兼職招聘｜香港3大「血汗Partime」勾起網民慘痛回憶：每日同一堆喪屍做嘢！

兼職中菜酒樓最辛苦

綜合討論區網民票選「最辛苦兼職」名單，一致同意兼職中菜侍應生的工作極度消耗體力，不但「炒散」工時長、工作期間精神緊張，而且經常要搬搬抬抬，身體勞損程度相當大。

• 「我都試過做中菜仲要假期忙足13個鐘，收工真係辛苦到喊。」
• 「碗碟又重，同事態度差，唔夠力都唔幫手。做左13個幾鐘，食得15分鐘飯，成個場得我一個炒散，做到嘔。」
• 「返過一日酒店中菜，一碟嘢個重量真係唔係講笑，加上張枱好大張而我又矮，每次擺餸上去心都離一離，勁怕倒落啲客到。」

工廠兼職容易崩潰

亦有曾經在食品工廠打工的網民亦大吐苦水，表示在工廠彷彿「失去靈魂」，每天都在做重複的工作令人崩潰。

• 「係心理上嘅辛苦，唔係生理上。全日機械化做同一個動作，另一層已經有機械臂做緊同一樣嘢，成間廠啲人都好似等死咁，好似喺一堆喪屍裡面做嘢咁，個氣氛極難受。」
• 「喺裡面唔使做嘢，留耐少少已經會好崩潰。」
• 「工作環境都幾惡劣，我做過幾份室外工都係咁話。」

慈善籌款都有KPI？

也有網民回憶起幾年前考完DSE，搵暑期工的中伏經歷：

「諗住做一間幫好多慈善機構企喺街上面叫人捐錢嘅agent，個陣細路仔唔識世界，上traning 先知原來呢啲工都要跑數，拿拿聲break個陣『著草』。」

有網民不禁質疑兼職員工福利少，人工低，不明白為何中學生、大學生要急於投身工作，而非好好享受讀書玩樂的時光：「明明畢咗業之後，就40年時間俾你日日返工。係要個個讀緊書玩嗰陣時自己中個頭入去受苦？」

• 「真係資本家壓榨勞工嘅最佳例子。」
• 「學生哥冇咩工揀，焗住做人工低嘅辛苦工，一係做便利店店員，一係做飲食。」

不過有網民坦言，職場講求經驗，不少學生找兼職是希望儲3工作經驗，薪金高低也是其次：「冇工作經驗，嚟緊40年都要失業。」

兼職亦受《僱傭條例》保障

根據勞工處網站資料，所有僱員，除《僱傭條例》指明不適用的人士外，不論他們獲聘用的職位名稱是全職員工、兼職員工、散工、替工，也不論其工作時數，均受條例的保障，並享有以下權益及福利：

• 工資支付的保障
• 工資扣除的限制
• 法定假日
• 生育保障（禁止僱主指派懷孕員工從事粗重、危險、或有害的工作）
• 僱傭保障（不合理及不合法解僱）
• 僱主提供僱用條件資料的責任
• 職工會會員不受歧視的保障等

另一方面，在《僱傭條例》下，僱員如連續受僱同一僱主4星期或以上，而每星期最少工作18小時，他的僱傭合約便屬於「連續性合約」。僱員若受僱於「連續性合約」，並符合法例規定的領取資格，除上述基本權益及福利外，更可享有：

• 休息日
• 法定假日薪酬
• 有薪年假
• 疾病津貼
• 生育保障（產假、產假薪酬及不得解僱懷孕僱員的保障）
• 侍產假
• 遣散費
• 長期服務金
• 僱傭保障等

延伸閱讀：棟篤笑玩大咗！內地演員自嘲炒燶股票 觀眾掃貨漲停「返家鄉」惹官媒點名

延伸閱讀：Crostini突全線執笠、大批餅卡苦主在線等：魯振順曾在餐廳獻花示愛