加息供樓畀$25,000 港爸遇BB出世開支係咁升 網民：計唔掂數直接Cut老婆啦

日前，有網民以「組織家庭之後 開支不斷上升」為題在連登討論區發文，指：

「近期自己計吓家庭開支預算，供樓要25k(如果加息1% 就要再供多3K)–早兩年長期低息都係供緊21K，兩公婆連bb開支10k(BB未出世，預住2K/月俾佢先)，停車場連電車充電開支5K(預算)，管理費2k，水電煤差餉地租等開支3k，每個月支出都有45K。遲啲個仔大啲仲要俾佢上堂學嘢之類。」

之後樓主又補充：「自己都好鍾意小朋友，為咗搵人照顧佢，都要請工人姐姐，又5K。」

網民身同感受

貼文一出，即引來網民熱烈討論，有網民身同感受：

• 「一個月成8萬蚊，做緊兩份pt ，加正職，老婆成日去果d咩班咩班，佢唔洗返工，但係話要輕鬆下，又話好攰佢成日要湊小朋友，咁只好我返多幾份工。」
• 「同巴打一模一樣，開支都一樣，但我搵得40K，家庭月入都係得70K左右。」

網民：BB點止2k 勸你預鬆啲

此外，亦有不少網民留言指樓主的預算過份樂觀，因為BB出世沒有可能一個月只用2K，而且工人姐姐的開支亦並非只有薪金支出5K那麽少，建議樓主要預留突發開支以及日常開支要買埋姐姐一份：

• 「咁你預左條數仲大，學樓上巴打講，BB點止2k，岀世大病小病檢查，我就勸你預鬆啲。」
• 「小朋友學野可免則免，完全無用的，或社區中心幾百蚊搞掂，其實質素一樣。等小學時讀間公立名校（唔好讀私校或直資），個人發展同價值觀會好好多，又唔洗錢），讀得叻前途一樣好好。」
• 「唔好信學得多野會有用，我識太多學八級鋼琴珠心算乜差都有，一上小學全部打回原形。所以唔好浪漫時間。」

不養車生活質素即時提升

亦有網民指，若果樓主不養車，生活質素可以即時提升：

• 「幾多收入先？計唔掂cut 車，你個支出好唔合理， 兩大一細又係洗10k，部車淨支出又5k。」
• 「姐係你唔揸車， 其實個生活質素可以提高50%， 仲未計車本身呢個開支， 買又一舊錢， 保養維修又一舊錢， insurance , license 又係錢， 其實你5k 應該係報細左， 出去食飯泊個車你計左未。」

不過，樓主就指「但我唔想cut車，有車方便好多」，而且認為就是因為有BB才更加不能cut車。於是網民就唯有建議：

「唔想CUT車咪CUTＸ左個老婆佢咪慳番4K囉。」

延伸閱讀：議價奇招｜葵芳六姊妹「車輪式」講價 總動員連睇15放盤、估價鋤價DIY

延伸閱讀：退休調查：20%受訪港人「無人可依」 踏入呢個歲數先係最脆弱的一群