定期存款輸身家？港人拒絕棄樓：500萬放銀行執笠賠得50萬，買樓就唔會囉！
廣告
定期存款高息吸引不少散戶「棄樓」？自聯儲局加息陰霾下，港元「息魔駕到」，港息抽升亦令定存息率大增至五厘，樓市短期內似乎難以翻身。但有網民則認為將資金放銀行容易招損失，反而「買樓收息」更有保障。
定期存款收息vs買樓保值
有網民就「買樓收息」似乎更有保障的見解，在討論區上展開討論，以「500萬放銀行如執笠, 存保只賠50萬, 損失90%, 但樓就唔會」為題發文。
該位網民表示：「hold資產就唔需要驚lose 9成, 安心好多。所以我都長hold三層，又有租收，完全唔需要擔心。但我仲有幾百萬銀行定期，賺息好爽，但都有d驚!」
其後又引用過去已結業銀行的資料帶出存款保障有漏洞，以及建議應該多加監管本地銀行。
銀行存款派：杞人憂天，銀行點會執笠
帖文引起眾多網民回應，其中身為銀行存款派的網民就不認同說法，又表示可以分散投資，將資金存放在不同銀行內。
- 「分十間銀行囉。」
- 「既然樓主怕銀行執笠，咁你有冇將所有錢拿出來。HSBC、匯豐銀行執，公務員出唔到人工，香港死得。」
- 「我諗有人係你單位跳樓，機會大過銀行執笠。」
- 「hold樓唔會lose 9成？天真。」
- 「樓輸10成嘅機會（例如地震）大過銀行執笠，係咪仲讀緊書？咁多幻想。」
- 「匯豐，中銀，渣兜，恒生，四大汁咗政府都會收購接管，無事ge。」
- 「過去幾十年香港銀行邊度有執過？」
- 「如果銀行衰X到要執笠，你啲濕X樓仲值幾多？」
- 「onX！樓未供完只系負債，可況今日高息口？人人去銀行存款，做短期定期，銀行點會執笠？」
- 「租屋比人有機會火災，而且租客唔洗賠，甚至火災係由佢大意做成，佢也不用賠！要靠自己買家居保險。我就試過租客叉電電車（大陸板車）而火災⋯洗咗十幾萬。」
- 「我就做咗500萬做半年，樓價跌死定銀行執笠，睇吓邊個死先。」
- 「杞人憂天，我諗香港機會率仲細過空難。不如話怕空難唔去旅行好過。」
- 「今時今日，如果你有500萬，梗係擺定期啦！有五點一厘利息。500萬買到300幾呎嘅樓。你仲要裝修，每年仲要交利得稅，差餉管理費，每年你實收到幾多錢呢？（呢兩年樓價唔會點升。）」
-
（圖片來源：政府新聞處）
買樓保值派：有樓收租是皇道
- 「又咁講，就算有人死係你層樓，應該都唔會損失9成嘅。」
- 「分10間放就破解，每間保50萬。」
- 「但今次我又覺得今次個方向正確。現在最無人入市就是400-500萬的樓，形成今日樓市的K型現象。只要很多人掃這類型的樓，樓市應該有力反彈。」
- 「有幾間執笠，就會做成骨牌效應全死，政府冇錢保。」
- 「供滿哂，點跌都冇問題。」
- 「我唔覺得會長期高息，因為意味住有積蓄既人都可以唔打工過活，只會令社會勞動力更加少。」
- 「劉德華都試過冇得賠，你唔係香港大？」
- 「有樓收租是皇道。」
- 「你岩，快d訓身買多層！」
其他留言：有500萬先算啦！
- 「用50%買83號、16號股票，其他放十間銀行。」
- 「放冥通銀行啦，永遠都唔會執笠。」
- 「你有500萬先諗呢個問題啦。」
- 「聽個電話就可以冇晒…」
- 「每年留個月餅罐，存滿放床下底最安全啦。」
- 「咁驚就快D賣樓移民la。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
而何謂新資金呢？
「合資格新資金結餘」是指最新存款總結餘，每間銀行都有機會定義不同…詳情請看。
在開立新戶口時有什麼需要留意?
有些銀行開立/定期存款優惠有不同的要求，例如僅限指定客戶、新客戶或新資金等，所以在開立戶口時要留意看清楚。
圖片來源：香港討論區截圖、政府新聞處、UNPLASH@Afif Ramdhasuma
