35歲揸120萬現金有自住樓 月供股票買煤氣港鐵領展 會否太保守｜龔成信箱
撰文：龔成 ｜圖片：新傳媒資料庫
1.月供煤氣
龔老師:你好!我35歲，每月人工減去恆常支出可儲4萬。
過去一直只努力儲蓄，沒有做特別的投資計劃，主要因為工作時間長又忙，沒有時間留意股市及選擇股票，因而錯過了很多資產增值機會。
現流動資產有四千多股0005（已買多年，平均買入價約60元），自願性強積金到香港股票基金約十萬（月供一千元），及現金約一百二十萬。另有自住樓（聯名，有按揭但不高）。
近日才看到你的文章，認同你的分析，現暫開始月供0003,0066,0823,2388（月供各五千）。
1.以我的財政狀況，你認為投資金額有需要增大嗎？(如有，你認為增大多少呢？)
2.我可接受長投資年期，及中至高投資風險。你認為以上投資組合會不會太保守呢？(如會，你認為加入甚?股票呢？)
3.於投資組合方面，你認為有需要特別選擇非香港業務作中心的股票，以減低集中風險嗎？
4.我亦有想過趁著自己和先生的年紀及工作尚可以於未來幾年?再買樓，你認為以未來幾年的樓市來說可行嗎？(如可以，你認為我應怎樣部署?)
龔成老師：
在你的財富分配中，現金比例較多，可以善用這些現金，慢慢轉化成優質股。現金不是財富，資產（物業、優質股）才是，我地不是炒賣股票，是長期持有，慢慢等企業增值。
1）你每月供$20000都可以，只要你供的是優質股，長期持有，不理中短期波動就得，除非你現金中短期有用，否則，你加大月供金額可以。你不懂選股，就供盈富（2800）。
2）加上盈富，同時加上小小潛力股，例如比亞迪（1211）。
3）組合中加上中國類的股票，會比較平均。
4）只要買入時間，同你之前買的樓，不太近，就可以。因為太近就會有同一經濟週期的風險。你可以計劃在幾年後買樓，目標是金額不太大的收租樓，這刻只需進行我上述所講的計劃，不斷地累積財富，同時等幾年後，你財富足夠，同時樓市在合適時把握時機，這就得。這是方向，但不用急著進行。（對照龔成信箱：Q5621）
2.內地地產股
睇你嘅書同網上意見都鼓勵年輕人 先增值後現金流
所以我想搵有增值潛力嘅內地地產股，唔知你有無推介。
龔成老師：
我地進行人生財富累積，宜用「先增值，後現金流」，年輕人可較集中在增值部分。
股市上增值類的股票有很多，你可以慢慢發掘，內房股有些都有增值的能力，但這刻的值博率又不算好高。中國樓市近年好景，但如果市況逆轉，會造成不利情況。
加上內房不少的負債都好高，風險不少。同時，內房已升左唔少，長遠股價不會象之前般上升，這刻的值博率，只屬一般。（對照龔成信箱：Q5616）
3.增值出租樓
老師你好，之前睇過你的書，記得書內提過，將自己的資產增值，其中一個方法係將出租樓做檔房，得到更高的租金，但在書內老師不便詳細解釋。
本人正想用此方法增值出租樓，檔兩間套房+開放式廚房，但這牽涉法律和消防問題，老師可否解釋如何將此合法地處理？又或做一些手續保障自己呢？
龔成老師：
因為檔房要有較專門的知識，同埋近年做檔房的回報已減，所以值博率比之前減少，所以沒有太了細的講述。
你可以做合法檔房的，但其實，坊間好少人會咁做，因為要合符消房通道的規則，就要用左好多地方，因為佢規定左走郎最少的闊度。
坦白講，這方法我都無足夠的法規知識，你可以問一些規模較大的裝修公司，有些會幫人做這些的。而不少較小型的裝係公司，則會幫人檔房（未必合法），但好多人都會咁做。（對照龔成信箱：Q5618）
4.年複合增長率
請問年複合增長率有咩用，其公式計算係點樣？謝謝！
龔成老師：
你要用計算機才可計到。例如一隻股由100升到200，好似好多，但其實有幾多？
我地就要知道年份，是幾多年滾出這數？
如果是5年，複息回報率就是15%（我好難用文字講係公式比你睇，這是中學數學的問題）。
我地比較不同的股票，當中回報就要化成複息才能比較。（對照龔成信箱：Q5619）
5.賺蝕數
老師 我早前以為市已到頂 放左本身月供落嘅2800同939 現在明白短炒都係蝕$的
依家我個倉的股票只係得隻本身供落又無放嘅11賺$ 我依家可以點做 應該一次賣曬蝕緊嘅股票重新黎過定點 現有:
1 (500股) $97.6
11(200股) $174.8
388(300股) $279
823(500股) $ 66.7
3337(10000股) $1.022
3993(3000股) 6.08
計埋倉入面嘅現金共25萬
龔成老師：
你要先改變概念，以「買入後持有」的模式進行就得，你要明白買股票就是買企業，我地唔洗賺差價。
所以，賺蝕數不是決定我地持有該股與否的因素，你的買入價不會影響你持有與否。企業的質素，以及長遠的發展，才是當中的關鍵位。
上述的股票，大部分都是優質股，可以一直持有。安東油田服務（3337）的質素不太好，長線持有的價值不大，可考慮賣出這股。
洛陽鉬業（3993）雖然都有質素，但業務波動較大，本質存有不確定風險，不宜太大注持有。
另外，建議你再次月供股票，以這模式去累積優質股，最簡單就是月供盈富（2800）。（對照龔成信箱：Q5620）
6.抽居屋
老師，近排政府有新居屋售，我不是公屋居民，但好想快啲有自己屋企，因為同屋企人關係一般，你建唔建議抽居屋？將來居屋有升值潛力嗎？假設同一地區，同私樓會唔會有分別？
另外，我宜家只有20萬資?，26歲，我目前90%既錢都入哂落股市，目前有884、1398、2年期平安認購20564、175、2777、1211、700，因為睇個市低市盈，近排又跌左好多，所以買左好多貨。我想問嘅係如果我買到居屋，就要比哂?去做首期，之後仲要供，對於財富增值既速度估計會慢左，你建唔建議甘做呢？
龔成老師：
居屋有自住價值，但投資價值就較一般。如你買到居屋，可以解決到你自住的問題，但同時會消耗了你的資金，令你財富增值減慢。
每個人都要有自住的需要，總要解決這問題，你要比較下其他解決這問題的方案，每個方案都會消耗你的資金，但那一個方法，對你來說是較好？影響現金流情況較少？同時，你要從住的逼切性角度考慮。（對照龔成信箱：Q5622）
7.旭輝控股集團（0884）
Hello 龔sir,近排業績陸續出齊，大市嘅pe 回落到12倍左右，而且近日股市都係跌市為主，係咪表示宜家處於一個較平嘅位置，值得買入？
另外可以問下你884和2318嗎？884我有睇過下財報同埋稍為計過下ROE果?，發現佢都幾穩定咁賺錢，你認為呢？
至於2318係聽到好多人講宜家平，你又點睇？
龔成老師：
大市的市盈率估值，比之前合理得多，雖然有部分股票，仍處於略貴水平，但好多股票，都比之前更為合理，這得市況比之前健康得多，反而我更加安心。
旭輝控股集團（0884）不過不失，雖然近年賺錢不錯，但中國樓市比較波動，如果逆轉會對佢有不少影響，這是潛在的風險，要注意。
中國平安（2318）當然有一定的質素，同時長遠發展不錯，但現價不算平宜，以估值計，現時應該在合理區較上部的範圍，可以買入，但就要分注。（對照龔成信箱：Q5623）
8.招商局港口（0144）
Hello 龔老師，請問你對144的前景有咩睇法？同埋佢仲係咪優質股呢？依一年我見佢都跌唔少，所以係18.08入左。
但佢依家跌左，係咪應該要賣左佢呢？
另外，佢公報派息每股$0.59，但我依架賣係咪就無息派？
但除淨日係咪都會用當時價格減低$0.59?咁會唔會賺息洩價呢？多謝解答
龔成老師：
持有一隻股票與否，不是由賺蝕數決定，而是從企業的質素，以及長遠發展而決定。
招商局港口（0144）有一定的質素，但涉及貿易相關的問題，總會對佢造成一定的股價影響，但這股長遠質素無變，不用太擔心，持有就可以。
至於派息問題，每隻股票在除淨後，股價都會自然地調整，股價跌，但你會收到息，這只是左手右手數的問題，你不會因此而「蝕多左」。
另外，你不要太著重「賺蝕數」概念，這是有問題的投資概念。（對照龔成信箱：Q5624）
9.石油股
老師你好,
想問一下, 你對石油以至石油股份中長期的看法。謝
龔成老師：
石油是有限的資源，而人類的慾望是無限的，因此油價長期一定上升。不過，人類會開發新能源，去減少對石油依靠，因此中期一定會有上落。
至於石油股，我簡單講兩隻，中石油（0857）、中海油（0883），兩隻都屬於上游部分，但結構同地區會有d唔同，兩隻都有一定的質素，都可以長線投資。
中海油（0883）對油價較為敏感，所以，如果你較看好油價的，可投資中海油，否則，若你想平衡一點的，可投資中石油（0857）。
這兩股都有一定的規模及質素，但卻不是最高質素的企業，這是由於佢地的產品自主力較弱。
石油始終是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。（對照龔成信箱：Q5625）
10.金蝶國際（0268）
龔老師你好。我係一名股票初哥。我想問一問你點睇金碟國際？
我由佢4個幾望到8個幾都未買。近排想入一手試一試。你覺得佢比較優質定中芯國際比較優質呢？
非常感謝你抽空回答我的問題。
龔成老師：
金蝶國際（0268）是質素不差的股票，同時有一定的潛力，不過，這刻的估值不平宜，這刻買入的值博率不算高，加上這股的股價比較波動，對一名投資初階者來說，這股未必適合。
中芯國際（0981）的質素，不及金碟。
我建議你再發掘更多股票，以較穩健的行業開始，你的投資機會會增加，同時不會只集中於一兩隻股票。（對照龔成信箱：Q5626）
體驗1分鐘貸款批核 隨時提款話咁易
平遊東京不是夢！最平住宿喺晒呢到
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
延伸閱讀：
零食任食 返工可飲啤酒 貼地創業老闆：憑咩要員工攞條命同你搏？
