兩位80/90後女生創業 靠代購發圍 年賺過百萬 | 創業個案
撰文：Hody、Smart ED編輯部 ｜ 圖片：新傳媒資料室
10萬元創業由代購做起 90後年賺過百萬
在網絡風行的年代，做生意變得相對簡易，令很多人都躍躍欲試，尤其勇於冒險的年輕人。
「90後」倪淑怡（Zoey）大學年代喜歡買衫，找網民一起購買南韓時裝分擔運費，想不到愈做愈大，收入比打工更多，於是辭工創業。
創業第三個年頭，公司營業額逾200萬元，扣除成本後，2017年淨賺逾100萬元。
1991年出生的Zoey，在香港理工大學修讀市場學學士課程時，極度喜歡購物，當時韓風熾熱，她尤其喜歡買南韓時裝。
「當時網購並不太盛行，運費很貴，要購買一定數量才可免運費，於是我想到在Instagram貼圖，吸引有興趣的人落單一起購買。」
首次入貨20,000元
Zoey主要在Gmarket搜尋，找到合心水的便cap下圖片。
因當時只有韓文，她便用Google翻譯，然後撰寫簡單介紹，圖文並茂。
有興趣的顧客先在銀行入數，再將入數紙傳給Zoey，她便集合購買，當時只為減輕運費負擔，並無刻意做生意。
有時顧客對某些款式反應熱烈，Zoey連買給自己的一件都賣出，結果她衣櫃內的衣服愈來愈少。
10萬元積蓄創業
大學三、四年級時，Zoey憑代購每月收入達3,000至4,000元，對於學生來說是相當不俗的兼職。
畢業後，Zoey在廣告及市場推廣公司工作，經常早出晚歸，遇上拍攝廣告的日子，早上9時開工，凌晨2時才下班，翌日又如常上班，令她感到非常沮喪。
就在這時，不少舊客問Zoey何時重開代購，於是她又開始做起代購，並將店名命名Blossom，想不到客量增長極快，不消三個月，收入已超越其月薪，於是她把心一橫，辭掉工
作，靠著之前儲起的10萬元積蓄，在2015年初全情投入創業。
親身飛往當地入貨
Gmarket雖然是南韓網站，但產地未必是南韓，為此Zoey決定親身飛往當地入貨，確保所有貨品都是「南韓製造」。
「我將自己到南韓入貨的過程放上社交媒體，讓顧客直擊，令她們的信心大增。」
Zoey花了約20,000元入貨，選購較多款式，並且在觀塘工廈租用不到100平方呎的單位，將之掛起來展示，吸引喜歡觸摸實物的顧客上門，第一批貨很快便沽清。
此後，Zoey每月均飛往南韓入貨，在東大門的批發市場搜購合適貨品，專攻斯文上班服。
「東大門有七、八個市場，每個有60、70間店，我每次留三天兩夜，要逛逾1,000間店。」
這些批發商場凌晨時份營業，Zoey日間還要回覆顧客查詢，處理落單，整個旅程幾乎沒有睡覺時間。
用盡30公斤行李托運
Zoey最初搭廉航，但因行李另計不划算，之後轉搭傳統航空公司，用盡30公斤行李托運；另再寄三、四箱貨返香港。
每次她大約購入200個款式，每個款式兩至三件，通常是free size，給顧客試身，落實購買的話，需要先付款，然後Blossom再向南韓訂貨，七至十天後交貨避免「磧貨」問題。
最初，Blossom偏重平價貨，後來發覺顧客對質料有一定要求，轉而引入更多中價貨品，上衣約200多元、連身裙約300元、外套逾300元，質料較佳的達600至700元。
生意倍數增長
Blossom與當地的代購公司建立關係，由台灣太太經營，作風老實，長期替公司補貨，Zoey每月親身飛往當地才找數。
聖誕、農曆新年前是銷售高峰期，Zoey在這兩個大節日前，每月飛往當地兩次，確保找到迎合顧客需求的貨品。
2016年初，Blossom搬往同區另一工廈單位，面積達250平方呎，設有兩間試身室，方便顧客試穿，同時瀏覽貨品，一般而言，約一半親身到門市的顧客結果會購物。
Blossom的顧客年齡主要介乎25至35歲，OL為主，平日人均消費約500至1,000元；大節日前夕可達3,000至4,000元。
專頁「粉絲」人數逾34,000名
由於衣服受歡迎，Blossom試著引入更多貨品種類，包括首飾、鞋及手袋，結果發覺鞋的反應最佳，現時佔門市整體生意約三成。
而門市佔Blossom整體生意三成；餘下七成來自網上，主要是facebook，現時專頁「粉絲」人數逾34,000名。
Blossom生意增長可觀，首年營業額近80,000元，翌年增至逾50萬元，去年進一步增至逾200萬元，去年增幅達三倍以上。
扣除入貨、租金及人工後，Blossom利潤約為五成，換句話說，去年賺超過100萬元。
「我希望2019年底前，生意額可再翻一番，屆時可以建構全面的網站，讓顧客自助落單，減輕顧客服務方面的壓力。」Zoey說。
聘請中年女性
Blossom最初開設門市時，Zoey自行打理，但因工作太忙碌，其後聘請了兩名員工幫忙，均是中年女性。
「我不會請後生女，只請30多至40多歲的姨姨，她們沒有甚麼野心，只想找份安樂舒服的工作，做事有交帶，而且顧客不會覺得她們硬銷。」
此外，Blossom聘請了另外一名「姨姨」，透過home office形式負責網上覆單。
網購的高峰期是放工後的時間，Blossom聘請了兩名年輕人負責顧客服務，於晚上10時後至凌晨零時，回覆各項查詢。
80後女娛記裸辭做日本代購 1萬創業 月賺9萬Tips大公開
【80後創業】不時聽到有人形容傳媒乃「夕陽工業」，雖不完全同意，但近年傳媒業確實有著巨大變化。
今次訪問主角阿風當了13年娛樂版記者，引發她的創業心，正正就因為兩年前一波又一波傳媒裁員潮，工作壓力令她抑鬱病發，繼而決心裸辭。
在機緣巧合下，踏上其日本代購之路。
做了13年娛樂版記者
80後阿風，做了13年娛樂版記者。兩年前，傳媒湧現裁員潮，她由傳統媒體轉至重點落在網上的媒體，要重新學習及適應的東西突然一下子湧現。
工作模式突然轉變、極大的工作壓力令她「吃不消」，因而患上抑鬱症，要看醫生服藥以控制病情。
傳媒大環境轉變，公司對員工的要求自然愈來愈多，加重好多工作量，她指：「要求你百足咁多爪，如果攝記就除咗影相、拍片，仲要識剪片。」
的而且確，這是傳媒人現正面對的工作生態。
「我當年做娛記就要在公司行輪更制，要留守在公司返通宵更，因為要跟娛樂即時新聞，有突發事要即刻做，捱更抵夜是常事。公司要求愈來愈多，至後期更加愈來愈難做。」她憶述。
工作壓力大導致抑鬱
2012年左右，阿風以為轉往另一家報館後，工作會比較輕鬆，怎知工作模式轉變令她完全適應不到，工作壓力不減反升。
她憶述：「每日返工個腦都好似一片空白，所有嘢都好似唔識做咁，個人又緊張又驚。」
面對工作壓力，加上一連串嘅生活問題，阿風身心終於都支持不住而患上抑鬱症，結果要食藥睇醫生，「當時淨係想收埋自己，唔想面對任何嘢。」
在身心俱疲的情況下，她選擇裸辭，正式向過了十三年的記者生涯說再見。
她當時曾有轉行念頭，但她發覺「原來做記者係出唔返去打工，因為做記者太自由、主導性太高，好彩屋企無俾壓力我同埋都俾咗好多支持我，俾我慢慢建立返信心。」
她持續覆診食藥有兩至三年時間，病情慢慢有好轉。
裸辭後創業做日本代購
阿風喜歡日本，最初其實只是間中去日本散心Shopping，「去到日本見到好多家品、精品都好靚，自己好鍾意。」
沒想過在機緣巧合下，認識到一群同樣喜歡購買家品的年輕太太，發現日本代購應該「有得做」！她由代購貴價廚具開始，慢慢儲到一群客源。
2年前，阿風以1萬元成本，由代購網店開始做起，在社交網站開設 Bluebluebluek生活百貨-零售批發 專頁，「開網店成本其實好低，因為是代購形式，收Order後幫客人到日本代購家品。所以最基本的是要付出有一張機票的價錢及旅費就出發買貨。」結果不足一個月就回本，且開始有盈利。
阿風說：「我買下賣下，慢慢儲到一班客，啲客又對我幾好，所以就於一年前膽粗粗咁用喺觀塘的工廠大廈開鋪。」
她投資15萬開鋪，後來約滿後就搬到現時銅鑼灣店，主要因為可方便網店的交收。
主攻代購日本家品
「睇返轉頭，覺得人真係要搵一份自己鍾意嘅工作。可能記者都係自己鍾意嘅，但當時自己唔識處理壓力。以前老公會話我瞓覺會磨牙，應該係當時做嘢有壓力都唔知，而家搵到自己鍾意嘅買下嘢賣下嘢…老公話我少咗磨牙…」她說。
她更笑言：「買嘢可以減壓！可以抗抑鬱！」
事實上，日本時裝在香港也很受追棒，但為何夠風會選擇主攻日本代購家品呢？
「因為衫係有潮流，過季就會『磧貨』，所以才選擇代購日本家品，加上近年好多人都喜歡買有質素嘅家品，最重要係自己鍾意。」
而做生意讓她得到的喜悅也是無價的，「搵到一樣靚貨，個客又鍾意，會有一種滿足感！」
一腳踢做晒所有嘢
經營網店至現時開設了實體店的阿風，現時每個月飛往日本入貨一次，直言代購的經營環境有其難度，她說：「每次都飛一星期至12日，每次都自己一個人去，機票、住宿、交通至一日三餐都係成本。」
由搵貨源、傾價錢所有事都是她自己一個完成，「好多時都朝早六、七點起身，拖住個喼就開始做，做到凌晨一兩點仲喺街，自己抬貨、夜晚喺房包貨，再自己一個人推貨到郵局寄…係辛苦錢嚟嘅。」
遇到要代購日本限量產品時，就真的要守規矩的排隊購買，試過排了個半鐘才買到一個限量產品，所賺的錢稱得上「有血有汗」。
現時網上的代購店五花八門，想得到的都有「代購團」。
每月平均營業額超過20萬
說到經營上遇到的困難，阿風坦言：「當個個都做嘅時候，利潤就愈來愈低。人哋可能賺十蚊都會做，但我又有間鋪、又有個倉，經營成本高。」
要持續經營，就要比其他人更勤力找不同的「靚貨」、而且「要快」！「一定要勤力啲去搵貨先做得住，我都真係一日到黑都搵貨。」
因為市場需要，阿風的店除了代購日本家品外，代購產品種類也愈來愈多。
做日本代購 網店競爭大
現時每月平均營業額超過20萬，平均盈利接近9萬，以一個人計的公司來說，成績算得上非常「標青」！
不過，她指經營上也非「有賺無蝕」的，也不時遇上各類奇怪客人。
「網店競爭大，好多時都會遇到好多棄單嘅人，最大單嘅有幾千蚊棄單，都只能『硬食』！試過有個客不斷棄單、但又不斷開新帳戶來落單買嘢，前後總共用了三個不同嘅帳戶嚟落單買貨、再棄單！」她無奈地說。
同行未必如敵國
雖然代購網店競爭大，但她卻認為同行未必如敵國。
她說她在入貨時認識了一個日本人妻網店行家，大家雖是同行，但會一起入貨，「覺得大家都可以一齊賺錢，唔一定要鬥過你死我活。」
後記：
完成訪問後，阿風即晚竟主動聯絡我，提出可為讀者分享一些開網店的個人心得，完全不介意公開自己的創業Tips。
其行動真的如她所說：「大家都可以一齊賺錢，唔一定要鬥過你死我活。」
或許就是她這份樂天正面的性格，造就了她的成功。
阿風開網店個人心得：
1.搵啱客路
當初我搵到一班好鐘意高質素家品嘅靚太，佢地特別鎖定某一個牌子，只要有靚款同靚色，就算幾千蚊嘅煲都捨得買。
我就由賣煲開始儲客，只要搵啱客路，之後嘅創業路會比較容易行。
2.點樣儲LIKE?
要客人Like Facebook Page，我會間中搞一啲送禮物活動，參加方法係要客人add 多幾位朋友入嚟，希望利用蝴蝶效應增加曝光。
有啲公司聲稱可以幫網店「買like」，但我唔會建議，呢啲只係虛有其表，對生意無實際幫助。
2.與供應商保持友好
我定期都飛日本同韓國入貨，同供應商保持一個良好嘅關係，當佢哋有新貨會第一時間通知，搵啱貨種入貨。
不過因為香港人都比較貪新鮮，貨品唔建議壓太多，最好做埋預購，即係有幾多人買就入幾多貨，咁就可以避免壓貨風險。
