月入$14,000欠債$28萬 瞓麥記食公司 如何改寫命運｜理財個案

放假食自己，沖涼用濕毛巾抹身。工作前景：公司賣海鮮為主，直接從當地拎海鮮番香港賣。這種生命，還有前景嗎？

撰文：龔成｜圖片：新傳媒資料庫、unsplash

個案重點：
‧月入$14000
‧月還$12000
‧負債$28萬
‧訓麥記、食公司

重點目標：
‧如何改寫命運

龔成老師分析：

如果我是你，我會盡一切方法，改變命運！

有d野，我地的確無法改變，但有d野，我地仍然可以控制，你這一刻，仍要還償，在理財上的確比較麻煩，但你都唔好無希望。

一個月只花$2000的生活，我都試過，當時令我有動力的，就是相信我將來「一定會做到有錢人」。我都試過訓街（雖然只是短時間），但都知道你的生活不易過。如果我是你，我會以「改善生活」作為我的推動力。

你可以試下定目標，目標不用太誇張，但希望你都可以做得到。

這刻，你先集中還錢，完成後就會不一樣。同時，保持增值自己，到圖書館睇書唔洗錢，但會對你有好大的影響。另外，長遠要思考下這份工，對你是否有前途，是否要轉工。

有d人會因為背景不佳，這刻環境不好，而變得消極，認為自己「我只是如此」。但亦有些人，因為背景不好，這刻環境不好，而變得更積極，同自己講「我一定要改變命運」。

好多人以為是能力、環境問題，但其實是心態問題。我希望你改變心態，我希望你相自己可以改變命運。我好認真咁同你講呢翻說話，好認真咁幫你，都希望你認真對自己！加油！