理財個案–45歲買邊幾隻股可以達到複息效應

你好老師, 我是新手，對你複息效應好有興趣

本人已經45歲，

1）如我50萬拿來買股到我60歲效果會唔會效果唔好？
2）如50萬買邊幾隻股可以達到一個唔差既效果？
3）當中既複息效應回報後講到再投資，意思係10元1股複息回覆是升到20元係唔係繼續持續擁有？
4）定係張回報規律賣出去再投資其他股？

龔成老師︰

1) 其實15年，都算一個長時間，只要用正確方法，都會有明顯效果。

我假設投資回報有10%（連股息再投資），你45歲投資$50萬，15年後大約會增值至200萬。

2) 要買一些增長型股票(平穏增長股 + 潛力股)，但考慮到你是新手，同埋年紀，建議集中在平穏增長股上，潛力股只宜佔1-2成。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你唔知點選股，可以先集中係指數ETF，好似美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

現時大市大致算在合理區下部(港股)和上部(美股)，你現有50萬資金可以先投入一半，用”分注”形式，慢慢買貨。餘下一半的資金，就等大市出現一定程度的下跌，才大力度掃貨，然後長線投資。

3 + 4) 複息效應，係分2部份。第一部份，係企業賺到錢，攞去再投資在業務上，創造更多盈利。

另一部份，就係派息。這部份，就要投資者，將這筆資金去再投資，去創造更多財富。

但如果你持有股數不多，收到股息可能較少，不足以買1手股票。你可以將這些股息先儲起，到有一定數量，目標股票價值又合理，就可以出手。

至於你講架股價$10升到$20是否持有，係另一個問題。簡單而言，只會係2個情況會減持一隻股票

(i) 佢架長線核心質素變差
(ii) 佢股價已經異常地貴

否則，就算佢升幾多都好，我地都會依然持有。