到底真唔真 加息唔好買公用股？ | 龔成信箱
點解d人話加息千其唔好買reits 公用股呢d
龔成老師：
若然無風險回報提高，有風險的回報都要提高，如果唔係，有風險投資就無吸引力了。
如果無風險1%，收息股4%。
加息：2%
無風險有3%，但有風險，就一定不可只有4%。上定要上多D先吸引。
那只有兩個可能，一就是就投資項目的回報提升，另外就是該項目的價格下跌，自然令回地率提升，這就是收息股下跌的原因。
但上述概念，只簡單地講加息中，有風險與無風險的變化，但其實仲有好多因素。若然只考慮這因素，收息股當然會因加息而跌，但如果加息是因為經濟好，企業派息多，就另一件事。
所以，有些人認為加息一定不多公用股，但其實不一定。（對照龔成信箱：Q4741）
2.利豐
老師，你好！有個問題想請教你一下，我早前於4.44買入了10手494利豐，因當時看到公司新聞將會派特別股息0.476，但買了之後股價一直下跌。我應否先行止蝕？還是可先等派息？謝謝旨教
龔成老師：
投資企業的重點是「質素」。
利豐（0494）的質素正不斷下跌，佢是一間中間人公司，過往有佢的存在價值，但現時網上購物方便，公司要採購亦可以跳過中間人，佢的角度開始轉弱，投資價值亦有所減少。
現時這股的賣點是估值不算貴，如果你本身的貨不多的話，可以持有，上翻去有機會的，但我相信不是短期的事，特別是近期市況會波動。
你要留意，佢派息後，股價會除淨，自然地下跌減去派息數，所以除淨前後買賣，其實都不是因素。（對照龔成信箱：Q4738）
3.分析獨到
老師，你真係好勁，睇你的分析好詳細，好到位，我相信我只有你好小的功力
龔成老師：
巴菲特曾經講過，我地的能力圈有多大，根本不重要，重點是你在能力圈範圍內投資就可以，每個人都能因此而成功。
正如早前股票班有同學，解釋點解買騰訊（0700），佢因為好多朋友都有玩手遊，同時每月比錢過千蚊，所以佢知騰訊有質素。
這就是佢的能力圈，這是我不知的資訊，所以佢了解騰訊，可以比我了解的多，所以，我無買騰訊，因為我認為自己未了解，但我不是不看好。（對照龔成信箱：Q4739）
4.中國鐵建
龔sir，想問下點睇1766,1800,1186？
謝謝
龔成老師：
3隻都正面的，我比較看好中國鐵建（1186），現時估值相對較低。但這3隻都與一帶一路有關，因此不要同時買入，因為會有較大的集中風險。（對照龔成信箱：Q4740）
5.溝貨
老師，雖然你成日叫人買優質股，睇價值，但我又一次做錯，之前不斷買入閱文，現持有閱文600股，平均價95.12。
我－心只想把平均價拉低, 由最初108, 至102,至今天95.12. 但個平均價還很高。
龔成老師：
每個人都會經歷這些時期的。如果你有睇過《80後百萬富翁》，有一章講散戶常犯的10大錯誤，其中一個就是「溝貨」，你就是做錯了這個。
你睇下閱文（0772）的財務數據，現時的盈利不多，但市值去到$700億。即是當中大部分都是「概念價值」。這個價值多少錢，根本無人知，市旺的時候可以再高，但市況低的時候可以不值錢，所以我不懂分析。
這股不是沒有潛力，但股價會好波動，概念價值可以帶動股價上翻去，但亦可跌好多。自己決定博唔博。
月供優質股，長線，永遠是最好的。另外，建議你睇多些書、上堂。知識同財富成正比。（對照龔成信箱：Q4742）
6.加息
呀SIR咁我對加息有以下問題,
1. 美國加息點解會對股市係負面,唔係因為經濟好先加息咩?加息唔係可以維持健康經濟狀況咩? 點解加息會股市跌
2. 有人話加息美元變強,所以會將d錢變返美元,但我唔明啦強美元下 對換其他貨幣唔係仲抵咩? 真係日元跌,香港人都係咁入日元,去日本玩啦,吸引力唔係仲大咩?
龔成老師：
1）你講得正確，因這個因果關係好複雜。當加息時，企業的融資成本會上升，盈利就自然下跌，企業估值下跌，股價然下跌。
另外，若然無風險回報提高，有風險的回報都要提高，如果唔係，有風險投資就無吸引力了。在這個前提下，只有兩個可能，一就是就投資項目的回報提升，另外就是該項目的價格下跌，自然令回地率提升，這就是股市下跌的原因。
3）如果預期美元一直強，你換做美元，就會一直享受到美元上升的回報。你日本的例子是從消費概念去計，但如果從投資概念，說貨幣一直升，你投資這貨幣當然有得賺。（對照龔成信箱：Q4743）
7.月供股票計劃
你好，成哥，我23歲，依家我同男朋友一齊儲左15萬左右，每月keep住一齊儲2萬3，再諗住每人拎多3000出黎月供股票，即6千蚊，你認為6千買3隻股定2隻股好?
同埋依家股市仲值唔值得入市，有咩潛力股值得推薦，我有買你的書《50優質潛力股》，但書內的股都升了不少，仲入市好嗎，其中01448，00868，0750。仲係合理價格嗎?
最近因買樓煩左好耐， 希望3年內可儲到100萬 希望成哥指教下
龔成老師：
記住，財不入急門，投資唔好太心急有即時回報，投資要時間才見效，唯一可做的是儲多d錢，你的方向已經正確。
如果月供$6000，可以3隻。
潛力股不宜大注投資的，除非你已有一定的投資實力。福壽園（1448）升了不少，但仍有潛力，可小注，信義玻璃（0868）亦升了一倍以上，但有質素，仍可買入，只要分注就可以。興業太陽能（0750）則有質素下跌的情況，現時估值不高，但最好觀察下先。
你仍年輕，慢慢累積財富，再配合樓市時機，我相信你一定能買到樓的，保持進行儲蓄、投資、提升投資知識就得。（對照龔成信箱：Q4744）
8.金斯瑞生物科技
你好！想請問1548金斯瑞生物科技，此股營業額每年均錄得雙位數字升幅，近年ROE:
2012: 20.25
2013: 11.12
2014: 9.77
2015: 11.58
2016: 14.01
股價之前創新高32後顯著回，現正考慮入手此股，但PE仍高，好像太貴。
請問你認為此股具長遠增長潛力嗎，合理的價位會是多少呢？謝謝！
龔成老師：
金斯瑞生物科技（1548）係生命科學研究與應用服務及產品供應商，主要經營以下四個業務分部：（１）生命科學研究服務（２）生命科學研究目錄產品（３）臨床前藥物研發服務（４）工業合成生物產品。
佢係中國南京及美國分別設有生產設施，有條生產線，銷售網絡遍及北美洲、歐洲、中國、亞太區及日本逾100個國家。
這股在潛力，以及行業發展上，都正面的，賺錢能力不差。所以前景正面。
但你講出了這股的重點，過百倍的市盈率，怎樣睇也是好貴，就算近期股價有較大的回落，仍然好貴，買唔落手。如果你真係好睇好這股，勉強都可以小注。（對照龔成信箱：Q4745）
9.月供組合一問
你好,本人工作半年, 投資新手一名, 現打算以7000元月供
1)$2000 x00175 吉利
2)$2000 x01299 AIA
3)$2000 x00700 騰訊
4)$1000石藥,
另外入3手福壽園, 請問你對咁樣的組合有咩意見,
另外,因為岩岩學投資, 唔識點樣睇入市機會,點睇係咪貴定平, 所以請問有冇方向可以指救下點樣學到相關知識. 謝謝!
龔成老師：
你月供的都是有質素的股票，但除了友邦保險（1299）外，其餘3隻都是較有潛力的股票，雖然增長力強，但同樣存有風險。不是不可以投資，但佔了你5份7的資金，比例上較多。
最好將這類股的比例，減少至佔你組合你50%，餘下50%宜月供穩健股，1299是其中之一。
至於福壽園（1488），的確是有質素，以及有潛力的股票，但現價不平，小小入住先，到下跌10%以上，才再慢慢入。
投資是一門好大的學問，你可以睇多些書，坊間有不少講述投資的，你亦可睇我的《50優質潛力股》、《50穩健收息股》，另外，亦可多上投資課程。
以不同的方法學習知識好重要，出面d散戶只懂炒炒賣賣，以為可以零知識賺到錢，但投資從來無不勞而獲的。加油！（對照龔成信箱：Q4746）
10.鐵貨
你好呀老師。我上年買左1029鐵貨時0.44一直坐到而家
想問問意見，應該渣落去，定其他方案？
唔該你
龔成老師：
持有一隻股票與否，企業質素與前景是關鍵，買入價只是心理影響。
鐵貨（1029）經營採礦業務，專注在俄羅斯遠東及中國東北地區開採、開發及經營工業商品項目，呢類企業，其實幾受國際資源價格的影響，產品自主定價的能力不強。
另外，睇翻佢的財務數據，生意持續地下跌，企業年年虧損，企業沒有太大的投資價值。所以，基本上這類股不宜投資。
但這企業都有利好消息，近期的生意有上升，虧損沒有進一步擴大。但這類股長遠還是賣出，只是希望有利好消息，助佢股價反彈，然後好少少賣出，因為好難翻到去你的買入價。（對照龔成信箱：Q4747）
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：facebook.com/80shing
