淘大失守4球一沉百踩 網民：「舊、爛、殘，弱智先買」
廣告
加息週期本港樓價顯著回落，供樓壓力增加削弱部分業主持貨力，九龍灣淘大花園1房戶近日以398萬元成交，價位重回2016年底，隨即引來網民熱烈討論，有人直指該屋苑「舊、爛、殘」，即使跌穿400萬元仍然十分貴，直言「弱智先買」。
成交價倒流6年仍賺170萬
美聯物業黃家明表示，上述成交單位為淘大花園O座低層8室，實用面積285呎，採1房間隔，獲外區用家以398萬元承接，實用呎價13,965元。翻查資料，2016年11月M座低層7室同類單位以395萬元易手，意味成交價時光倒流6年。
原業主於2012年4月以225.8萬元購入上述單位，持貨逾10年賬面獲利172.2萬元，單位升值76%。
網民：200個就差唔多
對於上述成交消息，有網民於Facebook樓市討論區直指「講真，雖然都係樓，不過套用地產述語『舊爛殘』，仲要低層無景，仲過萬3蚊呎，真係貴得交關。」
此言一出，隨即引來大量網民附和，大部分都表示淘大花園樓齡太舊，買完還要花錢裝修及維修，因此上述成交價位仍然很貴，認為起碼跌到200萬甚至跌至沙士時的價錢才合理，又指樓市仍然有下跌空間：
「如果你望到依家呢個位仲有兩三成跌，弱智先買。」
- 「去返5000蚊左右就比較合理。」
- 「2百零呎又三十幾年樓，老實講，二百幾萬合理D，四百萬真心貴囉。」
- 「樓主用舊殘爛形容淘大！500萬買入的業主情何以堪。」
- 「股市都回到90年代啦，樓價都仲咁高！」
「根本只係復常，樓呢啲野又要差餉又要管理費又要維修費，點會不斷升值架！買架車一落地都已經跌三成價啦。」
- 「一房呢個價其實都貴，200個就差唔多。」
- 「好快可以回到1997前的美好時光！」
- 「買嚟都係哂錢裝修，咁不如移民好過。」
- 「請盡快時光倒流，到沙士嘅時候。」
「淘大R座個埋位置，上年去睇，仲講緊7球幾 ，雖然淘大位置真係幾方便，但都30幾年樓，真心唔明企咁硬做咩 ，個陣心諗7球幾，我寜願睇康城首都個批算。」
- 「1房？到356呎果隻失守4球再算啦，1房無咩參考價值，本來就少人買。」
- 「跌到幾平都好，仲有法團維修野要煩。」
- 「全香港人一齊忍手唔買三年再日日唱跌，想唔半價都難。」
- 「為什麼樓價 一定會升？ 不斷都有新樓出，舊樓點會保值？」
- 「舊到等如當年唐樓。」
樓市好友：租客們不用為業主擔心
但亦有樓市好友仍然企硬：
「呢個世界啲人，樓貴又話貴，而家啲樓平，又話等吓先，可能明年再加息會再跌多啲，所以話呢個世界有啲人永遠買唔到樓係抵Ｘ佢死！」
「租客們不用為業主擔心。」
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
圖片來源：政府新聞網
