月入$15k 揸$140萬現金 一半資金投資5隻平穩增值股｜龔成信箱｜經一專欄
1.平穩增值股
你好，龔成老師。小弟而家22歲，月入15k，持有現金140萬。想問應該點樣用可以有穩健回報?
應該 一部份投資平穩類股及收息股? 一部份月供股票? 剩低嘅去做定期?
本人承受風險能力不強, 求穩健。
龔成老師：
以你的年齡，其實財富仍有相當的增長力，建議你可以承受多少少風險，否則會錯過左你增值的黃金年紀。
只要投資的是優質股，雖然中短期波動，但長期總會向上，所以你有得守，建議你多增加投資知識，當你加深了解後，就會明白當中的風險度，是否自己能夠承受。
$140萬中，你可以將一半資金投資股票，平穩增值股及收息股，前者可以較多，前者如盈富（2800），銀娛（0027）、港鐵（0066）、長建（1038）、中銀（2388）等，收息股如置富（0778）、陽光（0435）、香港電訊（6823）等。
如果你不懂分注投資，就用月供股票，每月供$20,000，等同將資金慢慢投資在股票，到一定水平後減慢投入。
總之，投資時不要一次過入，要慢慢分注投資，同時不要用盡現金，買入後不用太擔心中短期股價，只要長線持有就得。
資金餘下，可以部分做定期，部分則等股市下跌時之用。
（對照龔成信箱：Q8850）
2.首期
聽你說過唔好買一手樓，因為地產商一般以高價賣出，容易買到貴貨，但我也聽到有朋友說買一手樓才容易借到多d錢買，如果買二手樓要儲好耐首期，請問你點睇？
龔成老師：
一手樓的確是較易做到按揭，因為有發展商安排的貸款，雖然是較易上車，但不代表平宜，因為按呎計，往往是不平宜，而是佢做到好似較易買到的現象。
我當然建議儲耐D首期，買二手樓，就算二手樓，只要$400萬樓下，都可以做到9成按。有時一手樓雖然較易上車，但息率往往不平，小心佢地的數字遊戲。
（對照龔成信箱：Q8842）
3.銀債
老師，想問關於長者投資問題。我父親70歲，佢唔識投資，又無咩saving，只有cash5-6萬，請問可以點做? 買銀債好嗎？還是買入穩健同高息股?
想請教一下，如果香港好似日本咁，經濟低迷左20年，咁是不是代表買股票買樓都無用?
龔成老師：
坦白講，以佢的情況，持有現金是較好的，因為佢點都要有現金作備用。佢可以做定期、買政府的銀色債券都得（銀債如同借銀比政府，可以賣翻比佢，但要等一星期先收得翻現金），唔好用盡資金買，點都要有現金在手。
如果經濟持續咁差，可以話股市都唔會有太大的上升，但這只是整體大市，如果懂得選股，都可以有不錯的回報。
（對照龔成信箱：Q8843）
4.加按
本人已47，離職後暫未有工作。現在手上約有100萬現金，有一個現值400萬物業(仍欠150萬貸款)，收租$8,000，而自己租住6500房屋。
請問，以我現況，如何可製造每月$8,000被動收入？加按再投資可行？請指教。謝謝！
龔成老師：
加按是一個方法，但有利有弊，你要自己衡量。
你可以加按物業，並且將資金用作投資，只要有息差回報，你有能創造正現金流。不過，現時處加息環境，同時股市上不是特別平宜，只是處於一個合理區，所以值博率只屬中等。
若想較低風險的做法，就是不用加按，同時將資金$100萬用作資，只要投資收息股，現時都有5%、6%股息率，每月增加的現金流約有$5,000，相信都不錯。
當然，你不要一下子用盡$100萬，可以分注投資，並同時留有現金。
（對照龔成信箱：Q8844）
5.居屋
我想問下，我住係公屋，係香港冇物業，我屋企人想一齊儲錢買樓置富，唔係自住。暫時應該只夠比一層樓既首期。
我想問下，第一層樓係唔係唔應該買居屋？
因為我諗緊，居屋雖然要補地價，但好似啟德呢啲地段，係唔係應該要左先？補地價遲下先諗，始終地段值錢
龔成老師：
居屋的投資價值比私樓低，所以一般來說，居屋的自住價值較高，而投資價值較低。但如果是地段較好的居屋，都可以投資的。
至於補地價，如果該地般長遠價值很好，現時補地價的確有著數，但如果樓市長期只是平穩，咁就唔洗心急補地價，將資金先用作投資，然後有需要再將增值後的資金用於補地價，咁樣會更有效率。
（對照龔成信箱：Q8845）
6.被動收入
龔成你好！我媽是典型事業型女士，多數時間是建立自己生意，但已往並不認識理財的知識。
她現時60歲，因做生意關係，她中長期還有搵錢的能力，因為她堅持了自己的生意30年了。但儲資產方面，則沒有太多，她的生意是唯一資產。
現在我想她每月儲錢將來多一份被動收入，大約儲6-7年。每月8000。夠竟我叫她全力入盈富，還是怎樣配置較好？
7000盈富 1000比亞迪這樣好嗎？想她的組合穩健得來有點增長。謝謝
龔成老師：
以佢的年齡，其實要為之後退休作準備，投資上不能太進取。雖然佢仍有賺錢的能力，但始終在配置上，要保守一點。
比較好的配置方法，是月供股票$8,000，一半供平穩增值股，例如盈富（2800），另一半則供收息股，例如港燈（2638）、工行（1398）、香港電訊（6823）、置富（0778）等。
因為佢無理財知識，所以幫佢建立好緊要，佢終有一天會退休，收入可能大減，要在這刻開始建立其他收入。
現時保持上述的模式月供，到退休時，更集中在低風險、收息的類別。
（對照龔成信箱：Q8846）
7.水桶投資法
阿sir，我是股票班學生，我想問關於水桶投資法
假設我先買入一手水桶1, 然後再月供水桶2+水桶1, 約4:1, 那結果會是水桶2的比例會不停上升而水桶1會下降, 那是否水桶1下降到一定比例再入一手水桶1?
龔成老師：
我地通常每隔幾年，才會做一次較大型的檢討，至於中間的時間，無太大的變化都可以。
當你最初用上述的模式進行投資，過了一段較長時間後，水桶1的比例可能會減少，若果你這刻你年齡不算好大，可以將月供的部分調整。
將過往月供在水桶2的資金，部分轉到月供水桶1的股票，令你組合平衡。因為我地計算比例時，會以你的總財富做計算的。
（對照龔成信箱：Q8847）
8.恆指
成哥，為何盈富股價係呢十年既差距會咁小？
本人持有現金十萬，月入大概25k，沒有投資經驗，未來有打算結婚買樓，你認為我嘅投資組合應該如何？現時又係入市好時機嗎?
龔成老師：
我地做分析比較時，要用較長期的數據先得，十年前的恆指數與現時相差不大，這是由於當年都有一段時間處於較貴的水平，而近期恆指又回落了不少，所以有這情況。
所以，如果要得出較準確的比較數字，一定要用更長期的數據，才可以反映真正的情況。永遠都係果句，股市中短期上落無人知，但長期則向上。
至於你的情況，由於你打算結婚買樓，資金有實際的用途，所以你投資不能進取，要留有一定的現金。如果你將會在2年內動用這些資金，在投資時，只能投資收息股類別。
（對照龔成信箱：Q8848）
9.港元定期
本人24歲，月入4萬，每月上繳1萬元家用，1萬元儲蓄，1萬元儲作交稅，旅遊，投資，交保險費等，日常洗費1萬元。
未計不可取用的MPF，現時手持55萬現金，今年開始低風險港元定期，但進展慢，你會提議什麼投資方法/組合？謝謝
龔成老師：
你現時處於財富增值的黃金年齡，應好好把握機會，加強儲蓄及投資。你其實可以承受多一點風險，只要建立平衡組合就可以了。
$55萬，其實可以將大部分投資股票，只要選取優質、穩健的，長線投資就可以，例如盈富（2800）、金沙（1928）、長建（1038）、恆基（0012）、中銀（2388）、港鐵（0066）等。
但唔好心急一次過用，要分注，慢慢咁去入，同時不要用盡資金，將非大市大跌處平宜區。
至於每月能儲到$1萬，其實可以將其中$6,000用作月供股票，供盈富（2800）及比亞迪（1211），可以令你組合增值力加強。
（對照龔成信箱：Q8849）
10.外幣
你好，我依家有近一萬人民幣，一萬多小小美金係手。想問最近有咩外幣值得投資？唔太想人民幣，多謝
龔成老師：
如果你想平衡分配，可以將部分投資在澳元，因為佢是商品貨幣，與你原持有貨幣的相關係數較低，但不是特別睇好這貨幣，只是平衡分配，由於美元相信仍會強勢，所以你只可以小量投資。
但坦白講，貨幣並不是真資產，所以你不用持有太多，反而將資金投資在真資產，例如優質股、物業等這類，長遠會對你財富有更大的正面影響。
（對照龔成信箱：Q8852）
