港男有樓揸手唔想平賣 遭代理「追魂Call」日夜問價，點算好？｜1%Anthony

原因很簡單，二手有價講；一手無價講。加息氣氛籠罩，二手市場的買家在觀望。

甚麼是觀望？即是睇完又睇，得個睇字，無幫襯，就是觀望。

具體一點，就是買家們預期遲些買，樓價會便宜些。

個個都驚買貴，個個都不願出手，這個時候業主賣樓，減價未必是最有用的方法。

因為愈減價，買家就愈覺得業主急錢用，愈覺得可以再便宜些。

二手買家採觀望態度

例如業主的單位合理價是600萬元，買家問570萬元可以嗎？如果賣家好快答應，買家就會覺得，早知講550萬元啦！於是就話要返屋企問老婆；如果你又答應話得，買家會諗，早知講520萬元啦，又話要返去問阿媽。

如是者，無論業主點減，買家都會覺得早知再講平些，明明好抵都不買，這就是觀望。

買家幾時會買？等到將來樓市氣氛好轉，樓價回升時，買家就會驚遲些買，樓價會貴些。到時候買家就會蜂湧入市了，所以目前二手巿場非常淡靜。

為甚麼一手旺？難道就不會觀望嗎？

是的。二手觀望，是因為買家有得講價，買家覺得，就算這個業主不減，其他業主都會減，遲些買可能更便宜些，所以買家會等。

一手不同，買家無得講價，買家會覺得，自己不買，大把人買，賣完就無。於是不會有猶豫，見抵買就入票。

再加上，近期一手開價確實便宜。

相比之前火炭的星凱堤岸、元朗錦上路的柏瓏呎價高見逾20,000元，近期新盤明顯平好多，性價比高好多。

例如康城的凱柏峰，呎價18,000元，屬東九龍開白石角價；屯門兆康的NOVO LAND、粉嶺北的One Innovale等，呎價約14,000元，較之前的新界盤低近三成，貼近附近屋苑的二手價。

因為性價比高好多，所以能刺激買家入市也合理。

至於想賣樓的業主，正如上述所講，減價未必有用。

如果急錢用，無辦法，必須要減價；然而定好底價後，就不要再不斷下調了。

代理經常會致電問閣下：可以便宜些嗎？業主不要輕易答應，因為好多代理是扮有實客，套業主口風是否可以再便宜些，有票先傾。

如果閣下不急於等錢用，不如將物業出租多一年半載，遲些才沽，一來一回或能賣高兩成。

延伸閱讀：「洗屋師」儲陽氣洗白凶宅 9大苛刻入職條件挑戰底線：趕走「室友」即炒！

延伸閱讀：「末日博士」帶頭唱淡美國經濟 等睇通脹失控 大摩警告：熊市未完！