曾俊華搭上IT狗 親揭3個原因

五年前,曾俊華在眾望所歸下參與特首選舉,可惜差了一點點祝福,不過塞翁失馬,現狀可能更接近他想達成的成就。

任Bowtie顧問 一次過滿足三個願望

「過去呢幾年都相當忙,離開政府之後,決定要做返啲自己鍾意做嘅嘢。」
有感不少公司都想找他幫忙,為了平衡各方面,於是設下三個條件,來決定自己要選擇做甚麼工作。

「第一,要和年輕人有關,各方面都得!第二,要和科技有關;第三,要和年輕人、科技做啲嘢係有顛覆嘅。」

基於這些條件,選了幾個不同的工作著手,其中一個是擔任Bowtie的資深顧問。

他透露,成立時兩位創辦人都是30來歲,與他的相識屬於偶然。

「有一次去一個科技展覽,佢哋其中有一個成員走埋來同我介紹BOWTIE係咩,大家傾咗幾次,我覺得係幾有意思。」

第一點,Bowtie的員工相當年輕,曾俊華笑指他們的年齡大多是他的一半,甚至是三分之一;第二點,Bowtie是主力靠科技作為平台,透過網絡去營運保險業務,他自己也希望這種模式顛覆整個保險行業,使投保人可以無中介都能完成申請。

「無中介人,所以我哋啲保單價錢便宜三、四成。」因此,加入Bowtie有如食出奇蛋,一次過滿足他三個願望。

同一思路下,出現在主打年輕人市場的電視劇《IT狗》,自然順理成章。

年輕人買保險 對DIY接受度高

曾俊華認為,傳統保險業透過代理拉客,它的客人可能根本不看保單條款,憑對代理心存一個信字便買單,「你去到醫院嗰度,先知道係無保到,好多時都係咁。」

然而,到Bowtie網站靠自己投保的客戶卻不是那回事,他們年齡大多介乎30至40歲,隨時可在網上閱讀保單條款。「我發覺我哋啲客係好詳細咁樣睇晒啲policy,睇得好清楚,多數喺夜晚或者週末做單。」

而且,這些客戶還會替子女和父母申請投保,「所以過去一年我哋增長好好。」

曾俊華並非科網技術人員出身,但Bowtie看中他的人脈網絡與處事經驗,「大家睇個溝通嘅程度係點,因為好多年輕人,啲人物關係未足夠,或者佢對某一方面有疑問,有個地方可以依賴下係好嘅,多啲傾下。」

早前,Bowtie便先後成功找到加拿大百年歷史的永明金融(Sunlife)和日資的MITSUI參與前期投資,其中參與了Bowtie B1輪融資的MITSUI,對Bowtie意義重大,「MITSUI對我哋來講,唔係錢上面嘅問題,反而係佢個網絡,因為MITSUI喺東南亞有好多間醫院。」

延伸閱讀：東涌告急！映灣園三房腳軟低見800萬 業主「串燒式換樓」即日搬大屋

延伸閱讀：太古城兩房失守「8球」 呎價14,000蚊平過日出康城 網民：業主動態清倉？

閱讀全文 兩種選擇：

1.經一訂閱計劃(揭頁版):

每星期只花少於一杯咖啡價錢，閱覽獨家封面故事及逾35個專欄，任你睇！

*只適用於手機iOS。Android及iPad版本正在開發中，我們會盡快推出。

2.經一共肥計劃(Patreon訂閱號):

錢，一個人搵唔晒，咁不如一齊搵啦！共肥不自肥，賺錢預埋你，現有早鳥優惠，每月10美元，早訂早享受﹗