手頭有$200,000 買盈富金沙港鐵領展好唔好
問 1：
龔sir, 想問下有咩增值股推介，手頭有$200,000 可作投資，謝。
龔成老師答：
以現時的市況，我會建議你只用部分資金（例如$10萬），同時這筆錢要分開幾次去入，將價格平均。
盈富（2800）、金沙（1928）、長建（1038）、港鐵（0066）、領展（0823）、中電（0002）、煤氣（0003），坦白講，這些股票都不平，但優質股的確較難在平宜價買到，加上大市上升不少。策略上如果分注買入，仍算可以的。（對照龔成信箱Q3876）
問 2：
成另，全靠你建議我先冇放隻175，所以我先一直持有。
不過，隻1211係68左右放左，真係有D衝動，不過果日真係好驚，見佢公佈業職之後係咁急瀉，當交左學費上左一堂。
龔成老師答：
你同大部散戶的思維一樣，就是以為「股價的升跌」，代表企業的好壞，當股價下跌時，就認為這股不好。
但其實，短期股價只反映市場情緒，與企業本質無關，長期股價才會回歸企業價值。而坊間經常對股價作出分析，這是一個錯到極點的做法！所有有錢人都唔會用呢個方法，只有坊間所謂的「專家」先用。（對照龔成信箱Q3866）
問 3：
龔老師，您好！我沒有投資經驗。現在手上有一舊儲蓄及每個月有固定存款。
聽理財經理分析︰恆指已過28000，便會上升至36000。如此，我唔想浪費呢次的增值機會，但又唔想投資基金。請問老師長線及短線有甚麼建議呢？
你對恆指會升上36000，有咩看法？
龔成老師答：
恆指會唔會上36000點，我唔知，同埋亦唔認為「因為破28000，所以上36000」這推論。不過，恆指現時市盈率15倍，要再升不是不可能的。另外，我不鼓勵短炒的。
但比起預期，你將資金有效配置仲好。大市已升了不少，不平，但如果你現時無貨，都要投資一些，因為市況的確未到貴的水平，所以你只持有現金，就會損失了資金的機會成本。
所謂的「投資」，其實是將現金轉成資產項的過程，你買入有質素的企業，長線持有，這樣已能對財富有最大的增值效果。你如果不懂股票，可以簡單地買入盈富（2800），這是一個包括50隻質素不錯公司的基金組金，買賣被股票般簡單，無持有時間的限制，相信是適合你的。（對照龔成信箱Q3867）
問 4：
龔成老師你好
想問一問對3311同2138有咩睇法？
THX A LOT
龔成老師答：
中國建築國際（3311）本質不錯的，近幾年的生意增長唔錯，但就有放緩的情況，所以市場對佢的估值都有所下調，不過現價合理，長遠的生意穩定，有投資價值的。
香港醫思醫療集團（2138）集團主要以ＤＲ ＲＥＢＯＲＮ品牌提供醫學美容服務，包括：
（１）醫療服務：包括整形外科手術、微整形療程及由集團醫生操作的能量儀器療程及一般診症服務。（２）準醫療服務：包括由已接受培訓的治療師操作的能量儀器療程。（３）傳統美容服務：包括面部護理、按摩以及其他無創療程。（４）護膚及美容產品：主要為集團的自家品牌寶特曼娜及瑞研雅。
近年生意增長得好快，帶動盈利快速上升，是一隻有潛力的股票，但企業始終上市年期不算長，加上行業本身有風險，所以本質點都有不確定性。現時市盈率不高，正反映這因素，這類股不要太大注。（對照龔成信箱Q3868）
問 5：
老師，好想上你的堂，但因晚上要照顧小朋友、未能抽身，無奈！
龔成老師答：
你保持睇書及其他方法，保持投資知識的提升。因為你的財富與投資知識成正比，所以一定要盡力去學習。
我久不久都會搞星期六下午的時段的，你可留意。（對照龔成信箱Q3869）
問 6：
成兄你好，你的投資班會教如何評估何為高位何為低位買入一隻股票嗎？
我發覺冇一個標準去決定咩位先行動，其實同賭冇分別
其次，會再開星期六日上堂既班嗎？平日黎講7-8點仲要ot，上唔到班
龔成老師答：
課堂當然會教買賣時機。首先，低不等如平，高不等如貴，課堂會教點分平貴。
主要有兩個方法，第一是分析大市的冷熱及市況，當中有好多指標，我地會用逆向投資，即是當大市恐慌時，大多是平宜價的時候。
另一個方法是企業估值，會教成1堂半，因為好重要，估值後會比較現時股價，從而得到平貴。
通常開2次閒日班，都會開一次星期六班，而星期六多數在下午。你留意我公布。（對照龔成信箱Q3870）
問 7：
成兄，我有睇你既著作同經濟一週既片，受教良多
岩岩開始踏足社會，近排月供緊6隻股（12、823、1038、1211、2388、2800）
因為想分散風險，但係每隻月供$500，只能供得好少，又唔捨得停供其中幾隻。即使停供同復供亦唔知視乎咩因素去決定，用咁少錢供咁多係咪無乜效益？仲想用$500供多隻1928可以嗎？
龔成老師答：
所供的股票無問題，都是有質素及可長期供的。
雖然每隻只供$500，但無問題的，因為你年輕，時間上好有利，長期進行，加上遲些有更多收入，就慢慢見到成果。同埋一個分配較好的組合，是應該有適當的分散，因此，若你太集中未必是好事，現時的分配已可。
加上金沙（1928）當然可以啦。（對照龔成信箱Q3871）
問 8：
老師你好，請問若加按，套錢出來累積股票，現在是否合適時機？
過往曾利用低息稅貸借幾十萬買股，十年以來大約總投入60萬買股，輸淨15萬倉.
現在升至2萬9點，是否仍值得買股票？
如值得，用稅貸好定加按物業比較好？
龔成老師答：
借貸投資是創富之道，但一定要適當時才可運用，你可以當「借貸投資」是一張「皇牌」，在正常時候不會運用，只會在「明顯機會出現」時才會運用。
借貸利息低，加上投資回報高。就是機會。
以目前的情況，只合符上半部，下半部不合。
恆指在29000，並不是入市時機，雖然小心找，仍可以找到價格合理的優質股，但要「平宜」已十分困難。所以這刻無不是「明顯機會出現」的時機。（對照龔成信箱Q3872）
問 9：
龔成老師，請問國泰航空(00293)值唔值得買入中長線持有？你認為國泰前景如何？謝謝
龔成老師答：
國泰（0293）的質素一般般。
雖然有品牌，但品牌價值正有下跌的情況，本身的優勢正在減弱。加上油價無論升跌，都對佢產生一定的風險，原本油價跌是利好佢，因為成本減少，但由於對沖出現錯誤，最後出現虧損。
因此，佢的投資價值只屬一般。佢唯一的賣點，就是現時股價不貴，但以質素及潛在盈利的不確定性來考慮，如跌至$10以下才入，會是更穩健的投資策略。（對照龔成信箱Q3873）
問 10：
老師你好。本人早前以$0.66入貨(Cool Link 8491)
請問現貨價應繼續持有定沽貨離場？謝謝
龔成老師答：
COOL LINK（8491）是上市不久的創業版股票，這類股要十分小心。
睇翻佢盤數，每年只賺唔夠$1000萬的盈利，好細間。而市值達到$3億，以佢從事食品供應、貿易之類的行業而言，增長未必好強，明顯是上市時的定價過高，相信賣出是較好的選擇。（對照龔成信箱Q3874）
問 11：
老師，另外想貪心問多一題！宜家本人儲蓄有二十萬左右，但市況咁高有咩配置會比較好呢？唔想就咁放係銀行
龔成老師答：
其實，我地進行的是資金分配，在絕大部時間，你都唔應該「完全無貨」，因為現金只會貶值，資產長期增值。雖然現時市況不平，但都建議你買翻少少貨。買入後長線投資。
你可以動用其中的$10萬去投資股票，但卻不是一次過投資，而是分多次進行，令風險得以分散。另外，現時市況不少股票都不平宜，你應投資較穩健的股票及收息股，風險會較低。（對照龔成信箱Q3877）
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要3天以上才能回覆，若然是較複雜的提問，起碼要7天才能回覆，希望各位能諒解。
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：https://www.facebook.com/80shing
個人網站：https://80shing.skx.io/
