日股大上大落 散戶想抄股神變中伏
廣告
美股七巨頭業續不如預期，日股受拖累，日經上週五收市最多跌近1,330點，跌幅超過3%。加上日本央行呢個星期三（7月31日）議息，增加加息可能性，導致日圓大幅升值，一度引發拆倉潮，上星期日股整體創下七連跌紀錄。雖然今日又升反，十足坐過山車，令人心驚膽怯。
股神芭菲特旗下嘅巴郡，前年開始投資股息率達5%嘅日本商社。日股呢幾年狂升，唔單止走出迷失30年，日經指數更喺今年七月初升超過41,000點，創出歷史新高。據聞，呢一兩年唔少私人銀行都說服班客學股神，以非常低息借日圓買日股，希望博日股節節上升。就算散戶，喺IB（Interactive Brokers) 借yen 買日股都係1 .5%年利率，日股呢一兩年升咗咁多，如果走得快，都回本有突。
不過，有人贏亦都總有人輸，只係好多人都無諗過接火捧嘅會係自己。事實上，日股今年初開始，已經有唔少散戶沾手。今年四月，富途牛牛仲推出日股交易服務，以「日股零佣金優惠」吸引散戶，散戶好容易就可以買賣喺東京交易所上市、超過4000隻股票及ETF等。
撰文：凍鏈茶
