淺談黑色星期一 避險拆倉炒衰退｜林伯專欄

有幾威？一叫加息，剛好「偶遇」美國經濟數據較預期差，整個投資市場即時避險、拆倉、炒衰退三連發，問你服未？

日本央行今期最威

未服？還有絕招，本週日本央行副行長內田真一再出聲，表示：「在金融市場不穩定時，日央行將不會加息。」大大聲地刺激日圓回落，美元兌日圓執筆時見146水平，亞洲股市大致上回穩，今次重唔係「邊個夠我威？」。

有讀者可能會問，「你起個題野野咁大，玩乜？」筆者無奈道：「個個都想結婚，唔通個個都想結婚？又想起『我當時好天真，好傻』此金句。」

上週五（8月2日）到今個黑色星期一（5日），讀者見金股匯債商品虛幣全部大上大落，讀者真係唔驚？黑色星期一——短期大事；避險及拆倉——短期炒上落起因；炒衰退——後話。幾個主題看似互有關連，卻在時間性及投資決策上有巨大分野。