街頭小食創業貼士 (下)

上一集講了難整又最易蝕錢的小食(重溫：http://www.edigest.hk/Vip/detail?id=3049)，今次就講講大家最關心，邊種小食最易整又最賺錢。答案就係，雞蛋仔。

整雞蛋仔可以話完全無難度，由開蛋槳到落鍋過程十分輕鬆，最難都是由熱烘烘的鍋爐拎份完整的雞蛋仔出來。

雞蛋仔易做毛利高

仁愛堂YES專業進修課程「街頭小食創業證書課程」導師麥志城指，雞蛋仔是最賺錢的一種小食，製作簡單又快完成，假如加上不同味道如朱古力、綠茶等，又可再賣貴多一點，是種高毛利的小食。

不說不知，豬內臟亦是不容易蝕錢一族，如豬大腸、豬生腸、牛雜等熱食。豬內臟成本雖重，但可以不斷加熱而令其食物保持質素，「炆」得耐愈入味。牛雜成本高，利潤低，惟儲存容易，只需急凍便可。

要懂得選址

雖然話最易賺錢，但是要有個好選址才可以將貨品賣出，麥志城指，通常到小食店買小食的有多種不同類型的客源，分別是流水客 (即是途經舖面、只買一次的顧客)、主婦、學生、白領人士，所以開小食店應吸納最少其中兩種客源。

選址亦要配合目標顧客群，如目標客群是流水客，選址就要人流多的地方；如果目標客群是主婦和學生，選址則要在屋邨和多學校的區域之中。

正讀「街頭小食創業證書課程」的女學生表明自己打算於兩三年後，開設自己的小食店，預算花費100萬元，麥志城表示，開舖回本期當然視乎營業額，通常需守約6個月才可回本。

不過，值得注意的是，街頭小食店申請的是食物加工牌，非食物製造牌，即是不可自製魚蛋，只可從外入貨，不過法例上仍有灰色地帶，雞蛋仔、格仔餅這類在舖內製造的食物則未有禁止。