股票，你可以長線持有，慢慢等收成，但時間一定要夠長，因為我地買潛/力股，原理是慢慢等企業成長，之後先收成，所以要有耐性。
另外，比亞迪電子同合和公路（0737）係好唔同類的股票，之者是潛力股，後者是收息股，你應該要清楚自己的投資方向。
合和公路有質素，可買入作收息，不過，近期易左手，無派中期息，但而家未知是否會一次過在未期派，所以收息略有未知數。（對照龔成信箱：Q5079）
7．耐世特（1316）
老師，我一直有睇你書，facebook，但因近期我分別以17.16 耐世特， 石藥17.9 愛康 3.97 ,買入，應持有嗎？
龔成老師：
持有一隻股票與否，關鍵位是企業質素，長遠的發展，買入位只是一個心理因素。同埋，你唔洗太著重短期股價，集中長期的企業發展就得。
耐世特（1316）不錯的，你的買入價唔算太貴，市盈率仍在20倍以下，不用太擔心，這刻持有住先就得。
石藥集團（1093）是有質素，有前景的股票，持有無問題的，但現價不平，未必適合在這價增持，原有貨可一直持有。
愛康醫療（1789）都是有潛力的股票，但由於上市年期不長，我個人不會投資這類，因為風險略高。不過，這股相信不會太差，如果你持貨不是過多，可以照持有的。（對照龔成信箱：Q5080）
8．息率大跌？
我睇財經網站。上年睇金沙明明仲有5厘息，咩事令到今年息率大跌到2.37%？請教老師
龔成老師：
因為2016年度的全年總股息（中期+未期）合共有約$2。而2017年到目前為止，只公派息中期息$0.99，未期息未公佈。
有些財經網站會，當到了2018年，就會好快去用2017年數據，如果這刻計2017年股息，只會計到中期息，咁就會出現2%多的股息率，但這其實不全面的。
你試試上多幾個財經網站度睇，會有唔同的答案。（對照龔成信箱：Q5082）
9．債券
龔成老師你好
想請問如果買果啲基金有bond嘅成分，係受咩影響升跌？
龔成老師：
會受果類債券的風險、回報、以及外圍利率、其他投資工具的因素影響，從而影響這些債券的價格。
當該債券的違約風險增加，自然就令風險提升，價格就會跌。當外圍加息，債券的吸引力就會減少，亦有可能令價格下跌。
當然，債券本身的買賣與供求，同樣會影響價格，最終令基金的價格有升跌。（對照龔成信箱：Q5083）
10．個人月供投資組合
龔sir 你好，我建立了一個月供投資組合，月供建行，金沙，hsbc, 盈富基金,及港鐵，各3000。
但亦看好電動車，想投資比亞迪股份，請問我該更改投資組合嗎？謝謝。
龔成老師：
比亞迪（1211）前景正面，但現價又不平，因此以月供模式去投資這股是最好的，只要時間夠長就可以。
如果你資金許可，可每月加多$3000去額外供比亞迪，如果資金不許可，你就每隻股票減$500，以每月$2500去供比亞迪。（對照龔成信箱：Q5084）
