窮亦有夢！曾窮到得5蚊在身 刻苦3年達成歌手夢

撰文：高清
圖片：星格流行音樂學院

窮

成為歌手之前，Uka曾經試過窮到身上只有5蚊，剛好有朋友請她Busking（街頭賣藝）。

「不如你出鑽石山Busking，夾下歌。」
「我身上有5蚊都夠搭車嘅，但係我未食晚飯。」
「我俾個魚柳包你啦，買一送一。」

Uka說之前想起這事都會很想哭，可是換一個角度，這些經歷能夠成為別人的鼓勵。

而Jessie當時為了堅持自己熱愛的音樂，決定辭去正職，專心一意發展她的音樂世界。「過程係好艱辛，一切由零開始，每個月得幾千蚊，計埋食飯搭車，真係一蚊都冇得淨。」經過一番努力，現時至少都可以支付自己的生活費，「最少唔會話食個包都冇錢」。

背後努力

平日看到街上的Busker（街頭賣藝者）一邊彈著結他，一邊唱歌，你又是否知道他們背後用了多少努力，才可以有今天的水準？

Uka開始學結他的時候，其他同學已經學了很長的時間，所以她非常努力地練習。「我就博命於屋企廚房的陽台，無論30幾度定5度，我都要練。」Uka當時就立志要仿傚她的偶像陳綺貞一樣，在不同的音樂節出現。

Jessie說她曾經聽過一位朋友對她說：「你就好啦，有人俾錢你唱K。」專業的歌手，怎能和一般業餘的歌手比較呢？「幾嬲架其實，佢就好似貶低你嘅價值，其實跟本唔知道背後的準備工作做了幾多。」Jessie表示，做駐場歌手，上台之前一次過要練30幾首歌，亦不是練30幾首就可以，因為要不停練新歌。

我真係唔想坐Office

有次Jessie出席家庭聚會，被問到「返緊咩工？」，她回答「教下琴同唱歌」，就立刻被追問「咁你份正職呢？」這樣的對話，令Jessie和家人感到很尷尬。於是，她背負著家人的期望，硬著頭皮去做過很多份「別人眼中的正職」，可是每份返幾個月就做不下去了，「因為實在覺得好唔開心，始終都是教琴和唱歌係最開心」。

熱愛唱歌的Uka也試過投入文員的工作，「我做過政府工，其他寫字樓嘅工，我發覺唔得喎。」後來，她發現根本不合適當文員。「其中一份工係做書店，去執書，都幾好個人可以靜下。」完成早上的工作，晚上就到酒吧唱歌。「放工之後就去公園練結他，練都夠鐘就搭車去酒吧。」這段時間雖然辛苦，但是也是其中一段很開心的日子。

夢想難免要犧牲

大時大節當然希望可以和家人朋友一起過，而身為歌手的Uka和Jessie，就只能在工作中過各個節日。Jessie說很少可以見到朋友，「當我地返工嘅時候，就人地放假。」

Uka形容她和朋友的關係時，她說「當你仲停留在以前嘅時空，身邊嘅朋友已經走得好前。」身為歌手，除夕這些日子，當然要工作。「有次想去參與同學除夕倒數聚會，但係又要完咗工作先可以去。」可是，當完了工作時，聚會都差不多結束。「又出席唔到，其實都好內疚。」因此，她打算買些小禮物去補償，卻換來朋友一句「你送呢啲有咩用呀？」她後來發現，補救已經是不可能的了，「相處嘅時間，冇，就係冇。」

後來她亦明白，成為歌手是條孤獨的路。提到失去的友誼，Uka眼眶都紅了，眼淚默默的掉下來，「有時自己諗起喊，就將感受寫入歌詞，希望有一日他們聽到，知道我心入面有佢地。」

延伸閱讀：
【演唱會和音歌手 每場Show收入達15,000元】
http://www.edigest.hk/Vip/detail?id=5435
【酒店駐場歌手 月入達18,000元】
http://www.edigest.hk/Vip/detail?id=4915
【20萬開音樂學校 3年吸學生逾百人】
http://www.edigest.hk/Vip/detail?id=4381