35歲婦想用20萬本賺錢幫補家計 有兩個小朋友風險偏保守

龔Sir你好，我無物業，35歲同老公住
有兩個小朋友

本身做全職媽媽，好彩結婚前都有做野
所以叫做依家可以做相關職業，但就收入不穩定
平均每月賺都會儲起，不過愈來愈明白老公壓力好大
所以希望自己都努力啲幫輕下

風險係偏保守
因為有好多顧慮
有10萬係股票基金

但香港本來都有5萬，但因為信朋友買左高風險🙃得番一萬
所以香港個啲不值一提

想請教有20萬現金，想平穩地賺取多點現金作幫補家中的費用有冇好嘅建議

龔成老師：

考慮到你的背景情況，會建議你投資低風險的工具。
始終你地而家收入無穩定，同時見你表示家庭收入壓力大，以及風險偏向保守，因此，你現時的$20萬，會建議投資低風險工具。

目標是收息，同時承受小量風險，但你都要明白，投資點都會有風險的。

你可以將現金分成3部分，第一，持有現金及做定期。

第二，投資銀行一些低風險，有息收的產品，你可以向銀行了解下。

第三，可以投資收息股，例如建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）、陽光（0435）等都可以，你可以了解下，並從中選股。

GX恒生高股息率（3110），是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

如果你好怕風險，就持有現金及定期較多，餘下兩個工具買少少好了。如果你能承受風險，現金及定期不用太多，餘下兩個工具可買多D。

但都要記住，點都要有基本的現金在手。