港男驚加息唔敢買樓、錯失升浪「住舊樓揼心口」：原本份首期夠買新樓㗎
然而本人很擔心，買二手樓會有很多維修問題，聽說最難搞的是漏水，最近有代理介紹了一個30年樓齡、頂樓連天台的單位，想請教（一）買二手樓，會有漏水問題嗎；（二）連天台單位單位，漏水問題會特別嚴重嗎；（三）如何可以根治漏水問題，成本要多少？
每次有讀者問，筆者都會這樣回覆：「放心！不用驚，一定漏！」
老老實實，廿幾三十年樓，日日風吹雨打，點會無破損？不過只要識得處理，漏水又並非好大件事。
通常見到的漏水問題，發生在窗邊。以前筆者有個臨海單位，向西北，打風落雨時，雨水從窗邊湧進來，就像倒水，整張床濕透，甚至要搵毛巾塞住窗邊。
不太嚴重的情況是，窗邊的牆身出現水漬，油漆、牆身剝落。如何處理？要換窗嗎？當然不用！
一般來說，是因為窗的膠邊老化，只要換上新的膠邊，重新打過玻璃膠，單位內的牆身，有水漬、有剝落處就剷底、補牆、髹油；而單位外的牆身，窗邊位置髹一層防漏油，搞掂！
多少錢？視乎維修工夫多少而定，通常介乎1,000至2,000元埋單，可以頂一、兩年。
此外，除非不換；否則，一換當然要換觀景玻璃窗。成本方面是會貴少少，因為大玻璃必須要做強化工作。如果無靚景就無所謂。
如果有靚景，就別慳少少錢，換回一個觀景玻璃窗，將靚景引入屋內，單位也會升值。
一般窗框是銀色的，不過其實甚麼色都有，好多人會揀白色，但近期筆者團隊鍾意玩黑色。
而連天台的單位，漏水問題當然會更嚴重。由於天台是最高的樓層，樓上沒有單位作掩護，雨水直接就衝擊到地面。
如果天台去水做得不好，例如地台不夠斜，令地面積水，那就很容易會滲到樓下的單位。
別執著於要去根治
故筆者一般會先拆掉所有僭建，就在地面舖上英泥沙，然後師傅就會在上面再做防漏工作，做完之後，再考慮是否舖磚。
舖磚的話，如果將來再有漏水情況，要拆磚修理就麻煩。
筆者喜歡用看似戶外木的物料，舖上面就可以，將來要再維修就更方便。
幾十年樓，很難避免，就不要執著於要去根治。
如果可以改善八、九成漏水問題，每隔幾年才需要修補一下已很不錯；如果本身怕裝修或維修的讀者，最好不要買這些特色單位了。
