揸$80萬想投資 4隻優質股黃金比例｜龔成信箱｜經一專欄
1.優質股
你好，龔sir, 請問現階段可以入金沙(1928)，3968(招商)，52(大快活)，2800(盈富基金)？如果有80萬，可以怎分配以上股票？
龔成老師：
上述4隻都是有質素的股票，你都可以投資，如果有$80萬，可以將其中6成投入盈富（2800），然後餘下投資金沙（1928）、大快活（0052）、招商銀行（3968），而招商的比例可少一點。
記住，投資時要分注，不要一次過入，慢慢隔一段時間先入一次。另外，要留有一定的現金，因為現時大市只處合理區，若果之後大跌進入平宜區，就可動用餘下現金投資。
（對照龔成信箱：Q9171）
2.的士牌
成哥你好, 之前睇你講的士牌都係資產, 值得買, 所以一直有留意…見的士牌由最高$7.2M 到最近$5M, 但而家政府對uber 態度好似軟化, 的士牌個護城河好似有d 危險, 請問的士牌仲值唔值得投資?
龔成老師：
的士牌是資產項，因為佢能長期產生現金流。但我地都會分析，這資產項的質素，受那些因素影響，長遠發展如何。佢的不利因素，主要是加息及uber，這都令佢價格受壓。前者由於的士牌能使用高按揭成數，所以投資者大多借貸，當利息與租金回報率相近時，就無法產生息差，所以投資者認為的士牌的價格應該回落，才能產生更高的租金回報率。
至於uber，其實已出現在市場幾年，對的士牌價最大的價格影響已反映，當然，這因素仍會長期影響的士牌。因此，的士牌長遠仍有投資價值，但優勢比過往少，估值亦要減少先得。如果考慮風險等因素，$500萬可說是合理價的較上部，未到吸引區，要再跌多d才有較大的投資值博率。
（對照龔成信箱：Q9168）
3.香港電訊（6823）
你好老師，我是超級新手，對投資的認識為0，現在穩定收入約3.5萬 ，大約每月能儲2萬。儲蓄大約80萬，沒有任何投資，但覺得再係咁落去一直儲唔係辦法。
我只接受到低風險投資，很怕令資金洩錢，所以我應該如何分配投資幾多？儲蓄幾多？我有一直刨你的文，但係我還是不太明白，以我現在情況，講問大師有什麼建議，我希望資金能夠穩定增長，大約1年後，總資金達100萬。
謝謝大師指點
龔成老師：
我地投資，一定要「先想風險，後想回報」，所以，若你風險承受能力不高，只能投資較低風險的產品，就算回報較低，也沒有辦法。由於你低風險，無經驗，這刻不建議你動用現金$80萬，但就可以做月供股票，你可以將每月$2萬全數去做月供股票，你去銀行開股票戶口及登記就得。
至於供甚麼，你可以選收息股，例如港燈（2638）、香港電訊（6823）、工行（1398）、深高速（0548）、置富房託（0778）、陽光（0435）等，你可以了解下這些股票，然後建立一個收息股組合。之後就不斷進行月供，咁就得。=股票一定有風險，因為價格始終有波動，而上述的收息股，算是股價較為波動少的。另外，你月供，即是用平均買入法，可以令你的買入價風險減少。
同時，你要提升理財投資的知識。記住，理財投資不是炒炒賣賣，而是財富管理，在你可以承受風險的情況下，爭取合理的回報。你盡力在這段時間學習投資知識，到有一定的知識後，再動用你的現金，記住，唔好心急用。（對照龔成信箱：Q9169）
4.莎莎國際（178）
龔成，你好！很高興能夠在Facebook專頁認識你。我很認同你說的價值投資。目前，以平均成本價3.11 購買了莎莎國際（178）共18000股（從高位開始多次分注購買）。請問此類零售股的增長潛力如何？是否值得繼續逢低吸納？自己24歲，每月大約可以儲蓄1萬元，想有比較進取投資，30歲有80-100萬是否有可能？謝謝。
龔成老師：
莎莎（0178）是有質素的股票，有品牌及規模，長遠仍有增長力，但不是好強。佢面對香港零售市道，以及自由行的風險，相信中短期較弱，但長遠仍正面的。這股可投資，現時在合理區，但不能太集中在這股。
如果你每月能儲$10,000，6年單計本金都有$72萬，加上合理的回報，有$100萬以上是不難的。你這刻可將$5,000去做月供股票，可以供盈富（2800）加比亞迪（1211），前者$3,000後者$2,000，每月保持投入，另外$5,000則儲現金等機會。另外，要好好學習選股、企業估值、投資時機等技巧，然後好好將餘下現金，把握投資機會，財富就有明顯增長。（對照龔成信箱：Q9170）
5.盈富基金
老師，如果我一直都月供盈富。想問盈富基金會否做任何對沖去防熊？
龔成老師：
不用，因為股市中短期一定有上落，股市與經濟相關，經濟長遠總向上，而根據香港過往的股市週期，熊市在幾年內就會完。所以，只要我地長線投資，中短期的跌市，反而是買平貨的機會，雖然當刻你會有「賬面上」的損失，但長遠而言，當刻反而是掃貨時機，只要長遠向上就得。
（對照龔成信箱：Q9167）
6.儲錢
你好啊，我有問題想問。我係投資新手我想知月供股票係咩形式，例如：係咪好似坊間銀行定期儲錢，每個月一定要入錢，定係可以有錢先入？如果在海外可唔可以？
龔成老師：
對，類似儲蓄的模式。例如你登記左入盈富（2800），每月$5,000，銀行就會每月自動扣你$5,000去以當時的市價入盈富，每月進行一次，所以，你每月都要入這個資金入去。金額是固定的，但買入價就要睇當時的價，所以買到的股數每個月都不同。海外唔太清楚，我知澳門有得月供港股，其他地方就唔知，你要問翻當地銀行先得。
（對照龔成信箱：Q9172）
7.港交所（0388）
你好龔SIR~我係投資新手~29歲~~
宜家有20萬資金+4手388平均買入價240, 每月最少可以儲一萬.
1) 我呢4手388係咪可以繼續持有? 如果跌穿220係咪可以入多少少去拉低平均買入價?
2) 強積金方面我跟你買左恆指基金, 其實個CONCEPT同月供盈富基金係咪大同小異?
3) 你對華夏(3188)&南方A50(02822)有咩睇法?可唔可以趁宜家低位入手?
4) 20萬資金可以點樣分配..10年後有無可能會有150萬?
龔成老師：
1）可以繼續持有。雖然你買入價略貴，但港交所（0388）有質素，不用擔心，有得守。
如果你有上過我堂，都會見到有計這股的估值，$220以上就開始有少少貴，所以要以下才買入，但由於你本身有貨，所以投資太多會有集中風險，因此，除非再有明顯下跌，否則不要心急去入。如果現時這股已佔你股票組合有相當的百份比，就不要再增持。
另外，拉低平均買入價是錯誤的投資策略，不要改善你的總虧損數。
2）係。但這仍是較好的投資策略，已經比好多所謂的基金管理回報更好。
3）華夏滬深三百（3188）、南方Ａ５０（2822）都是追蹤國內的股票，國內股市回了不少，但仍未到平，不過都可以分注投入。
4）這樣要有7倍的回報先得，在股市中，唔係唔得。但就要有一定的技巧。你最好強化選股、企業估值、投資時機等的技巧，只要知識足夠，當有機會時，相信能令你的財富明顯增值。
（對照龔成信箱：Q9173）
8.中生製藥(1177)
成哥你好，近兩個月認識你，睇左你幾本書真係獲益良多。我同太太現在34歲，有兩個小朋友。每月打算拿$10,000出來月供股票，
不知以下分配如何？
$2,500 煤氣
$2,500 盈富
$2,500 比亞迪
$1,500 港鐵
$1,000 中生製藥
想問中生醫藥近半年跌幅超過一半，又見國家政策出台令藥物價格嚴重下降，是否現在估值還合理，長遠還會有增長及加價的能力。
謝謝!
龔成老師：
上述都是有質素的股票，你可以進行月供，重點是不要理中短期的波動，保持長期月供就得。以你的個人情況，比亞迪（1211）減$500，盈富（2800）加$500。咁會較好。
另外，你每月除了月供外，亦要儲到現金，不要將所有資金都作月供。現金除了在理財中有防守作用外，亦是等大跌市時買入之用，能為你的財富產生更大的提升。至於中生制藥（1177），基本上你保持月供$1,000就得。
其實近期出左d資料，指藥物的中標價都跌左，這的確會令醫藥企業的估值下跌，因為會影響企業的賺錢能力。不過長遠計，市場會自然出現平衡，行業去翻合理的賺錢水平，長遠甚至對大型醫藥企業有利，因為中小型企業有機會生存唔到。不過，行業將會進入較弱的時期，中短期股價相信仍會較弱，但長遠而然，仍是正面的。現價合理，如投資一定要分注，因為股價仍會十分波動，同可能會弱一段時期，要較長線投資。
其實，行業較弱的情況在早前已開始出現，因為中央出左d藥品降價的政策，「以藥品規格採購試點進行，據透露本次帶量採購的具體操作方法，是按藥品通用名進行遴選，企業必須要保證有足夠的生產能力，大於等於3家的為充分競爭，價低者得」所以，預左對行業有影響。
不過，中生製這類咁大的企業，財力較強，就算市場出現中短期的亂局，只會淘汰左一d無質素無實力的企業，長遠對佢影響有限。但賺錢能力減少，企業無可避免去扣少少分，但都有質素的。這股過往處略貴水平，近期回到合理區了。
（對照龔成信箱：Q9174）
9.月供股票
請教一下。係呢個下跌既時間，阿sir係咪都主張月供(開始)既呢?我手上只有現金約廿萬，無股票。
定都要睇經濟週期吹勢?
龔成老師：
這刻已經可以開始月供。因為月供股票是一個長期策略，例如5年，你細心想想，假設你供5年，你最想股價點走？當然是先跌，等你可以買平貨，然後到5年就升。
所以，你只要是長期月供，中短期下跌根本是對你有利。只要你選取的是優質股就可以了。你可以將部分現金，以分注或月供的模式投入股市，但不要用盡，一定要留有現金，作等大跌市時投資之用。
（對照龔成信箱：Q9175）
10.債券
老師，其實月供股票，供啲收息股，是否比買債券好？
龔成老師：
如果你有睇過《大富翁致富藍圖》，你就會明白，優質股是「資產項」，即是真財富，而債券只是「產品」，並不能定義為真正的財富。所以，只要你選取優質的收息股，長期進行月供，就是儲真財富，長遠回報會較好。（對照龔成信箱：Q9176）
