周大福派成一蚊息係咪好荀？ 食息一族隨時賺息蝕價！｜凍鏈茶專欄
廣告
今年初，受惠於疫後全面通關，被視為大陸消費概念嘅周大福（1929.HK）比人炒得㷫熻熻，股價曾經爆升至$17水平。呢個星期終於派成績表，結果卻令人大跌眼鏡，2023財政年度全年淨利潤按年跌兩成至53.84億元，仲衰過疫情封城禁足嗰時！
為咗安撫班投資者同大股東鄭氏家族，周大福竟然派特別股息$0.72，計埋周大福末期股息每股$0.28，總共派$1，變相即係比全個財政年度盈利仲要高85%，七月十二日就會除淨，七月底就會收到息袋袋平安。周大福大股東鄭裕彤家族今次一共收取超過$72億嘅股息，普通人真係點洗都洗唔晒。
撰文：凍鏈茶圖片來源：patreon@EDfattogether
