70後投資新手冇物業 想月供股票賺多啲 可以點做｜龔成信箱
撰文：龔成 ｜圖片：新傳媒資料庫
1.月供股票
龔老師你好：我是初哥但我又想試下月供股票，想了解下月供股票點樣可以增加多啲財富，我今年43歲女，冇物業，可以月供邊幾隻股票適合我呢？
因為要養兩個小朋友，希望可以增加多些財富，但自己又吾了解月供股，請幫忙。唔該晒
龔成老師：
月供股票的原理，就是長期儲財富，原理就是儲錢，不過現金不是真財富，物業、優質股才是，所以我地要利用月供股票的模式，去達至長期儲財富的效果。
例如你每月供$5000，盈富（2800），銀行就會每月扣你$5000，用你以當時的價買入盈富，你就是這樣不斷累積，只要時間夠長，你可以儲到相當的數量。
由於盈富及其他優質股，長期的股價都是不斷向上，所以你儲這些股票，已經可以簡單地幫你財富增值。
以你的年齡及情況，長供平穩增值股較為合適，盈富就是其中之一。
（對照龔成信箱：Q5434）
2.同股不同權
老師你好，想問下黎整港交所好可能會增加3舊嘢，其中同股不同權有最大話題性
如果成功引入會有好大利益，你認為港交所會唔會因為增加左呢啲業務而令佢估值有變?
龔成老師：
這些都是增加市場的動作，長遠當然會對佢有利，但我唔會預期這些因素對佢有爆炸性的增長，始終，這些都只是輔助性因素，會增加生意，但不會好勁。
因此，佢估值上都會有提升，但就唔會好多。因此，如果市場因為這些因素而有炒作，令股價升好多，反而不要高追。
（對照龔成信箱：Q5411）
3.通達集團（0698）
通達集團 #698 $2.4，入重貨 現價 $1.71 應該如何部署
龔成老師：
任何股票，就算幾優質，幾有潛力，也不應太過集中。
通達集團（0698）本質不錯的，業務近年都有高增加，不過，相信增長已進行了平穩期，因此在估值上不能太高，同時對股價增長不要太有期望。
你的買入價雖然有少少貴，但又不是好貴，而這股本質算是不過不失，持有守住先，是可以的，中短期仍然不利，你要耐心一點等耐。
但太重貨的確是問題，最好是見到有較大的反彈後，先減持一部分，餘下先慢慢守，這從風險管理會較好。
（對照龔成信箱：Q5412）
4.創科實業（0669）
成哥，近期個市跌，我想問下如果等到669跌到pe得20 同 285回到15蚊買入，可以嗎？
669係美國公司，而285手機設備股又好似會受貿易戰影響。你的意見如何？因我睇翻成哥50隻優質股既書，係喱兩隻比較接受合理價
龔成老師：
市況中短期總有波動，我地唔需要太理會佢，集中企業本質，長期角度分析就可以。
創科實業（0669）是有質素的企業，有平穩增長的能力，如果市盈率去到20倍，是合理價的範圍，都可以分注買入。
至於比亞迪電子（0285），其實書最初出版推介時，只有$6，其後股價大幅上升，雖然企業增長調高了估值，但好多時間處於貴的水平。$15以下才算較合理，但仍然不平，要分注。
這股長遠發展不錯，有潛力的。
（對照龔成信箱：Q5413）
5.新一期居屋
龔成老師。讀完你本書知道你出生於公屋，對於新一期居屋想請求下你意見。
我和老公及仔女一家四口住在250尺市區舊公屋，月租約1200。
老公月入35700×13（一年後升職應可加數千） + 公司派股票14手，今年價計共約16萬。
月儲約$4000＋公司股票可全儲。
有現金約22萬，股12萬，ibond 加外幣約12萬。每月養車約6千，雙方家長7千。
老公公司可以津貼供樓每月6000，共60萬。if 抽到啟德or 長沙灣居屋，我會叫老公賣車，減少支出（要睇佢意願）。
其實都唔知抽唔抽居屋好，買左就好似變負債not 資產。
如果你有時間，可否告知睇法？謝謝！
龔成老師：
我相信，長遠買居屋是較好的，始終你現時住的地方不大，當小朋友慢慢長大，都想有自己的空間，這個我都經歷過。
由每月只要千多蚊的租金，到跳到去要供樓，首期及每月供樓，都有一定的壓力，這點都理解的。
我認為，長遠轉到居屋較好，但就不用太急進行這事，第一，現時樓價不平，除非好急有買樓需要，否則不用太急上車，第二，你地可以增取更多時間，儲首期，強化資本。
你要計實際的首期金額，以及每月供款金額。最重要是負擔得起，買入物業後，樓價升跌已與你無關，反而是否「供得起」，會對你地有更大影響。
以你地現時的資產情況，我會認為先強化資本會較好，但長遠買居屋，相信是較好的策略。
（對照龔成信箱：Q5414）
6.皓天財經集團（1260）
想問老師有無留意1260？佢這樣的營運模式可值得長期持有嗎？
龔成老師：
皓天財經集團（1260）的經營模式的確有點特別，佢主要於香港提供財經公關服務，以及國際路演服務。
佢提供的財經公關服務包括公共關係服務、投資者關係服務，以及財經印刷服務。國際路演服務則包括項目管理、後勤安排以及路演工作台支援功能。
基本上，市況好壞會對佢的業務造成一定的影響，因此業務比較波動，雖然過往的生意都有增長，但盈利近年有下跌情況，這都反映行業的不確定性。
現時估值不貴，有長線持有價值，但由於當中的不確定，因此投資不宜太大注。
（對照龔成信箱：Q5415）
7.港交所（0388）
老師請問263蚊 入左388
2.83 入左和記係咪有排蟹啦
龔成老師：
港交所（0388）有質素的，但估值的確不平，有上過我堂的同學都知，這股合理價在$200。不過，這股始終有質素，你可以守住先都得，但中短期的股價，相信仍會波動。
和記電訊香港（0215）本質不錯的，之前只是市場以為佢派特別息，所以大升，之後唔派，所以大跌，其實這股的價值從來無變，只是市場經常以期望去預估。這股持有無問題的，佢有一筆現金，總會有作為的，我對這股睇得正面的。
（對照龔成信箱：Q5416）
8.A.I
你好呀。龔成先生，因本人手持大約有20萬，想請問下你對債卷同債卷基金既睇法？ 同埋A.I 黎緊既潛力。定投資係股票？
如有時間，謝答覆。唔該哂。
龔成老師：
現金不是財富，只是交易工具，只是「政府借據」，無累積的價值。債券只是「產品」，不是「資產」（你可睇《大富翁致富藍圖》，有詳細講點分。
所以，債券的持有價值，只是一般。至於債券基金，表面上派息不錯，但都有風險，因為佢會不斷買賣債券，同時會投資垃圾債券，有些基金都可投資，但你一定要明白這不是保本，是有風險的。
「物業」、「車位」、「優質股」才是真資產，是真正的財富，你將現金，轉成真富，慢慢增長，這樣操作會更好。
A.I當然有潛力，但市場對相關行業有炒作，所以要小心分析，因為很易會出現估值過高的情況。（對照龔成信箱：Q5417）
9.北控清潔能源（1250）
698、1250點睇
龔成老師：
通達集團（0698）本質不錯的，業務近年都有高增加，不過，相信增長已進行了平穩期，因此在估值上不能太高，同時對股價增長不要太有期望。
北控清潔能源（1250）有潛力的，唔少項目都食正國策，長遠發展正面。現時市盈率雖然不貴，但由於今年盈利大增，明顯拉低了市盈率，現價只是合理。（對照龔成信箱：Q5418）
10.宏創高科（8242）
你好，成哥
之前聽朋友講高位買左#8242 ，3手
請問現時放唔放好？還是等待回升？
龔成老師：
創業版的股票，質素一般都較弱，風險較高。宏創高科（8242）過往都出現虧損，就算近年開始有盈利，但都只有1千萬左右。
佢從事提供集成電路的解決方案，並設計、開發及銷售集成電路；提供貸款；投資與策劃諮詢、房地產經紀、物業及停車場管理業務。
佢咁細間，仲要做得咁雜，我對這類企業一向都興趣，質素不太好，這股暫時睇唔好大升的理由，長遠價值不高，相信賣出是較好的做法。
（對照龔成信箱：Q5419）
