投資新手睇財經節目難學理財 揸7萬現金 買港交所中銀收息是否合適 ｜龔成信箱
撰文：龔成 ｜圖片：新傳媒資料庫
1.收息股
老師，我有7萬蚊私己，但近排要湊小朋友無機會再儲錢，其實我有睇財經台，但唔明多過明囉，不過都有留意港交所同中銀香港，你覺得好唔好入來收息好?
請你給我意見吧
龔成老師：
我對於財經台所講的野，有相當的保留。你如果有留意憑投資賺大錢的有錢人、基金經理，佢地都唔會好似垃間「專家」咁，經常預測市況，短炒獲利。
有錢人做的野好簡單，就是買入優質股，長線投資。
你唔洗花太多時間睇財經台，反而應該睇多d書、年報等，咁會仲有用。你現時有$7萬，如果你本身無貨，其實都可買少少貨，雖然你想等大市回先入，但無人知之後的升跌，如果最後不跌反升，你就損失了機會成本。
所以，我地不是預測股市，而是做好資產配置，你要將現金轉成優質股，長線持有。最簡單的，就是買少少盈富（2800）就得。（對照龔成信箱：Q6244）
2.中生製藥（1177）
你好，之前11.66 買入你推介過的 1177，然後又2送1，現價值得再加注嗎？
龔成老師：
雖然中生製藥（1177）是一隻很有潛力，以及有質素的股票，但佢已經過左買入區，現時處於略高水平。
所以，你本身有的貨，可一直持有，不要心急賣出，佢長遠仍有增長力，但至於現時再買入，則有保留，這刻的投資值博率不高。
你可以等佢回少少先小注增持（但不要多），慢慢小注咁入，會比較好。（對照龔成信箱：Q6242）
3.實業股
老師，已買《股票勝經》同推薦朋友
另外我想問，如果沽出一半新海能源換股
請問有那些實業股推介
龔成老師：
多謝支持！
新海能源（0342）不是全無價值，但本身的質素始終較為一般，長遠的增長力不強。如你想其中一半賣出，轉換成更優質的股票，長遠會對你更有利，因此這做法不錯。
你只要換成一般的優質股，已有比之前更大的長遠增長能力，例如港鐵（0066）、領展（0823）、中銀香港（2388）、長建（1038）、金沙（1928）等已不錯。（對照龔成信箱：Q6243）
4.月供基金
老師。我想知應該月供基金好定股票好，因為我今年21歲 有負債 但想系30歲可以置業
龔成老師：
如果你有選股的能力，月供股票較好，因為你長遠能取得較大的回報，但如果你無的話，簡單去月供基金都是一個方法，不過基金都分好多好多種，你都要選擇增長力較好的。
其實，仲有一個再簡單d的方法，就是月供盈富基金（2800），你只酉需要有股票戶口就得，因為這是一個50隻股票的組合，就算你不懂選股，都適合投資。
同時，盈富的管理費是十分低，這方面可幫你節省更多。（對照龔成信箱：Q6245）
5.中國平安（2318）
中國平安可以用咩價位入貨?
龔成老師：
中國平安（2318）其實之前有少少貴的，因為保險企業會利用浮存金作投資，當股市上升時，佢都有得益，但這部分難免會較為波動，因此較易有估值較高的情況。
佢在$70會較合理，但就算現價都不算貴，分注買入無問題的，長線持有就得。（對照龔成信箱：Q6246）
6.長線投資
龔成你好,我以前一直有想投資的諗法,但覺得好難入手而遲遲未有行動,不過幾個月前睇到你的文章,得益不少,包括以前從來冇聽過財務自由,終於下定決心要財富增值！
睇左你好多回答讀者的問題同文章,亦睇左2本你的著作,你曾經講過而家市況不平,不過未到狂熱,如果完全冇貨只持現金會損失機會成本
所以我呢幾個月都斷斷續續買左小小,都係你係書or回答中講or推介過(香港電訊,越秀,金沙etc)
我本身無咩擔心,但今日有個fd同我講,話我買個啲長渣好大風險,黎緊個市會大跌,怕升唔返我買的價位,叫我不如而家考慮短炒先,先賺少少,又可以先持有現金,等大跌再入可入更多貨,你對於呢個建議有咩睇法?
我唔怕長期會升唔返,不過佢講?野又好似幾合理
龔成老師：
我過往做了超過10年銀行、證券行，見證了大量散戶的買賣成績，他們都是輸多贏少的，因為佢地無是短炒、預測市況、不懂分價值與價格的概念。
你上述都是優質股，長線睇唔到企業有咩問題，中短期股價可能會有升跌，但就算股價跌，其實對企業完全無影響的。
個市會否大跌，我唔知，但就算跌，只是價格跌，企業只要有價值，根本就無問題。就算跌至比你買入價低的水平，只是「賬面上」的虧損，你不要理會現金概念，你要好好學習財富概念，現金不是財富，資產才是，所以無野好擔心。
如果你真正明白，你買入優質股後，你是股價跌的，不是升的，只要企業優質，股價再跌無問題，更會提供一個更好的買入機會。
強烈建議你，睇真正憑投資賺大錢的人的投資方法，例如巴菲特，不要學不賺錢人的方法。（對照龔成信箱：Q6247）
7.手續費
龔Sir你好。我現時每月月供$3500，手續費佔50元。我應唔應該轉做每2個月供一次，每次$7000，以減少手續費佔比？
龔成老師：
咁又唔洗，雖然每次的手續費去到約3.5%，但都算是可接受水平。
因為月供股票的好處是有效分散風險，如果你隔得太開，買入的平均力會減少，相比起手續費，你未必有著數。
這刻你繼續進行月供$3500先，隨著之後的收入的提升，慢慢增加月供金額，其實會自然令你手續費的百份比減少。（對照龔成信箱：Q6248）
8.珩灣科技（1523）
龔成老師~~我有以下三個問題，
希望你能解答。
請問1523呢隻股票你點睇呢？
若係好的話咩價位入最好呢？
點分析咩價位買賣最好呢？
龔成老師：
珩灣科技（1523）主要以「Ｐｅｐｌｉｎｋ」及「Ｐｅｐｗａｖｅ」品牌，從事ＳＤ－ＷＡＮ路由器的設計、開發、推廣，以及提供相關軟件許可及保修與支援服務。
過往的生意與盈利都有不錯的增長，近年發展正面，相信佢前景正面的，但企業規模較少，在投資注碼上不宜太進取。
分析咩價買入時，我地會考慮企業的優質度，以及前景，同時進行估值。如果企業優質，就算貴少少都可以接受。
這股現價有少少貴，如果買入，最好先小注，又或等佢回多少少先考慮。（對照龔成信箱：Q6249）
9.優質股
龔成老師，請問現時買入丘鈦科技1478，好嗎？這企業仍值得買嗎？
另外想問，鴻福堂可買嗎?
是優質股嗎？
龔成老師：
丘鈦科技（1478）這股之前好波動，其實呢隻股本身唔算差，前景不過不失，但市場估值的變化就相當大，當企業有不同的消息，都會對股價有一定的影響。
這股在2017年被市場視為一隻超高增長股，但後來發展佢的增長力無想象咁勁，所以大幅回落，以佢本身的質素及增長力，現時的股價會合理得多。
因此現時可投資，但由於佢的股價實在太波動，因此不能太大注，買入時最好用分注模式進行。
鴻福堂（1446）不過不失，佢雖然有品牌，但增長力就缺乏，佢近年的生意都無增長，而盈利都是一樣，每年只有不足一千萬，這是一個令人失望的數字。
以上述的數據作推算，佢現時市值約$4億，其實有少少貴，唔會吸引到我去投資。（對照龔成信箱：Q6230）
10.中國民航信息網絡（0696）
00696算唔算優質股？
龔成老師：
中國民航信息網絡（0696）有一定的質素，佢係中國航空旅遊業信息技術解決方案的主導供應商。幫一d行業參與者，例如商營航空公司、機場等，進行電子交易及管理與行程相關信息的需求。
中國的經濟持續發展，令國內航空的增長空間仍在，此企業必然在當中受惠。雖然發展不會有爆炸式增長，但平穩發展相信沒有問題的。
而再投資回報率亦有相似情況，雖然沒有很高的回報，但要獲得合理回報相信不難的，加上屬政府支持類別，發展方向更佳。但始終爆炸力有限。
（對照龔成信箱：Q6220）
