投資初哥偏愛公用股 月儲6千 組合可這樣分配｜龔成信箱
撰文：龔成 ｜圖片：新傳媒資料庫、unsplash
1.公用股
龔成老師你好，我是一名投資初哥，每月可儲蓄大約6千，現金9萬，看了不同的股票，比較喜愛3號 12號 66號因為有公用股的感覺（即使經濟不好，市民也需要使用）
現時持有3(15.2)和12(42)各一手
12本身持有3的40%股份 買入12是否等於擁有一些3的股份，這樣的話，買入12不用再買入3的想法正確嗎
現在12股價值得再入手嗎?還是先購入其他股票如66平均一下股票組合?
我問題比較多…還1望龔成老師能抽空解答小弟疑難
龔成老師：
上述3股都是有質素的股票，長線投資無問題，只是要考慮分配的問題。
恆基（0012）的確有持有煤氣（0003），佢是煤氣大股東，持有4成股票，所以會有少少重疊，但始終是兩間不同公司，不會因為有恆基，就不用買煤氣的。只要你共同持有的合共比例不太多，那就無乜問題。
恆基現價合理，可以分注投資。只要佔你組合比例不過多，慢慢分注入是可以的。如果已佔你總財富比例較大，就入左其他股先。
（對照龔成信箱：Q8045）
2.小米（1810）
19蚊買左小米 冇咩信心
龔成老師：
小米（1810）都有增長力的，因為佢的產品的確受歡迎，同時處於增長狀態中。但估值是最大的問題，佢這刻仍是燒銀紙，同時無人知幾時先有較理想的現金流，大家都只是憑「將來價值」去推斷，因此股價一定好波動，市場估值經常處於不一的狀態。
如果你持貨不多，那問題不大，你當博下佢將會會發展得好好，因為無人知結果，所以小注無問題的。
（對照龔成信箱：Q8043）
3.長線投資
龔成老師你好！請問分注買入巴郡股票是否合適式的長線投資？謝謝！
龔成老師：
我相信是一個簡單的投資方法，長遠會有不錯的增長能力。當然，巴菲特年紀都唔細，往後的發展如果，會有未知數。
（對照龔成信箱：Q8044）
4.潛力股
龔成，您好，我27歲，70萬現金，岩岩祼辭份工3個月，建立自己的小型business。而家無收入，你會建議點投資，目標30歲前$1M
龔成老師：
27歲，其實仍有一定的財富增長能力，你可以投資平穩增值股+潛力股，但由於潛力股的不確定性較大，你不能太大注，同埋要有一定的技巧。所以先要有一定的投資知識先。
但如果你做緊小生意，可能要留一些資金。我會建議你這刻努力在小生意，同時以投資作為財富增值的輔助。
（對照龔成信箱：Q8046）
5.收息股
成哥你好，又係我黎請教你了。 近期都研究左好多股票，有2隻股票都想問下，一隻係54, 合和實業，一隻係34 九龍建業。
54 賣km4公路後，核心每股下跌左4%, 不過管理層承諾派100% hp, 預計到2021 年2期開都係咁，現價買入，只計基金股息有大約5%, 我考慮既係佢過幾年後2座新樓營運後，派息應該會增加。
不過合和既股本回報率好似都一直得5% 左右， 但佢灣仔拎左既都係幾大嘅地產項目，似乎長遠都係向好？
另外一隻九龍建業，我唔太識睇，股息率一直7%, 而家唔係古惑收入，其實應該話佢一直折讓得好勁，單靠始創既收入都可以維持派息。
不過我個人唔太喜歡佢既石油業務，而且佢都無乜收租項目，感覺唔長遠，但事實上佢都維持派息好多年，所以令我感到唔知此股係咪好既收息股
龔成老師：
合和實業（0054）正面的，雖然增長力不是好強，但長遠都能平穩增長的，佢灣仔的項目是增長力，佢已經係果頭建立左一個佢的地區，而這地區的區份質素不錯，長遠正面。香港地始終土地是一個好重要的資產。
加上佢派息不錯，買入作平穩增值發收息是可以的。
至於九龍建業（0034），雖然不是好大型的地產商，但都有質素的。雖然你見佢賬面值有成$21，但呢個只是一個會計上的數目，唔可以作準。
佢只要谷大佢會計上物業價值的數字，就可以推高這個數，所以就算有折讓，都唔一定能反映佢就是平。香港好多地產股都有這情況。
至於佢石油部分，只佔佢好少業務，唔洗太理會，但就虧損緊，的確是無好過有。
這股你可以當收下息咁樣，增長力不算強。
（對照龔成信箱：Q8047）
6.福壽園（1448）
我有一個問題，老師認為福壽園的合理買入價會是多少呢？還是維持你書所說：較合理的水平為23-30倍PE呢？謝謝老師！
我於HKD5.39入了5000股，你覺得價位OK嗎？請問如大市有機回調，幾錢再增持好呢？謝謝老師！
龔成老師：
有時市盈率估值都略會改變的，這會因環境，企業本質而變，但通常是一些小調整。
福壽園（1448）是有質素的股，長線投資絕對適合，但估值經常不平。$6以下可說是合理區，你買入價合理，可以長線投資，記住唔好心急賣出。
$6以下其實已可以分注。但這股不要太過集中，始終行業獨特。
（對照龔成信箱：Q8048）
7.利豐（0494）
老師你好，我之前入左利豐。
但之後，我睇到你對利豐既評價，話反彈就好止蝕既時候，我知已經遲左，已經蝕左好多。我都明白利豐既前景唔樂觀，多數都蝕住走。我應該依家就離場定可以等？
龔成老師：
利豐（0494）的確要賣出，佢的賺錢能力愈來愈差，大環境對佢不利，價值正不斷減少，你預要止蝕走，問題是咩位走。
近期貿易戰，佢因為這因素受影響，但如果這因素減去後，佢都會有一定的反彈，你可以等佢有反彈後先走。
（對照龔成信箱：Q8049）
8.瑞港集團(0357)
龔成老師你好呀
希望兩年內有100萬資金, 八年內可以擁有第一間屬於自己既房屋
另近期我睇緊
瑞港集團(0357)
晨鳴紙業(1812)
國泰航空(0293)
1. 想問你對以上三隻股票睇法?
2. 而家係咪入市既良機?
希能解疑解惑
最後希望今年內有時間都可以報名參加你既課程
我個人都想更有效利用手上本錢投資
龔成老師：
你定立明確的目標，這是十分重要的一步，之後只要「堅持」就得，在成功前絕不放棄。
瑞港集團（0357）其實唔差的，佢經營海南省海口市海南美蘭國際機場內的航空及非航空業務。近年的生意同盈利都保持上升，但股價較為波動，這點要小心。另外，佢股本回報率處合理水平，但不算好強，想信以佢現時的估值，合理的。
晨鳴紙業（1812）質素中等，雖然你見佢近年生意不斷上升，但成本存有變數，這點可以令佢盈利有較大變化。現時估值合理，但就不會太大注。
國泰（0293）反而近年有質素轉弱的情況，賺錢能力不比過往強。加上油價的上落，經常令佢盈利大幅波動。同埋，佢有少少高不成，低不就，我對佢前景賺法只屬一般。
（對照龔成信箱：Q8050）
9.市盈率
龔兄，我在看Benjamin Graham 的證券分析。他入面提到pe超出16倍就是投機範圍，以1448的情況是23倍，即使它下年的盈餘再升3成，pe還在17倍。
我想請問你的思考角度，認為它是合理的投資？ 我想了解你的睇法，為什麼你會容許它這麼高的pe？
龔成老師：
Benjamin Graham 的證券分析十分有用，這是價值投資的基礎，但我地都要靈活運用。巴菲特最初好完整咁用佢套方法，但最後發現了一些盲點，就是只懂貪平，雖然買入了好多平宜股，但質素一般，最終回報一般。
後來，巴菲特改良方法，只要是優質的企業，有時貴少少，在合理價買入都可以，這反而會產生更好的長遠回報。
唔同企業有唔同的市盈率範圍，所以唔會統一16倍樓下話可以。以福壽園（1448）的質素，佢高少少都得，大約你預$6以下，開始進入合理區。
（對照龔成信箱：Q8051）
10.康哲藥業（0867）
龔sir 867是否已經玩完 18完買了 受政策影響只剩下九個幾。是否已經不優質
和1177
龔成老師：
中短期股價不一定反映企業質素，有時之前估值過高，期後股價回落，只是一個合理反映。
康哲藥業（0867）其實有質素的，只是市場之前完全透支了佢的增長力，其後發現佢只能平穩增長，所以股價回歸合理價。
這股可以持有，但由於你買入價處貴的水平，你要耐心持有先可以返到上去。
至於中生製藥（1177），都有類似情況，企業本質優質，有增長力，但醫藥股近年熱炒，之前估值過高，近期開始回落，—是回到合理值水平。
（對照龔成信箱：Q8052）
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
