為近60歲父母設立收息股組合 6隻股票低風險又穩定｜龔成信箱｜經一專欄
撰文：龔成｜圖片：新傳媒資料庫、unsplash
1.收息股
你好，本人想幫父母設立收息組合。他們分別60及56歲
有40-60萬作投資
現在股價回落，由其1928及00006，分注買入00006，1928, 341是否適合？
龔成老師：
佢地都是接近退休的年齡，在資產配置上宜偏向保守，以低風險及現金流為主。
金沙（1928）、電能（0006）、大家樂（0341）都是不錯的收息股，你可以持有，但由於佢地的年齡情況，應該在組合加上股價波動更低的收息股。例如港燈（2638）、香港電訊（6823）、陽光（0435）。
同時持有上述的股票，可以減少股價波動的風險，能建立一個更穩定的組合，同時股息更平均。
現時股價大致處合理水平，分注投資就得，但不要用盡所有現金。要有一部分現金作備用及等待投資之用。
（對照龔成信箱：Q8654）
2.長實集團（1113）
你好，我有家人去世，留了隻估比我，1113、390，想問你意見放唔放好…謝謝
在短期內或半年內你覺得點睇..tks
龔成老師：
長實集團（1113）及中國中鐵（0390）都是有質素的，長遠有平穩增長能力，但不要期望佢大升，只是平穩類。至於中短期，真係好難講，短期大市仍波動，同埋近期市況唔算強，唔好對短期股價有太大期望，但說到尾，短期大市充滿變數，其實無人知的。
（對照龔成信箱：Q8644）
3.MOS HOUSE(1653)
老師，想問一問MOS HOUSE(1653)的前景如何？謝謝
龔成老師：
MOS HOUSE（1653）無特別研究過，但初步睇佢的企業資料，係香港銷售及供應外國製瓷磚、潔具等，規模唔算大，2018年度的業績，盈利跌左4成，股本回報率亦唔見得特別好，前景只屬中等。
如果以佢最新的盈利去計算，一年賺$1700萬，以現時市值計，去到30倍以上的市盈率，投資價值不高。
（對照龔成信箱：Q8645）
4.月供股票
老師，我34歲，最近開始月供股票，大概 $5,000
因為遲起步，想進取一點，請問以下投資組合是否合理:
2800 – 30%
0012 – 30%
0027 – 20%
0066 – 20%
另外想請問
1. 700，$250 是否可入手，屬於便宜價嗎？
2. 388，$220 是否可入手，屬於便宜價嗎？
謝謝老師
龔成老師：
以你的年齡，上述的月供股票不算進取，這些都是有質素，屬平穩增值類的股票，因此是好適合你的，而你的合配比例亦適合。你只要不理中短期股價，保持長期月供，長期就能累積財富。
騰訊（0700）$250只是合理價，可分注投資。
港交所（0388）$220以上是略貴，$220以下先開始進入合理區。
（對照龔成信箱：Q8646）
5.止蝕
老師您好！之前看過您講述止蝕文章，當中的問題，正正是我自己的寫照
我很久以前用7.xx買了利豐（494）,但現在這股已跌到得番1.X, 部分已止蝕，現剩下約12000股
我上年用約$14買了大劉的華人置業（127），諗住撞正佢派特別息就可以賺下，但買了後沒派過特別息，股價卻跌了不少…
另外，我今年年初亦用1.4X買了摩比發展（947）和凌銳控股（784，以1.79買入）作炒股，看過這兩隻股票的股價後我只能以你所講的「贏粒糖輸間廠」來形容自己的現況…
老師請問上述4隻股票我現在可以怎麼辦呢？
龔成老師：
我地持有一隻股票與否，並不是睇買入價，買入價只是一個心理因素，最重要是睇企業的質素、前景，無質素的，跌再多都唔會買。
利豐（0494）面對整個網上的大環境，佢過往中間人、採購人的角度已減弱，相信這情況只會持續，當大環境不利時，我地唔應該同大環境對著幹。
這股我偏向建議賣出，佢的每股資產淨值約為$1.5，如果股價大約是這個價，用資產角度分析算是合理價，你可以比這個價高出一定數目（不會太多）時賣出。
華人置業（0127）有質素的，你可以持有，但如果你之前有睇過佢的派息，就會知佢是因為賣資產而派特別息，這動作唔會持續做到，所以，你唔可以對佢股息有期望，暫時守住先。
摩比發展（0947）質素一般，企業沒有太大的獨特性。這股賣出較好。
凌銳控股（0784）質素一般，最慘係見佢上市後的第一份業績，盈利立刻大跌，反映上市前的數據執靚左，上市後就慢慢見真章。這股賣出較好。
（對照龔成信箱：Q8647）
6.車位
龔成兄. 本人早年買了個車位. 剛加按TOTAL借了88萬. P-2.7. 供15年.
想全數用來買收息股OFFSET供款. 想問有那幾個股票可選擇?
龔成老師：
如果單單計賺息差，好多股票都做到，例如港燈（2638）、深高速（0548）、香港電訊（6823）、陽光（0435）、置富房託（0778）等，基本上都有5%、6%股息，如果你借貸的實際年利率只是2%、3%，基本上可以好穩定咁幫你賺到息差。
但要留意一定，這些股票的股價雖然是穩定的一類，但都會波動，你都有可能出現賺息蝕價的情況，咁就會令你得不償失。
所以，我地最好在確認「賺息蝕價情況發生機會不高」，才進行投資，就會比較穩健，而以現時的平貴情況，你策略的值博率只屬一般。
若果出現大跌市，股價去到平宜區，你當時價位蝕的機會好低，值博率就會較高。
所以，以現時的市況，你可以分注投資收息股，將一半資金投資，已足夠抵消你的按息。餘下等更大值博率的時機才投資，這樣的策略會較為穩健，較有穩中求勝的作用。
（對照龔成信箱：Q8648）
7.盈富基金（2800）
成哥，我係投資新手，想請教一下，今日見到呢幅圖，係2007年至2017年共11年，每月最後一個交易日盈富的價格，其實睇返呢十年上上落落都係廿幾三十蚊左右。
當我月供左十年，平均價都係廿幾三十蚊，玩在對比十年前股價都好似無咩點升過，咁係咪即係無咩錢賺淨係等收息？
龔成老師：
盈富基金（2800）所追蹤的就是恆指，跟據過往40年恆指的數據，升值連股息每年平均有15%，由於中港的最高速發展時期已過，所以預期之後增長減慢，有可能是10%-12%。
其實，中短期上上落落，或無乜升，都是不出奇，你比較的2007年，當時處於股市高位，如果推前1、2年，當時恆指只是12000點，比起現時都升了不少。
所以，我地一定要以長期去持有，先可以見到回報。
（對照龔成信箱：Q8649）
8.騰訊（0700）
老師，你好。有幾個問題想老師幫忙解決
1.騰迅之前出現回購係一個好現象嗎？還有上市公司發生呢個情況係正常嗎？
2.小弟手上的1988之前出現係David Webb名單中，想問我要放還是keep?
3.1478最近跌到谷底，應該點算？
4.有時會聽到企業以股代息，其實即係咩？
謝謝老師回覆！
龔成老師：
1）騰訊（0700）回購自己的股份，是表示對自己公司的支持，以及睇好長遠前景，同時話比市場聽，現價唔算貴，入得過。當佢買入自己股票後，之後會進行註消，令總股數減少，從而提升每一股的股東價值。
這景霍個正面的消息。不過，以企業估值的角度來分析，這股現時只處合理水平，不算特唔平宜。
2）民生銀行（1988）的確存有風險，但我又唔覺得差得太緊要。佢同唔少內銀一樣，都有壞賬方面的問題，資產質素未必得。但這企業都有一定的規模，同時現時估值已不高，已反映了相關風險，因此唔洗太擔心。
只要這股不是佔你組合過多就可以了。
3）丘鈦科技（1478）過往估值太高，之前處貴的水平，近期先可以話翻到去較合理的水平。你預這股要上翻去之前高位，要有較長時間。如你不是持有過多，這股可以持有住先，始終這股不是生質素，但中短期唔好對股價太有期望。
4）有些企業，例如匯豐（0005），當佢每次派息（現金的股息）時，都可以比股東選擇收現金還是股票。例如某投資者今次收息$600，可以股代息，匯豐會比個換股價佢，例如$60，咁這名投資者，就可以選擇要現金（$600）或是股票（10股匯豐）。
（對照龔成信箱：Q8650）
9.港鐵（0066）
老師，港鐵而家跌成咁，適宜入嗎？
龔成老師：
我地唔會因為股價跌得多，而怕左唔入，我地會分析企業的質素，以及平貴去決定入唔入。
港鐵（0066）是優質股，就算近期較多事故等問題，佢的核心業務，最賺錢的部分仍然沒有改變，所以仍有質素，仍有投資價值。
近期比高位回了不少，但仍只是合理價，未去到平宜價。這水平可以分注投資，月供都可以。
（對照龔成信箱：Q8651）
10.港交所（0388）
龔sir, 股票市場有週期，像鐘擺效應在兩市場極端來回，咁請問係熊市時，市場係咪一定會出現低估，平宜的價位呢，港股雖跌很多，但並未出現平宜位，已升很多
1)因保留資金等便宜位先買入，如果今次沒有便宜位，有機會入唔到貨呢，請問策略應該點做？
2)請問港交所，港鐵，中國平安的合理價是多少？
這3股票有增長力嗎？謝謝！
龔成老師：
股市有週期，但要正確判斷到這刻處週期那個位置並不容易。
如果用恆指計，大約23000、24000，約是10倍市盈率，這是長線投資者、價值投資者，初步視為進入平宜區的位。但恆指唔一定要見到這位先上翻，可以在這位之前見底，無人知。
1）如果大市處合理區，可以找優質股，以分注投資的模式進行，但同時要留有現金，因為無人知之後會唔會跌落去平宜區，所以「一邊入貨，一邊儲現金」是最好。
2）港交所（0388）在$220以上開始有少少貴，以下就進入合理區，可分注。若$220以上就只能月供投資。
港鐵（0066）現時處合理價，可投資。
平安（2318）在合理價較上部，都可分注。
這3股都有增長力的。
（對照龔成信箱：Q8652）
