37歲紀律部隊投資損手 再遇婚前最大掙扎：用公務員綠表定住宿舍好？
本人與女友存款合共約70萬元，2020年初用女友名買入Wetland Seasons Park一個兩房平台特色單位，樓價540萬元，四成首期，現剩下290萬元按揭貸款，本人是紀律部隊，有公務員綠表，想買一個屯門二手居屋三房單位自住，2023年1月Wetland便滿三年額外印花稅（SSD），預計會沽出。
請問應否保留Wetland個單位，還是先沽出再買入居屋？另外只要結婚便可申請紀律部隊宿舍，用公務員綠表還是入住紀律部隊宿舍先，再置業或換入二手私樓大單位好？
讀者在選取債券基金上，沒有思考框架。
銀行喜歡叫客戶買人民幣的債基，原因不是銀行看好人民幣匯價，而是可除賺客戶基金認購費外，還可以食一「浸」人民幣匯價。
至於靈活債券、環球債券，筆者從不信。財富是相對的，所以投資就是要令閣下的組合回報比他人好，令生活改善。樣樣買一些，好聽點叫「穩陣」，但其實改變不了生活水平，還要月月蝕基金管理費給基金公司。
筆者將投資物分為賺價及收息兩方面，就好似牛肉刀和指甲鉗，無話邊個好，要睇你想點。
投資首個問題，就是要清楚閣下想拿去博的錢有幾多；不博的又有幾多。
由於讀者本身是公務員，屬愛穩定一群，只需將三成錢投入賺價物（例如股票、期權）；七成投入收息物（債券、住宅）。投資應該先看自己想點，有目的地，才配工具。
如財務資源夠，買新樓自住可理解。但新人入手新樓，除「免手續費」外，其實好處不大。
買樓最緊要是好租而又有水位賺價，買家只需付首期，其餘交給租客供款，到老就有樓收租，生活有保障。
買居屋難趁樓巿升發圍
至於居屋，好處不用講；其壞處是往後好難利用樓市升幅再「發圍」。而買樓方面涉及的借貸力須兼顧很多，以筆者現時粗淺理解，暫予讀者方向性回應。
至於如何訂立理財目標？感覺讀者是甚麼投資都試一試，包括、港股、美股，同時去抽下新樓，結果會如何只有自己明白。
筆者建議讀者需要客觀理財資料，以及搵個有心人為讀者的組合執一執，往後閣下的理財路，才能走得快和遠。
