中短期投資走保守路線 靠定期＋月供股票最合適 ｜龔成信箱
撰文：龔成 ｜圖片：新傳媒資料庫、unsplash
1.中短期投資
你好，我現時所有50萬,現在打算拿來付裝修及投資
預計一年後有物業要裝修,預算30萬,想請教一下投資策略
PLAN1:20萬買港鐵or大家樂,20萬買建行,10萬再作其他投資,例如短炒
PLAN2:30萬做港幣定期,年利率2.2%左右,其餘都買港鐵OR大家樂
請問那一個計劃比較好呢?
港鐵快要除淨了,如果要買,是不是最好除淨後才買呢
謝謝
龔成老師：
PLAN2較好，你現時持有$50萬，一年後要將其中的$30萬用作裝修，即是有實際的用途，在年期上，是一個中短時期，因此投資要保守。
將$30萬作定期是合適的，餘下的$20萬，你可以投資一些穩健股，港鐵（0066）、大家樂（0341）都可以，但不要太集中在這兩股，最好加上其他股票作平衡，例如加上盈富（2800）。
另外，一隻股票除淨前後買是無分別的。
另外，不建議短炒。
（對照龔成信箱：Q7678）
2.月供股票
我收入約17k,每月可儲10k
我而家有股票:
8491 $1.12 有20,000
1 $91 有500
3 $100 有100
388 $250 有500
700 $398 有 100
1211 $50 有 500
3988 $4.1 有4000
以上股票約25萬。
有現金有8萬。
定期有4萬。共37萬。
因為我想三年內儲到100萬。
如果而家每月儲1萬x36個月=36萬。
我想問每月儲的一萬應什樣分配到月供股票呢?
月供股票那些較適合我呢?
還有以上的股票需要放售一些或繼續保留嗎?
謝謝你的解答
龔成老師：
先講你的組合，大致都是有質素的股票，都可以長期持有。
COOL LINK（8491）見唔到企業有獨特性，財務數據亦一般，盈利不過，之前出現過虧損，投資價值一般。煤氣（0003）$100？？至於其他股票，都無問題。
如果你每月可以儲$10000，可以將其中的$6000去做月供股票，餘下持有現金等機會。可以考慮供盈富（2800）、金沙（1928）、比亞迪（1211），能助你的財富平穩增值，相信這組合適合你的。
但如果要目標有$100萬，相信要同時好好運用餘下的每月現金，不要心急入貨，要好好等機會。同時，在這段時間努力學選股、企業估值、投資時機等知識，就有機會做到。
（對照龔成信箱：Q7665）
3.投資回報率
月供10000的話，我只供盈富，還是供一點其他股票，投資回報率會多點？
龔成老師：
如果你無特別心水的股票的話，就集中供盈富（2800），你不用擔心集中風險高，因為這是一個50隻股票的組合，本身已經有一定的風險分散能力，所以就算你集中供這隻，也沒有問題。
以過往幾十年的恆指來計算，恆指升值連股息有15%，就算近年減弱左，之後的長期，預回報有10%也是合理的。
（對照龔成信箱：Q7676）
4.莎莎國際（0178）
成哥點睇178同709？thanks!
龔成老師：
莎莎國際（0178）有一定的質素，本身有一定的品牌、銷售網絡、規模，同埋受惠自由行，所以長期不差。但由於業務會受香港零售市道，以及自由行影響，股價會有點波動，但本質是不錯的股票。
佐丹奴國際（0709）不過不失的，本身的業務穩定，每年的盈利數目差不多。但見佢過往生意無增長，相信往後的盈利都無乜驚喜。這股用作收息適合，但就不要對股價有太大的期望。
（對照龔成信箱：Q7677）
5.九龍倉集團（0004）
龔sir你好，我見0004九龍倉由高位回落左好多，想問佢質素如何，值唔值得長期投資，謝謝。
龔成老師：
九龍倉集團（0004）自從分柝九龍倉置業（1997），情況已有點不同。因為佢唔少優質的資產，已經過左去1997果度，原有的0004反而質素無咁好。
所以，如果要投資，我會偏向1997，這股值得長線投資的。
（對照龔成信箱：Q7679）
6.合理區
龔成老師你好，我現年23，每個月可以淨到既錢大約只有4000元，家庭負擔比較大，屋企人缺乏理財觀念及知識，我此刻想做既事有四項。
首先，係大約一年多前我開始供一份永X既儲蓄保險，月供3100元，係我開始睇老師你既書之後先發現3100元放係一份年利率只有4-6%既投資中實在太浪費自己既機會成本！
係呢刻我係覺得既然都供緊，與其斷供冇錢拎得番不如努力d一邊儲多d錢一邊搵多d錢 未知呢個方向是否正確？
其二，係如果每個月只能儲4000元在投資上有什麼選擇可以簡？
因為我會一直增加自己財務知識，所以其實唔想放太多資金去月供股票，想留多d現金係適當既時候盡掃平貨，由其係現時市況向下好多企業股價開始回歸價值所以再度減弱左我對月供股票既興趣 。
其三，係副業方面，我正職係做西餐廳廚師，呢方面係自己興趣，然而另一邊都有自己嘗試做一些網店、雖然只有很少很少量既生意，賺到既錢亦唔多，所以我亦都想問究竟繼續發展呢一方面定係應該專心增進左知識先？
係你《財務自由行》一書當中你都舉過好多不同既創業成功例子，但自問自己能力不及書中各位，時間亦都不夠用，因上班工時連車程已經要花上12小時，餘下時間就需要照顧家人，所以想問老師係呢方面有冇建議可以比我參考下。
最後，係想問有冇咩方法可以改變到屋企人既思維？
呢樣我真係束手無策，雙親收入都偏低一家四口我已經係最高收入，父母理財觀念較差，雖然無不良習慣，但由於佢地年輕時曾破產，所以係銀行做任何動作都比較麻煩。
而最近更因為我搬入公屋需要一大筆裝修費令我個人負債額大增，雖然係家人一齊供但借貸投資呢招亦已經不能使用，我既目標係係呢個環境底下五年後要儲到一百萬既資產。
雖然距離超級遠，但我思維已準備好進行致富，可能部分問題已超出你可以解答既範疇，但我抱住一個亦師亦友既心態請教你這一個過來人，老師既路都唔易行，但你都已經成巧了，這令我有更強既動力去堅持落去，但都希望老師多多少少可以比啲意見我應該點樣去計劃未來既路！
龔成老師：
我就分開你所講的4部分，都答你的問題，咁樣會清楚啲。
1）這類工具有存在的價值，因為我地理財是一個攻守兼備的過程，但在比例上，防守類工具不用太多。所以，你可以繼續供，但不要再加，希望你將來的收入不斷提升，這部分所佔的比例自然減少。
2）投資潛力股+平穩增值股是適合你的，你唔月供無問題，但前提是有一定的投資知識，在把握時機上有一定的能力。這刻的大市約處於「合理區」，你可以儲下現金，等機會先，但如果現金去到某一水平，都要入翻少少貨，因為無人知個市幾時跌，會唔會跌。
3）你要睇下你的正職，長遠會帶到比你幾多，如果可以突破的話，就可以加大努力在這方面。但如果突破有限的話，就要在你的副業上努力，因為這是你突破的重要方法。
你可以利用空閒時間，去盡力做好網店，例如搭車、等人、返工中的空閒時間。
另外，你可以想想一些生意的方向，能結合你原本正職的知識技能，以及你的興趣，去開一些更適合你，同時更賺錢的生意。
4）每個人都有不同的價值觀，不要嘗試改變別人的想法，因為好多事情，無絕對的對與錯。
所以，你所做的，就只有做好自己！咁佢地自然明白你所講是對的！
你這刻最重要是保持正向心態，心態會影響你的行為，最終會影響結果，所以你這刻更要保持至面心態。同時，要努力學習財務知識，知識真的可以改變命運，這只是時間問題。
我認為你的副業是你的突破點，你要向這方面想想，同埋多嘗試，一樣唔得就試另一樣，總會成功的，加油！（對照龔成信箱：Q7680）
7.盈富（2800）
我手上冇咩資金，想3至5年內有30至50萬，但我月供只得3千，知道冇咩可能做到
手上既股票:
1, 2800盈富 大約有2,600
2, 1898中煤能源有30,000
20,000 @hkd4.04
10,000 @hkd4.00
3, 1398工商銀行
1,000 @hkd6.00
4, 2238廣汽集團
2,000 @hkd7.00
若果月供得hkd3,000.00既話係咪應該集中係盈富基金好啲?
還是可以照hkd2000中電(0002)， hkd1000盈富(2800) / 比亞迪(1211)
or hkd2,000.00盈富 + hkd1,000.00 中電 / 比亞迪？
龔成老師：
手上的股票質素都可以的，你只要繼續持有就得。
月供股票方面，你可以供盈富（2800）$2000，比亞迪（1211）$1000，雖然資金不算多，但慢慢都可累積一定的財富，當然，希望你之後能投入更多資金，先有更大機會達成目標。
雖然資金不算多，但只要你有投資知識，有選潛力股的能力，同時能把握到投資時機，整個財富都有機會大幅提升，所以，保持增加知識是你突破的方法。希望遲啲見到你！
（對照龔成信箱：Q7682）
8.優質股
老師你好，本人27歲，入月22K，現時每月月供$1000，手上現金約有100K，如想3年後變大手上現金，我應該選多一個股去月供嗎？還是拿一筆資金直接買入股票投資？
謝謝。
龔成老師：
增加月供是較好的，如果可以的話，你每月的月供金額可以提升到$4000，供兩隻股，每隻$2000，咁樣去累積股數會快啲。
至於手上的現金，可以大部分持有現金先，部分分注買入優質股。現時市況算是處合理區，一邊儲現金，一邊分注買入是較好的策略。
（對照龔成信箱：Q7683）
9.投資技巧
老師，我年齡比較少，比起一下子賺大錢，我更想學習正確的投資心態和實用的投資技巧，過往我除了看你的作品外，也有看過大大小小不同的大師作品。
我知道隨萬年齡及不同投資者的投資風格，他們投資的策略都會有所不同。看K線天線看圖我也略知一二，但因為教投資的書實在多，所以不同人的教法不同就會太雜亂，而老師你出的書是我暫時看過比較簡單易明的那類，所以我都很喜歡看老師你出的書。
但我還想請教老師有沒有一些可以從根本學習股股的方法和老師你有沒有一些之前看過值得看的書跟我們分享一下？謝謝！
龔成老師：
每個初接觸投資的人，都會有很多不明白的地方，亦會覺得坊間有好不同的方法，往往唔知邊個先正確，其實，你只要想想一個好根本的問題就得。
「邊個方法最賺錢？」
你唔好理出面啲財演講出點，你想這個問題，你睇下，全球最賺錢的投資者，佢用咩方法，你照跟就得。
而巴菲特就是最賺錢的投資者，佢表示，買股票就是買企業，要長線投資，而佢認為短炒是錯誤，佢講到明，圖表是無用，所以你所學的天線、圖表，都是錯的。
你可以睇多啲巴菲特的書，睇我的《股票勝經》、《50優質潛力股》、《50穩健收息股》都得，因為我都是跟巴菲特的一套。
（對照龔成信箱：Q7684）
10.高息股
龔sir,本人父母65歲有200萬左右現金，想買收息股每月有$10000以上收入，請問有邊幾隻會高息又穩健，謝謝
龔成老師：
如果有$200萬，我建議部分買收息股，而部分則買其他類型的資產，例如銀行或保險公司的低風險產品，部分持有現金（就算做定期都可），這可以建立一個組合，令財富更平衡。
至於投資收息股都少，視乎佢地的意願及風險承受程度，$70萬-$130萬都可以。可以投資多隻收息股，例如香港電訊（6823）、港燈（2638）、深高速（0548）、工行（1398）、置富（0778）等，咁樣的風險就能分散。這些都是有5%、6%股息率的股票，分注買入就得。（對照龔成信箱：Q7685）
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
延伸閱讀：
現有投資組合較保守 回報高月供股可揀呢幾隻
