50歲單身男持200萬現金退休 網民獻計自製長糧：每月多$10,000零用！

50歲揸200萬退休？

近日有網民在討論區以「200萬 50歲退休」為題發文，與一眾網民探討單身人士50歲退休，手持200萬現金是否足夠。

樓主沒有表明是否需要供樓或其他特別支出，有網民建議將200萬投資股票收息，如果有物業或公屋，加上無大病、對物質亦沒有要求的話，200萬退休足夠應付開銷：

• 「假設住公屋，2球，買哂工行@$4，500,000股，一年$160,000股息，一個月$13,000，一個人唔大使夠哂。」
• 「如果你有公屋住的話其實係可以，因為到咗65歲長者有4千蚊個月畀你」
• 「當樓主有唔使供既自住樓，100萬買內銀/中移動收息，當月7厘回報，80萬再做定期3厘息，一年有94,000 收入，平均每月7千幾蚊用。清茶淡飯，應該夠。」
• 「假設每月只用5,000元，足夠用33年即係你83歲！每月5,000如果足夠使用，就可以退休喇~」
• 「到65歲使剩100萬用來買年金，每月大概有5，6千，再加長生津到時可能加到5千，咁就保你每月有1萬收入直到百年。」

有網民提議，退休後回內地二、三線城市生活，節省生活開支：

• 「用20幾萬去中山，買間細細地公寓，將餘下170萬買國有銀行收息，每年7厘，平均一個月有9000幾銀使，在中山每個月5000夠使，仲可以每月儲4000，非常掂，咁就可以即刻唔勞退休。」

「你得200萬要退休只有返大陸，我揸住差唔多1千萬cash 都只係諗過幾年返上中山退休，大陸而家消費仲係低，自己買餸返屋企煮一日都只係使幾十蚊，偶然可以出去食餐好少少或叫下外賣，再買部電動車代步，油錢都慳返，喺香港冇可能有呢啲生活。」

不過，有不少網民認為，投資有風險，加上通脹等因素，50歲手持200萬現金退休，每月開銷有限，只能過著簡約的退休生活，建議樓主打一份「風流工」較保險，還能儲定一筆應急錢。

理想退休生活要400萬儲備

香港人生活成本出名高，衣食住行樣樣貴。香港財務策劃師學會的退休調查指出，2021 年受訪的退休人士平均每月基本真實開支為港幣 13,465 元，此外，港人的退休開支上升，推算市民需要至少港幣 400 萬元儲蓄，才足以過理想的退休生活。

延伸閱讀：港媽加按層樓追星 負債600萬全家幫手還 網民勸女兒：唔好再做ATM！

延伸閱讀：地產商大陽春集體減價散貨，平過凱滙「一大截」係咩玩法？