失業IT男25萬積蓄炒燶孖展 瞞家人去快餐店「扮工」：我想買股賺兩餐咋
廣告
近日全球股市慘跌，有失業3個月的港男瞞著家人每日外出「扮工」，實則炒股，不過一下子輸光積蓄，更秒變負資產，慨嘆「終於明白點解會有人炒股炒到跳樓」！
失業IT男炒股一鋪清袋
有網民在連登討論區以「3個月前比人炒失業，諗住靠儲蓄買股賺兩餐」為題發文，指自己原本從事IT行業，3個月前被解僱，失業至今，瞞著家人日日到連鎖快餐店「扮工」。
事主指，自己曾經在短時間內轉工3次，求職時被HR問長問短難以解釋，由於找新工作並不順利，於是打算利用儲蓄去炒股獲利。
不過，股票市場變幻莫測，本身希望「靠25萬儲蓄炒股搵兩餐」，反而「存咗兩年一鋪清袋…因為唔識死..孖展咗… 」，事主表示輸掉本金之餘，還變成負資產。
從事主上載的截圖可見，事主買入多隻中概股，並負債12,423美元。
事主直言自己「抵死」，連飯錢、車錢都輸淨。他又指自己「窮等人家」出身，瞞著家人炒燶股，「唔識點面對..真係好徬徨」，並慨嘆「終於明白點解會有人炒股炒到跳樓」。
不少網民鼓勵事主還有機會重頭開始，但首要任務是找一份工作應付日常開支：
- 「很多人也遇到過你這問題，先去7-11 先找份part time 頂住先。」
- 「最多咪老破，一日仲生存一日仲有希望嘅。」
- 「而家呢個年代無嘢撈咪走去做外賣仔囉！」
- 「25萬好少錢，你學到嘢就值啦。」
- 「你都算黑，一玩股票就撞正大跌市，做住外賣師先囉頂住，再快手搵番IT工。」
也有網民批評事主貿貿然炒孖展實屬不智：
- 「如果街邊阿茂都可以穩定地靠炒股搵餐晏仔食的話就冇人返工了吧..」
- 「無把握孖什麼展呢….」
- 「炒股咪即係賭博，願賭服輸！」
部份網民圍爐取暖，分享自己的炒燶股的經歷：
- 「我都輸左30萬，小事啦，今次大把人陪你！」
- 「幾年前試過輸清加失業，即借錢+搵工，頂過咗！」
- 「果斷斬欖相信仲係明智嘅決定，上星期五正式告別股市，輸層樓離場！」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：unsplash@christnerfurt、unsplash@chrisliverani、連登討論區
