兼職｜數碼公司時薪38蚊請助理文員「5科合格+數學C」網民：呢份工都幾癲下

數碼公司38蚊請兼職

從勞工處求職網的截圖可見，一間本地數碼公司正聘請助理文員，職責包括處理互聯網系統和數據核對。

聘請對象為中五五科合格或以上，數學C 或以上優先。HKDSE 21分或以上優先，而且至少中五程度、會考五科合格、一般粵語、英語；懂讀寫中英文。具有基本電腦操作知識並具工作效率。

雖然職位要求門檻不低，不過職位的時薪待遇僅得$38。

網民：DSE 21分出38蚊一個鐘…

招聘廣告刊登後，隨即引起網民注意，有網民揶揄「嘩！好侮辱！5科合格，數學要C，只值38蚊？有咁叻嘅人，去晒做政府，大公司文職啦！21分可以讀大學。」

• 「呢份工都幾癲下，要5科合格、工作具效率，出38蚊一個鐘…」
• 「21分喎，入到Medic。」
• 「幫人補吓習好過啦。」

網民：兼職仲$38揾鬼做咩

現時香港最低工資為時薪37.5元，有網民表示，就算不論學歷，$38的出手實在太低，薪金彷如回到1980年代。

• 「炒散都最低70起啦。」
• 「個日期登番1980就差唔多。」
• 「做安心出行大使都有60蚊一粒鐘啦⋯⋯」

俾啲退休人士過日晨?

有網民指摘公司所開的薪金低得不尊重員工，認為努力高人工低是不少香港中小企的縮影。不過，亦有網民覺得以公司開價和待遇估計，公司只是希望聘請退休人士。

• 「真心冇錢唔好學人開公司。」
• 「講真啲中小企永遠出啲咁嘅錢請人，班老闆覺得出少少錢就可以請大學生。」
• 「俾D退休人士過日晨掛，係咪睇吓有無住樓上既退休人士甘啱有時間落嚟玩吓。 如果唔係，諗唔到點解會有人做。」

失業率進一步回落至4.3%

政府統計處8月公布，5月至7月經季節性調整的失業率為4.3%，較4月至6月下跌0.4個百分點；就業不足率也下跌0.8個百分點至2.2%。

期內總就業人數增加約21,500至3,593,100人，總勞動人口增約11,100人至3,761,300人。

失業人數減少約10,400人至168,200人，就業不足人數減少約27,300人至84,300人。

而法定最低工資於2011年5月1日開始實施。由2019年5月1日起，法定最低工資水平調升至每小時37.5元。就僱主備存僱員的總工作時數紀錄的金額上限，亦同時修訂為每月15,300元。

延伸閱讀：日出康城淡友「壯士斷臂」 1房連環跌穿600萬！網民：跌市實預埋堆填區

延伸閱讀：香港平均樓價跌穿800萬、市區樓大出血！代理：第一城供少近4千，加息唔使驚