風水輪流轉 平保靠匯控止血

除咗小股民見家鄉在望之外，平安保險（2318.HK）亦密密增持來補血。平保自從2017年12月公布持滙控股票超過5%後，之後再多次增持，滙控失守28元的「世紀供股價」之時，平保亦有出手「撈貨」，一共掃入1,080萬股滙控，每股平均價大約28.3元，涉資3.05億港元。去到2020年9月平保已經持有滙豐16.55億股（約8%），更超越BlackRock，成為單一最大股東。不過平保已經逐漸出貨，上星期二，以每股平均價69.3074元，減持多於一半達564.88萬股滙豐，套現3.92億港元。

事實上，當年平保入股之後，都趾高氣揚想喺滙豐董事局有say，而喺2022年，由Ken Sir 做爛頭卒推動分拆亞洲業務，平保都有表態支持，近年滙豐喺多項市場排名及營業指標都比同業差，平保認為滙豐有必要進行包括裁員等更進取嘅削減成本方案，調撥更多資源去亞洲，先至能夠真正落實重返亞洲戰略。