兩餸飯「大閘蟹效應」｜關注組版主：恒指跌4成，會員人數勁升350%

恒指每跌一點就 多七個人入兩餸飯谷

FB「香港兩餸飯關注組」近日熱烈討論長沙灣兩餸飯店推出時令大閘蟹作為菜式，每隻僅售45元，連白飯僅售54元。對於兩餸飯加入大閘蟹，群組版主首度開post回應，又以近期股市和大閘蟹熱潮作分析：

「呢輪兩餸飯有埋大閘蟹，谷友笑稱周街都係所以咁平。睇下今日恒指，又跌！一年間跌咗1萬點，近40%，兩餸飯關注組就多咗7萬人，升350%」

貼文發佈後隨即引來大批谷友共鳴，不足一天隨即獲過百讚好，亦有谷友觀察到，兩餸飯似乎可以作為經濟指標，觀察本港市道：

• 「股市越趺，越多人要食兩餸飯。」
• 「每跌一點就多七個人入group?」
• 「可以替代新領失業金人數作為經濟指標。」
• 「恆指穿一萬點，到時呢度唔知有幾多人。」

不過亦有組員分析，其實兩餸飯既興起同股市無關，疫情才是主因。

網民：丁蟹效應後，有大閘蟹效應

有谷友表示繼「丁蟹效應」後，股市似乎和兩餸飯之間，有種難以解釋的聯繫，將其笑稱為「大閘蟹效應」，惹來熱烈回應。

• 「大閘蟹之外，有無水魚？」
• 「有冇兩餸飯股票可以炒下。」
• 「到時股票升返，兩餸飯加魚翅撈飯。」

亦有網民擔心股市「再跌落去，大家要吃『無餸飯』喇！」

有谷友看到此情此景，詢問版主「係咪寧願恒指升但少啲人關注個谷？」，亦獲版主回應：「我當然希望無論個谷人多人少，都同股市樓市經濟因素無關。唉！見到香港而家咁樣，其實好唔開心。」

延伸閱讀：長實英國樓盤POWERHOUSE附送孖煙囪？網民亂譯：係咪叫「李氏力場發電機」

延伸閱讀：土瓜灣美景樓收購失敗！地產商見財化水疑似發爛渣 貼通告指責「業主貪心」