大行散戶都叫好 滙豐成為網民鐵膽倉
港股freestyle 網民盼絕處逢生
海納吳家順看淡明年港股市況，網民卻期望港股能絕處逢生，因為週一市況逆轉，騰訊重上400元大關，網民笑言港股有freestyle，更開帖「大戶要你滅亡，必先令你瘋狂」，牛、熊雙方每邊各踢半場，先熊後牛，好淡通殺，「問大家頂唔頂得住」。
樓主freezehk 12月6日發帖「雪人國港股領域正式開張，絕處逢生」，續稱：「揀今日恒指跌600點開張，希望帶大家一齊度過寒冬，畀返信心大家。指數回調，持有科技股朋友記得換馬！資金轉向傳統金融股和公用地產，似係基金換馬部署第二期升浪。」
網民Banyantree急不及待問：「昨天走咗啲吉利汽車（00175），還有幾手，唔知你有無意見可以畀到我呢？」
網民jacky5b13問：「中銀香港（02388）有無得受惠大戶轉倉？」
樓主回應道：「吉利今日大成交下跌，有位先走換馬避險好。」
至於中銀香港，樓主說：「今次轉倉應不外乎轉往銀行股、地產股，當然2388都是受惠者之一。」
大摩唱好滙控望89元
至於科技三寶，分別為騰訊、舜宇光學科技（02382）和瑞聲科技（02018），樓主指「唔好高追三寶住，呢兩日挾得太急。」
另一邊廂，滙豐控股（00005）股價逆市造好，發力撐大市，股價靠穩10天線，直撲80元大關，創近十年新高。
摩根士丹利率先唱好滙控，預料未來30天股價有逾80%機會上升，給予投資評級為「增持」，目標價看89元。
網民香港肉肉留言：「除了加大滙控佔恒指比重，平保又入咗5%股份，準備加息對大型銀行有利，『北水』持續流入滙控，我都喺76.5元入咗10,000股。」
網民EricChan認為雖然滙控獲大行祝福，但不覺得可以短期內上到90元，應該都喺穿咗80元之後橫行。
網民janetyan86稱：「其實有時想吓應該將滙控分中長線同短倉，除咗鐵底買入收息，一小部分可以短炒賺下波幅。」
隨著平保旗下平安資產管理增持滙控，而「北水」又持續掃貨，均對股價構成支持，更成為一眾網民心目中的鐵膽倉。
